اتىراۋ. 26 اقپان. اتىراۋ وبلىسىنىڭ قۇرمانعازى اۋدانىنداعى «قۇرالاي» نان ونىمدەرى كومبيناتىنان تاۋلىگىنە 3,5 مىڭ داناعا جۋىق ءونىم شىعارىلادى. بۇل تۋرالى egemen.kz. ءتىلشىسى حابارلادى.
قازاقستاننىڭ رەسەيمەن شەكارالاس اۋدانىنداعى نان ونىمدەرى كومبيناتى تاۋلىگىنە 3,5 مىڭ داناداي ءونىم شىعارىپ, تۇتىنۋشىنىڭ سۇرانىسىن ۇزدىكسىز قامتاماسىز ەتۋ ءۇشىن 35 ادامدى جۇمىسقا قابىلدادى. كۇن سايىن ازىق-ت ۇلىك دۇكەندەرىنە جىبەرىلەتىن ناننىڭ باعاسى 45-50 تەڭگەدەن ساتىلادى. نان ونىمدەرى كومبيناتىنىڭ ديرەكتورى تىلەكقابىل جاكيەۆتىڭ ايتۋىنشا, مەكتەپ, بالاباقشا اسحانالارىنا جەڭىلدەتىلگەن باعامەن نان ونىمدەرى تاسىمالدانادى. سونىمەن بىرگە, كومبيناتتا كونديتەرلىك ونىمدەر شىعاراتىن قوندىرعى دا دامىلسىز جۇمىس جاساپ تۇر.
«قازىر قۇرمانعازى اۋدانى تۇرعىندارىنىڭ 70 پايىزىن نان ونىمدەرىمەن قامتىپ وتىرمىز. رەسەيدەن اكەلىنەتىن جاڭا ناۋبايحانا جەلىسى ىسكە قوسىلعاندا, ءونىم كولەمىن 2 ەسەگە ارتتىرامىز. وسىعان وراي ەلىمىزدىڭ استىقتى وڭىرلەرىنەن ۇن الۋعا كەلىسىم جاسادىق. سول سەبەپتەن, قوسىمشا 50 ادامدى جۇمىسقا قابىلداۋدى دا جوسپارلادىق» دەيدى كومبينات ديرەكتورى تىلەكقابىل جاكيەۆ.
جولداسبەك شوپەعۇل.
دەرەك: egemen.kz.
سۋرەت: azh.kz.