ەلباسىمىزدىڭ پرەزيدەنتتىك سايلاۋدى بيىل وتكىزۋ جونىندەگى
ءاربىر سانالى قازاقستاندىقتىڭ بورىشى
مەملەكەت باسشىسىنىڭ حالىققا ۇندەۋىن مۇقيات وقىدىم. قازىرگىدەي تار كەزەڭدە نۇرسۇلتان ءابىش ۇلى نازارباەۆتىڭ قازاقستان حالقى اسسامبلەياسى كەڭەسىنىڭ كەزەكتەن تىس پرەزيدەنتتىك سايلاۋ وتكiزۋ تۋرالى باستاماسىنا كەلىسىم بەرگەنىنە قاناعاتتاندىق. قازiر الەمدەگi ساياسي-الەۋمەتتiك جاعداي تۇراقسىز. قارجىلىق-ەكونوميكالىق داعدارىستىڭ جاڭا تولقىنى بوي كورسەتiپ وتىر. ەندەشە, وسىنداي الماعايىپ كۇندەردە بارشا قازاقستاندىقتار ەلباسى ن.نازارباەۆتىڭ توڭiرەگiنە تىعىز توپتاسۋىمىز قاجەت دەپ ويلايمىن. بۇل جولى دا نۇرسۇلتان ءابiش ۇلىنىڭ سايلاۋعا قاتىسقانىن قالار ەدiم. ويتكەنi, نۇرسۇلتان ءابiش ۇلىنىڭ وتانىمىزدىڭ iرگەسi بەكiگەن تاۋەلسiز مەملەكەت بولىپ قالىپتاسۋىنا سiڭiرگەن ەڭبەگi شەكسiز ەكەنiن تەك قازاقستاندىقتار عانا ەمەس, بۇكiل الەم بiلەدi. ءار جىلى حالىققا ارنايتىن جولداۋلارىندا وتانىمىزدىڭ دامۋىنا ەڭ قاجەتتi دەگەن كەلەلi ماسەلەلەر مەن تاپسىرمالاردى كورەگەندiكپەن, دەر كەزiندە قويا بiلۋiنiڭ ارقاسىندا باسەكەلەستiككە قابiلەتتi ەلدiڭ قاتارىنا ەنگەنiمiز – ن.ءا.نازارباەۆتىڭ ناعىز كوشباسشى ەكەنiنiڭ دالەلi. نۇرسۇلتان ءابiش ۇلىنىڭ ەندiگi ماقساتى – قازاقستاندى داعدارىستان امان-ەسەن الىپ شىعىپ, باسەكەلەستiككە قابiلەتتi 30 ەلدiڭ قاتارىنا ەنگiزۋ. قازاق حاندىعىنىڭ 550 جىلدىعىن تويلاۋ ارقىلى ماڭگiلiك ەلدiڭ بەدەلiن الەمدiك دەڭگەيدە ۇلىقتاۋ, iرگەسiن تاعى دا بەكiتە ءتۇسۋ. بۇگiندە «نۇرلى جول – بولاشاققا باستار جول» جولداۋى بويىنشا قارقىندى جۇمىس باستالىپ كەتتi. الدىمىزدا ەلباسى ەڭبەگiنiڭ ارقاسىندا جەڭiپ العان ەكسپو-2017 كورمەسiن وتكiزۋ مiندەتi تۇر. يگi ماقساتپەن باستالعان وسىنداي ۇلكەن iس-شارالاردى تابىستى اياقتاۋ ءۇشiن نۇرسۇلتان ءابiش ۇلىنا مۇمكiندiك بەرۋ ءاربiر سانالى قازاقستاندىقتىڭ ازاماتتىق بورىشى دەپ بiلەمiن. امانگەلدi سوپبەكوۆ, وڭتۇستiك قازاقستان وبلىستىق ءماسليحاتىنىڭ دەپۋتاتى. وڭتۇستىك قازاقستان وبلىسى.تىلەگىمىز وسى ەدى
بۇكىل عۇمىرىم ەل ىشىندە ءوتىپ كەلە جاتقاندىقتان, ءوزىم سياقتى ادامداردىڭ قوعامىمىزداعى جاعدايلارعا بايلانىستى پەيىلىن, پىكىرىن جاقسى بىلەمىن. جاس مەملەكەتىمىز بەدەلىن بيىكتەتىپ, الەۋمەتتىك الەۋەتىمىزدى جاقسارتىپ, ءبىرلىگىمىزدى بەرىكتىرىپ, دامۋ جولىنا ۇيىتقى بولۋشى تۇڭعىش پرەزيدەنتىمىز ن.ءا.نازارباەۆتىڭ ادال قىزمەتىنە, وراسان زور ەڭبەگىنە ريزاشىلىق شەكسىز ەكەنىنە كۇنبە-كۇن كوز جەتىپ ءجۇر. سوندىقتان قازاقستان حالقى اسسامبلەياسى كەڭەسىنىڭ ەلىمىزدە كەزەكتەن تىس پرەزيدەنتتىك سايلاۋ وتكىزۋ تۋرالى باستاما كوتەرۋى ورىندى بولدى. ويتكەنى, الەم ەكونوميكاسىنداعى قازىرگىدەي كۇردەلى كەزەڭدە تۇراقتىلىقتى ساقتاپ, كەلەشەگىمىزگە كەپىلدى كۇشەيتىپ, ودان ءارى ءوسىپ-وركەندەۋدى قامتاماسىز ەتۋ قاجەتتىگى ۋاقىت تالابى ەكەنى اقيقات. جاس مەملەكەتىمىزدىڭ ءوسۋ جولدارى كوز الدىمىزدا. جەڭىستەرمەن قاتار, قيىندىقتار دا از بولمادى. سونىڭ ءبارىن تۇڭعىش پرەزيدەنتىمىزدىڭ سارابدال ساياساتى ارقاسىندا ەڭسەرۋىمىز كوپكە ءمالىم. وسىلاي بولا بەرۋىن تىلەيمىز. سول مۇددەمىزگە وراي ەلباسىنىڭ پرەزيدەنتتىك سايلاۋدى بيىل وتكىزۋ جونىندەگى بۇكىل حالىقتىڭ قالاۋىن قابىل الىپ, شەشىم شىعارۋىن قۋانا قارسى الدىق. بۇعان بايلانىستى قازاقستان حالقىنا ۇندەۋىندە: «الەمدىك ەكونوميكالىق داعدارىس بەلەڭ الا تۇسكەن كەزەڭدە حالىققا ەرتەڭگى كۇنىنە دەگەن سەنىمدىلىك كەرەك. بۇل, ەڭ الدىمەن, جۇمىس ورىندارىمەن قامتاماسىز ەتۋ, الەۋمەتتىك تولەمدەردىڭ, جالاقىنىڭ, ستيپەنديالاردىڭ تۇراقتىلىعى», دەپ اتاپ ايتقانىنداي, جارقىن بولاشاققا سەنىمىمىز زور. قاشاندا ءۇمىتىمىزدى اقتاپ, كەلەشەككە جول باستاۋشى كەمەڭگەر كوشباسشىمىزدىڭ بۇل جولى دا قايراتىمىزدى قايراپ, ءجىگەرىمىزدى جانىپ, اسقارالى ماقساتتارعا جەتەلەرىنە كۇمانىمىز جوق. ءبارىمىزدىڭ كوكەيىمىزدەگىنى ءدوپ باسقان, كوڭىلىمىزدەن شىققان شەشىمدى بارشا قازاقستاندىقتارداي جاڭاارقالىقتاردىڭ دا قىزۋ قولداۋىن جەتكىزگىم كەلەدى. قامبار سەيىتكامالوۆ, جاڭااارقا اۋداندىق ارداگەرلەر كەڭەسى توراعاسىنىڭ ورىنباسارى. قاراعاندى وبلىسى.باق ءبىز سياقتى تاتۋ ەلگە بارادى
قازاقستان حالقى اسسامبلەياسىنىڭ كەڭەسى كەزەكتەن تىس پرەزيدەنتتىك سايلاۋ وتكىزۋ تۋرالى باستاما كوتەرگەن بولاتىن. ەلباسى بۇل باستامانى مۇقيات وي تارازىسىنا سالىپ, «كەزەكتەن تىس پرەزيدەنتتىك سايلاۋ وتكىزگەن ءجون» دەگەن پايىمعا كەلدى. سونداي-اق, بۇل ۇسىنىستى جاھاندىق ساراپشىلار, قازاقستاندىق قوعام قايراتكەرلەرى, زيالى قاۋىم وكىلدەرى مەن ەلىمىزدىڭ تۇكپىر-تۇكپىرىنەن ءتۇرلى سالادا جۇمىس ىستەيتىن قىزمەتكەرلەر قولداپ, وزدەرىنىڭ كوپشىلىكپەن ىنتىماقتاستىعىن ءبىلدىرىپ جاتىر. شىن مانىسىندە, بۇل سايلاۋ جاي عانا سايلاۋ ەمەس. ەلباسىمىز ايتقانداي, سايلاۋ – اسا ماڭىزدى كونستيتۋتسيالىق جانە پاتريوتتىق اكت. بۇل سايلاۋدا كەلەشەگى كەمەل ەلدىڭ تاعدىرى, ۇلتتىڭ بولاشاعى شەشىلەدى. بۇل سايلاۋ ارقىلى الەمدەگى ەكونوميكالىق جانە گەوساياسي اۋىرتپالىقتارعا قارسى اۋقىمدى كەڭ قورعانىس شاراسى جاسالىنباق. ال ناقتى باعدارلايتىن بولساق, پرەزيدەنتتىك سايلاۋدى وتكىزۋ – زاڭدى قۇبىلىس. سوندىقتان, شىنىندا ەلىمىزدەگى باستى ساياسي ناۋقاندى كەيىنگە شەگەرۋگە ەش نەگىز جوق دەپ ويلايمىن. بۇل – ۋاقىت تالابى. بيىلعى جىل – ەلىمىزدىڭ ءومىرىندە ماڭىزدى وقيعالارعا تولى جىل. ەلباسىنىڭ «نۇرلى جول – بولاشاققا باستار جول» اتتى جولداۋىندا اتاپ كورسەتىلگەندەي, اعىمداعى جىلى قازاق حاندىعىنىڭ 550 جىلدىعى, ۇلى جەڭىستىڭ 70 جىلدىعى جانە قازاقستان حالقى اسسامبلەياسىنىڭ جىلى مەن ەل كونستيتۋتسياسىنىڭ 20 جىلدىعى كەڭ كولەمدە اتاپ وتىلمەك. سونداي-اق, كەلەشەگىمىزدى ايقىندايتىن ەكونوميكالىق باعىتتا ءبىلىم بەرۋ سالاسىندا ءبىرشاما جوبالاردى جۇزەگە اسىرۋ كوزدەلگەن. ال وسى ىلكىمدى ىستەردىڭ ورىندالۋى 2016 جىلعا ءتۇسىپ وتىر. سول سەبەپتەن دە, جالپىحالىقتىق ماڭىزدى ءىستىڭ ەرتەرەك وتۋىنە قولداۋ كورسەتكەنىمىز ابزال. قازاقتا «باق, قايدا باراسىڭ؟ كورشىمەن بولعان بىرلىگى, مەرەكەلى تىرلىگى, ۇيىمشىل ەلگە بارامىن», دەگەن قاناتتى ءسوز بار. بولاشاعىمىزدى ايقىنداپ, كەلەشەگىمىزگە جول اشار ماڭىزدى ىسكە «ءبىر جەڭنەن قول, ءبىر جاعادان باس شىعارىپ» قولداۋ كورسەتىپ, اتسالىسۋعا شاقىرامىن. داريا قوجامجاروۆا, تاراز مەملەكەتتىك پەداگوگيكالىق ينستيتۋتىنىڭ رەكتورى, رەسپۋبليكا ۇلتتىق عىلىم اكادەمياسىنىڭ كوررەسپوندەنت-مۇشەسى. جامبىل وبلىسى.قالاۋىمىز – تۇتاستىق
«ءبىز قازاق مال باققان ەلمىز. ەشكىمگە سوقتىقپاي جاي جاتقان ەلمىز. ەلىمىزدەن قۇت-بەرەكە قاشپاسىن دەپ, جەرىمىزدىڭ شەتىن جاۋ باسپاسىن دەپ, نايزاعا ۇكى تاققان ەلمىز», دەگەن عوي قاز داۋىستى قازىبەك بي. بۇل – ءبىزدىڭ جۇرتتىڭ بۇكىل بولمىس-ءبىتىمىن اشاتىن ءسوز. كەڭپەيىلدىگىن, جومارتتىعىن, قوناقجايلىعىن, بەيبىتشىلىكسۇيگىشتىگىن ءدال كورسەتكەن, انىق ايتقان, كوركەم كەستەلەنگەن وسى سۋرەتتەۋ بۇگىنگى قازاققا دا ءتان. سىن ساعاتىندا ءبىر جەڭنەن قول, ءبىر جاعادان باس شىعارىپ, ەلدىڭ تىنىشتىعى مەن تۇراقتىلىعىن باستى قۇندىلىق سانايدى ءبىزدىڭ جۇرت. قازاقستان حالقى اسسامبلەياسىنىڭ كەزەكتەن تىس پرەزيدەنتتىك سايلاۋ وتكىزۋ تۋرالى ۇسىنىسىن حالقىمىز مەملەكەتىمىزدىڭ باياندى بولاشاعى, كەمەل كەلەشەگى ءۇشىن جاسالعان جاقسى قادام رەتىندە قابىلدادى. سوندىقتان ءبىرتۇتاس قولداپ, قۋاتتاپ, ەلباسىنا ارنايى حات جولداپ, ساياسي شەشىمدى قابىلداۋدى سۇرادى. پرەزيدەنت نۇرسۇلتان نازارباەۆ حالىقتان تۇسكەن ءوتىنىش-تىلەكتەردى تىڭداپ, وي ەلەگىنەن وتكىزىپ, تەرەڭ ساراپتاپ, ءوزىنىڭ كەسىمدى ءسوزىن ايتتى. سونىمەن, پرەزيدەنتتىك سايلاۋ 26 ساۋىرگە بەلگىلەندى. بۇل دەر شاعىندا, ءدال ۋاقىتىندا قابىلدانعان شەشىم بولدى. ەلباسى ءوز ۇندەۋىندە پرەزيدەنتتىك مەرزىمدى رەفەرەندۋم ارقىلى سوزعاننان گورى كەزەكتەن تىس سايلاۋ وتكىزگەن دۇرىس دەدى. الەمدىك ساياسات قىم-قيعاش كەيىپكە ەنىپ, داعدارىستىڭ داۋىسى زورايا تۇسكەن مىنا شاقتا ەلدىڭ بولاشاعىن الدىن الا ايقىنداپ الماسا بولمايدى. مۇنداي كەزەڭدە بىزگە ەڭ الدىمەن تىنىشتىق پەن تاتۋلىق كەرەك. الاۋىز بولماي, ارازدىققا بارماي, ءبىر قولدىڭ سالاسىنداي, ءبىر ءۇيدىڭ بالاسىنداي اۋىزبىرشىلىكتە بولساق قانا الدا تۇرعان قيىندىقتاردى ەڭسەرە الامىز. «جەر بەتىندە سانى قانشا ميلليون بولسا دا تۋىن تىگەر ۇلتاراقتاي جەردى, ۇرپاعىنا ميراس ەتەر ەلدى ارمان ەتكەن ۇلتتار قانشاما! ەلى بولعانمەن باعدارى جوق, باعدارى بولعانمەن بەرەكەسى جوق حالىقتار دا كوز الدىمىزدا. قازاقستان دامۋ كوشىنە ىلەسكەن ەلدەردەن سۋىرىلىپ شىعىپ, كوش تىزگىنىن ۇستاعان ەلدەردىڭ ساناتىنا بەت الدى»,– دەدى مەملەكەت باسشىسى. شەكاراسى بەكىتىلگەن جەرىمىز بار, ءبىرتۇتاس ەلىمىز بار. باعىتىمىز ايقىن. باعدارىمىز انىق. سوندىقتان دامۋدىڭ كوشىنە ەركىن ەنگەن حالقىمىز الداعى ساياسي ساتتە ءوزىنىڭ بولاشاعىن اداسپاي تاڭدايدى دەپ ويلايمىن. سەيىلبەك شاۋحامانوۆ, قىزىلوردا وبلىستىق ارداگەرلەر كەڭەسىنىڭ توراعاسى. قىزىلوردا.سەنىمدى سەرپىلىسكە جەتەلەيدى
قازاقستان حالقى اسسامبلەياسىنىڭ كەزەكتەن تىس پرەزيدەنتتىك سايلاۋ وتكىزۋ تۋرالى باستاماسى ەل تاراپىنان قىزۋ قولداۋ تاپتى. وسىعان وراي ەلباسى نۇرسۇلتان نازارباەۆ قازاقستان حالقىنا ۇندەۋىن جولدادى. كەزەكتەن تىس سايلاۋ وتكىزۋ جونىندەگى شەشىم گەوساياسي جانە سىرتقى ساياسي جاعدايلاردى ۇعىنۋدان تۋىنداپ وتىر. بۇگىنگى جاھاندىق وزگەرىستەر تيىسىنشە زەردەلى ءىس-قيمىلدى, نارىققا جەدەل بەيىمدەلۋدى, حالىقارالىق جانە ىشكى ساياساتقا تىڭعىلىقتى دەن قويۋدى تالاپ ەتەدى. ەلباسى ۇندەۋىن د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىنىڭ ۇجىمى قىزۋ قولدايدى. ءبىزدىڭ ۋنيۆەرسيتەتتە ءوڭىردەگى قازاقستان حالقى اسسامبلەياسىنىڭ عىلىمي-ساراپتامالىق توبىنا مۇشە بولىپ ەنگەن عالىمدار ەڭبەك ەتەدى. ياعني, عالىمدارىمىز ەلباسى ۇندەۋىن قولداۋمەن بىرگە, ەلىمىزدەگى تۇراقتىلىق پەن تاتۋلىق تۇعىرىنىڭ عىلىمي نەگىزدەمەسىن تەرەڭ ءتۇسىنىپ, قوعامعا جەتكىزۋگە ىقپال ەتىپ كەلەدى. كەشە عانا ۋنيۆەرسيتەتتىڭ عىلىمي كەڭەسىندە كەزەكتەن تىس پرەزيدەنتتىك سايلاۋ وتكىزۋ تۋرالى پروفەسسور-وقىتۋشىلار قۇرامى ءسوز سويلەپ, ونىڭ قازىرگى ماڭىزى جونىندە تۇششىمدى وي-پىكىرلەرىن ورتاعا سالعان بولاتىن. وسى ورايدا, عىلىمي الەۋەتىمىز بەن شاكىرتتەرىمىزدىڭ ءۇنى ۇندەۋمەن ۇيلەسىم تاۋىپ, ءبىر ارنادا توعىستى. مەملەكەت باسشىسىنىڭ قازاقستاندىق دامۋدىڭ داڭعىل جولىنا باعىتتاعان باتىل دا باعدارلى ساياساتى بارشامىزعا سەنىم ۇيالاتادى. پرەزيدەنتتىك سايلاۋدى بيىل وتكىزۋدىڭ تيىمدىلىگىن ەكى تۇرعىدا قاراستىرعان ءلازىم. بىرىنشىدەن, كەلەر جىلى كۇنتىزبەدە پارلامەنتتىك سايلاۋ وتەدى. ەلەكتوراتتىق ناۋقاندى ەكى سايلاۋعا جۇمىلدىرعان ەلىمىز ءۇشىن ءتيىمسىز. ەكىنشىدەن, وسى سايلاۋ ارقىلى ەلىمىزدىڭ ەكونوميكالىق جانە ساياسي مارتەبەسى ساقتالادى. ويتكەنى, الەمدەگى قارجى داعدارىسى مەن بىرقاتار ەلدەردىڭ ىشكى تۇراقسىزدىعىنىڭ كۇشەيۋى كەزەڭىندە ءبىز تاۋەلسىزدىك جىلدارى قول جەتكىزگەن باستى بايلىعىمىز – بىرلىك-بەرەكەمىزدى ساقتاپ قالۋىمىز ءتيىس. ەلباسىنىڭ باسشىلىعىمەن بىرگە ءبىز بارلىق قيىندىقتار مەن كەدەرگىلەردى جەڭىپ شىعىپ, تابىسقا قول جەتكىزدىك. مەملەكەت باسشىسىنىڭ جەتەكشىلىگىمەن بۇگىنگە دەيىن داعدارىستىڭ ءۇش تولقىنىن وتكەردىك. كەزەكتى جاھاندىق كۇردەلى جاعدايدا دا ەلباسىنىڭ كورەگەن ساياساتى ەلىمىزدى سەنىمدى سەرپىلىسكە جەتەلەيدى. نۇرلان تەمىربەكوۆ, د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىنىڭ رەكتورى, رەسپۋبليكا ۇلتتىق عىلىم اكادەمياسىنىڭ كوررەسپوندەنت-مۇشەسى. وسكەمەن.بۇل – جاۋاپتى شاق
سايلاۋ – دەموكراتيالىق قوعامنىڭ اسا ماڭىزدى كورىنىستەرىنىڭ ءبىرى. ءار ازاماتتىڭ وسى ۇدەرىسكە قاتىسۋى, داۋىس بەرۋى ەل بولاشاعىنىڭ قانداي بولاتىنىن شەشەدى. كەشەگى ۇندەۋىندە ەلباسى حالىقتىڭ مۇددەسىنە وراي, ونىڭ ءوتىنىشىن, جالپىعا ورتاق ەرىك-جىگەرىن ەسەپكە الا وتىرىپ, نەگىزگى زاڭدى بۇلجىتپاي ساقتاۋ ءۇشىن مەن كونستيتۋتسيانىڭ 41-بابىنىڭ 3-1 تارماعىنا سايكەس شەشىم قابىلداپ, 2015 جىلدىڭ 26 ساۋىرىندە كەزەكتەن تىس پرەزيدەنتتىك سايلاۋدى بەلگىلەۋ تۋرالى جارلىققا قول قويدىم, دەدى. ياعني, بىرلىك پەن كەلىسىم ورناعان ەلىمىزدە وركەندەۋ دە, دامۋ دا بولاتىنىنا سەنىمدى ەكەنىمىزدى جەتكىزدى. وسى ماقسات ءارى قاراي دا جالعاسا بەرۋى ءۇشىن بىرلەسىپ قىزمەت ەتۋگە شاقىردى. «ەلدىڭ بىرلىگىن نىعايتىپ, وتانىمىزدى كوركەيتۋگە باعىتتالعان كەز كەلگەن ۇسىنىس مەن ءۇشىن قۇندى», – دەپ اتاپ ءوتتى. ويتكەنى, بارىمىزگە بەلگىلى, ءبىزدىڭ ەلىمىز قازىر 30 ەلدىڭ قاتارىنا قوسىلۋ جونىندەگى «2050» ستراتەگياسىن جۇزەگە اسىرۋعا كىرىستى. ءبىزدىڭ اۋدانىمىزدا دا اكىمدىك باستاماسىمەن كوپتەگەن شارالار اتقارىلۋدا. قازىر شالعاي جاتقان قىزىلاعاش اۋىلىندا مەكتەپ قۇرىلىسى جۇرگىزىلۋدە. شالعاي اۋىلداردا امانتاي مۋسين, نيكولاي ميللەر دەگەن ءىرى شارۋاشىلىقتاردىڭ قوجايىندارى تۇرادى. اۋىلدىقتار ولار باسقاراتىن ەگىن جانە مال شارۋاشىلىقتارىندا ەڭبەك ەتۋدە. بۇل ونداعان جۇمىس ورنى, اۋىلدىقتار جۇمىسسىز ەمەس دەگەندى بىلدىرەدى. ارينە, قيىندىقتار ءار ىستە كەزدەسەدى. ماسەلە سول قيىندىقتاردى جەڭىپ, ورنىقتى تىرلىك قۇرۋدا عوي. بارلىق ەلباسى جولداۋلارى ەڭبەككە, دامۋ جولىنا, وركەنيەتتىلىككە, ورتاق وتاندى وركەندەتۋگە ۇندەيتىنى دە سوندىقتان. ءبىزدىڭ اۋدانىمىز, مىسالى, رەسەي اۋداندارىمەن شەكتەسەدى. رۋحاني-مادەني بايلانىس بارىسىندا وتكىزگەن قانداي ءىس-شارالار بولسىن ءبىزدىڭ ەلىمىزدىڭ بىرلىك, تاتۋلىق ماقساتىمىزدان قازاقستاندىقتار ۇلگىسىن, وتانعا دەگەن ورتاق ءسۇيىسپەنشىلىكتى كورسەتىپ ماقتانىش ەتەمىز. بۇل مۇددە جولىن ەلباسى «بۇگىنگى ءبىزدىڭ قازاقستاندىق مىنەز-ءبىتىمىمىز وسىنداي! بىرلىك پەن تۇراقتىلىق – بۇل ءبىزدىڭ جاۋاپتى تاڭداۋىمىز!» دەگەن تاماشا باعا بەرگەن سوزدەرىمەن اتاپ ءوتتى. وسى ۇندەۋدە «قازاقستاندىق مىنەز-ءبىتىم» دەگەن جاڭا اتاۋ پايدا بولدى. الداعى سايلاۋدا دا ەل تاريحىنداعى تاعى ءبىر تاعدىرلى وقيعاعا ەرەكشە جاۋاپكەرشىلىك وسى قازاقستاندىق مىنەز-ءبىتىم ارقىلى كورىنىس تابادى دەپ ويلايمىن. عالىمبەك قايىرىسقاق ۇلى ەرتىس اۋداندىق اكىمدىگى ىشكى ساياسات ءبولىمىنىڭ باستىعى. پاۆلودار وبلىسى.