«ەۆروۆيدەنيە» بايقاۋىندا بولگاريالىق ءانشى جەڭىسكە جەتتى

بولگاريا ءۇش جىلدىق ۇزىلىستەن كەيىن «ەۆروۆيدەنيە» بايقاۋىنا سالتاناتتى تۇردە ورالدى. جەڭىمپاز ءان 516 ۇپاي جينادى: 204 – قازىلار القاسى داۋىس بەرسە, 312 – كورەرمەندەردىڭ داۋىس بەرۋ ناتيجەسى بويىنشا انىقتالدى. ۇيىمداستىرۋشىلار قازىلار القاسى مەن كورەرمەندەر ءبىر اۋىزدان جەڭىمپازدى تاڭداعان جاعداي 10 جىلدەن بەرى ءبىرىنشى رەت بولعانىن اتاپ ءوتتى.

Bangaranga ءانىن ەنن دجۋديت ستوككە ۆيك, دارينا يوتوۆا (DARA), ديميتريس كونتوپۋلوس جانە Monoir جازعان.

Bangaranga وزىنەن كەيىن ەكىنشى ورىن العان ءاندى 173 ۇپايعا ارتقا تاستاپ, تازا جەڭىسكە جەتتى. بۇل 2009 جىلى ماسكەۋدەگى «ەۆروۆيدەنيە» بايقاۋىندا  الەكساندر رىباكتىڭ Fairytale انىندە بولعان 169 ۇپايلىق رەكوردتى جاڭارتىپ وتىر.   

ەكىنشى ورىندى يزرايلدىق نوام بەتتاننىڭ ورىنداۋىنداعى Michelle ءانى يەلەنسە, ءۇشىنشى ورىن رۋمىنيادان بارعان  الەكساندرا كاپيتانەسكۋ مەن سhoke مe-گە بۇيىردى.

اۆستراليا مەن يتاليا انشىلەرى ءتورتىنشى جانە بەسىنشى ورىنداردى يەلەنىپ, ۇزدىك بەستىكتى تۇيىندەدى.

بۇعان دەيىن قازاقستاندىق تالانتتى ءانشى نۇرجاس سادىرباەۆتىڭ «Voice Beyond Horizon» حالىقارالىق جوباسىندا جەڭىسكە جەتكەنىن حابارلاعان ەدىك.