پەتروپاۆل. 27 اقپان. سولتۇستىك قازاقستان وبلىسىنداعى «جەڭىس» بالالار جانە جاسوسپىرىمدەر سپورت مەكتەبىندە قازاق كۇرەسىنەن « پوليتسيا بارىسى» ءتۋرنيرى باستالدى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى.
ءتۋرنيردىڭ اشىلۋىنا وبلىس اكىمىنىڭ ورىنباسارى انارحان دۇيسەنوۆا, قالا اكىمى مارات تاسماعانبەتوۆ جانە كۇشتىك قۇرىلىمدار باسشىلارى قاتىستى.
جارىس بارىسىندا وبلىستىق ىشكى ىستەر دەپارتامەنتىنىڭ باسشىسى, گەنەرال-مايور بەرىك ءبىلالوۆ سپورت ارداگەرى باۋىرجان قۇلجانوۆقا «قازاق كۇرەسى بويىنشا ءبىرىنشى سپورت شەبەرى» بەلگىسىن سالتاناتتى جاعدايدا تاپسىردى.
«تۇڭعىش رەت ۇيىمداستىرىلىپ وتىرعان جارىسقا وبلىس ورتالىعىنان, اۋدانداردان جانە قىلمىستىق اتقارۋ, توتەنشە جاعدايلار جونىندەگى دەپارتامەنتتەر مەن مامانداندىرىلعان كۇزەت باسقارماسىنان 34 پالۋان كۇش سىناسىپ, «پوليتسيا بارىسى-2015» اتاعىن ساراپقا سالاتىن بولادى», دەيدى ءتۋرنيردى ۇيىمداستىرۋشىلار.
جەڭىمپازدار مەن جۇلدەگەرلەر لايىقتى ماراپاتتالماق. ال «پوليتسيا بارىسىن» قوماقتى جۇلدە كۇتىپ تۇر.
ءومىر ەسقالي.
دەرەككوز: سولتۇستىك قازاقستان وبلىستىق ىشكى ىستەر دەپارتامەنتىنىڭ ءباسپاسوز قىزمەتى.
سۋرەت: ogni.kz.