كەشە الەۋمەتتىك جەلىلەردە استاناداعى №27 مەكتەپتە اتىس ۇيىمداستىرۋ تۋرالى حابارلامالار پايدا بولعان ەدى. جازبالار مەسسەندجەرلەرگە تەز تاراپ, وقۋشىلار مەن اتا-انالاردى الاڭداتىپ قويدى. وسىدان كەيىن مەكتەپ دەرەۋ باقىلاۋعا الىندى, دەپ حابارلايدى Egemen.kz.
قالالىق ءبىلىم باسقارماسىنىڭ مالىمەتىنشە, جالعان اقپارات تاراتقان كامەلەتكە تولماعان جەتكىنشەكتەر بولىپ شىقتى. ولاردىڭ جەكە باسى انىقتالىپ, الەۋمەتتىك پاراقشالارى بۇعاتتالدى. بارلىق ماتەريالدار قۇقىق قورعاۋ ورگاندارىنا تاپسىرىلدى.
قازىرگى ۋاقىتتا مەكتەپتىڭ بارلىق وقۋشىلارىمەن پروفيلاكتيكالىق جۇمىستار جۇرگىزىلىپ جاتىر.
بۇعان دەيىن الەۋمەتتىك جەلىلەردە جوعارى سىنىپ وقۋشىسىنىڭ مۇعالىمگە قول كوتەرگەن ۆيدەوسى تاراعان ەدى.