ەلباسى نۇرسۇلتان نازارباەۆ رەسەي فەدەراتسياسىنىڭ پرەزيدەنتى ۆلاديمير پۋتينمەن تەلەفون ارقىلى سويلەستى, دەپ حابارلادى قازاقستان پرەزيدەنتىنىڭ ءباسپاسوز قىزمەتى.
قازاقستان مەن رەسەي كوشباسشىلارى ۋكرايناداعى قازىرگى احۋالدى تالقىلاپ, جالپى العاندا, قاقتىعىس اۋماعىندا وق اتۋدى توقتاتۋعا قول جەتكىزىلگەنىن اتاپ ءوتتى.
مەملەكەت باسشىلارى ۋكراينا داعدارىسىن رەتتەۋ ءۇشىن
12 اقپانداعى مينسك كەلىسىمدەرىن ورىنداۋدىڭ ماڭىزدىلىعىنا توقتالدى.
سونداي-اق, قازاقستان-رەسەي ىنتىماقتاستىعى مەن ەۋرازيالىق ەكونوميكالىق ىقپالداستىق اياسىنداعى ءوزارا ءىس-قيمىلدىڭ وزەكتى ماسەلەلەرى دە قاراستىرىلدى.
سوڭىندا ۆ.پۋتين قازاقستان, بەلارۋس جانە رەسەي پرەزيدەنتتەرىنىڭ ناۋرىز ايىنا جوسپارلانعان استاناداعى ۇشجاقتى كەزدەسۋىنە قاتىسۋعا نيەتتى ەكەنىن ايتتى.