قازاقستاندا پەداگوگيكالىق جوعارى وقۋ ورىندارىنا تۇسۋشىلەر ءۇشىن ۇبت ناتيجەسى جەتكىلىكسىز بولادى. ەندى ابيتۋريەنتتەر ۋنيۆەرسيتەت دەڭگەيىندە ىشكى ىرىكتەۋدەن وتۋگە مىندەتتەلەدى. بۇل تۋرالى ماجىلىستە وتكەن بريفينگتە عىلىم جانە جوعارى ءبىلىم ءمينيسترى ساياسات نۇربەك مالىمدەدى, دەپ جازادى Egemen.kz.
ءمينيستردىڭ ايتۋىنشا, مۇعالىمدەردىڭ جالاقىسى وسكەننەن كەيىن بۇل ماماندىققا قىزىعۋشىلىق تانىتۋشىلار سانى كۇرت ارتقان. الايدا مەملەكەتكە «سان ەمەس, ساپا» كەرەك.
پەداگوگتەردى اتتەستاتسيالاۋ جۇيەسى جاڭارتىلادى
ەندى پەداگوگيكالىق باعىتتى تاڭداعان تالاپكەرلەر ۇبت بالىمەن قاتار, وقۋ ورنىنىڭ ءوز ىشىندە وتەتىن ەمتيحان تاپسىرادى. قازىرگى ۋاقىتتا ەمتيحان فورماتى پىسىقتالىپ جاتىر. نەگىزگى نۇسقالاردىڭ ءبىرى – سۇحبات.
مينيستر ۇبت-عا قاتىستى جاڭاشا وزگەرىستەردىڭ قانداي بولاتىنىن جاريالادى
«جوعارى وقۋ ورىندارى ابيتۋريەنتتىڭ تالاپتارعا شىنايى سايكەستىگىن وزدەرى تەكسەرەدى. بۇل – ىرىكتەۋدىڭ ەكىنشى كەزەڭى بولماق», دەدى ساياسات نۇربەك.
مينيستر بۇل شەشىمنىڭ اشىق ءارى ءادىل ءوتۋىن ۋنيۆەرسيتەتتەر وزدەرى قاداعالايتىنىن اتاپ ءوتتى.
بۇعان دەيىن ەلىمىزدە مۇعالىمدەردىڭ پاندىك ءبىلىمىن باعالاۋ تەستى توقتاتىلعانىن جازعان ەدىك. سونداي-اق مينيسترلىك مەكتەپ ديرەكتورلارىن روتاتسيالاۋ, 2+2, اۋىلدىق جەرلەردە 3+3 جۇيەسىمەن تاعايىنداۋ تۋرالى ۇسىنىس كوتەرگەن.