2026 جىلعى 1 شىلدەدەن باستاپ قازاقستاندا يپوتەكا بەرۋ تارتىبىنە بىرقاتار وزگەرىستەر ەنگىزۋ جوسپارلانىپ وتىر. ەڭ باستى جاڭالىق – يپوتەكالىق نەسيەلەر بويىنشا ەكى ءتۇرلى شەكتى مولشەرلەمە بەلگىلەنەدى: 20% جانە 25%, دەپ حابارلايدى Egemen.kz.
سونىمەن قاتار بانكتەر قارىز الۋشىلاردىڭ تابىسىن مۇقيات تەكسەرىپ, ولاردىڭ جالپى قارىز جۇكتەمەسىن دە ەسەپكە الاتىن بولادى.
ۇلتتىق بانك پەن قارجى نارىعىن رەتتەۋ جانە دامىتۋ اگەنتتىگى بانكتەرمەن بىرلەسىپ جاڭا شەكتى مولشەرلەمەلەردى كەلىسىپ وتىر. ولار باستاپقى جارنا كولەمىنە بايلانىستى انىقتالادى:
ەگەر باستاپقى جارنا 30% جانە ودان جوعارى بولسا – يپوتەكانىڭ جىلدىق ءتيىمدى سىياقى مولشەرلەمەسى 20%-دان اسپايدى. ەگەر باستاپقى جارنا 30%-دان تومەن بولسا – مولشەرلەمە 25%-عا دەيىن كوتەرىلۋى مۇمكىن.ياعني, باستاپقى جارنا نەعۇرلىم كوپ بولسا, يپوتەكا سوعۇرلىم ارزان بولادى.
يپوتەكا مولشەرلەمەسى باستاپقى جارناعا بايلانىستى وزگەرەدى
ۇلتتىق بانك توراعاسى تيمۋر سۇلەيمەنوۆتىڭ ايتۋىنشا, شەشىم بانكتەرمەن كەلىسىلدى, الايدا تەحنيكالىق دايىندىق جۇمىستارى ءالى دە جالعاسىپ جاتىر. ءتيىستى بۇيرىق جوباسى مامىر ايىندا جاريالانادى.
جاڭا تالاپ بويىنشا بانكتەر تەك رەسمي راستالعان تابىستى عانا ەسەپكە الادى. بۇل دەگەنىمىز:
زەينەتاقى اۋدارىمدارى; رەسمي جالاقى; قۇجاتپەن راستالعان كىرىستەر عانا قاراستىرىلادى.«بۇل دەگەنىمىز, تابىستى رەسمي تۇردە راستاۋسىز يپوتەكا الۋ مۇمكىن بولمايدى», دەپ تۇسىندىرىلەدى.
قازىرگى ۋاقىتتا بانكتەردە بارلىق نەسيە بويىنشا تولەمدەر تابىستىڭ 50%-ىنان اسپاۋى كەرەك دەگەن شەكتەۋ بار.
2026 جىلدىڭ شىلدەسىنەن باستاپ قوسىمشا كورسەتكىش ەنگىزىلەدى – قارىزدىڭ تابىسقا قاتىناسى (debt-to-income ratio). ول تەك اي سايىنعى ەمەس, جالپى قارىز كولەمىن دە ەسكەرەدى.
جاڭا جۇيە اياسىندا بانكتەر يپوتەكا, اۆتونەسيە جانە كەپىلسىز نەسيەلەر بويىنشا بولەك شەكتەۋلەر بەلگىلەي الادى. بىراق ءبارى ورتاق قارىز جۇكتەمەسى كوەففيتسيەنتى شەڭبەرىندە ەسەپتەلەدى.
يپوتەكالىق نارىق كەڭەيتىلدى: كوممەرتسيالىق بانكتەر جاڭا جۇيەگە قوسىلدى
قاراپايىم تىلمەن ايتقاندا, الدىمەن ادامنىڭ جالپى قارىز الۋ مۇمكىندىگى شەكتەلەدى, سودان كەيىن ءار نەسيە تۇرىنە جەكە ليميت بولىنەدى.
جاڭا ەرەجەلەر يپوتەكا الۋ شارتتارىن قاتاڭداتۋى مۇمكىن. ساراپشىلاردىڭ پىكىرىنشە, بۇل قادام بانكتەردىڭ تاۋەكەلىن ازايتىپ, قارىز الۋشىلاردىڭ قارجىلىق تۇراقتىلىعىن ارتتىرۋعا باعىتتالعان.