Threads الەۋمەتتىك جەلىسىندە جەلتوقسان وقيعاسىنا قاتىسۋشىلاردى تىلدەگەن ازاماتشاعا قاتىستى قىلمىستىق ءىس قوزعالدى. بۇل تۋرالى قالالىق پوليتسيا دەپارتامەنتى حابارلادى, دەپ جازادى Egemen.kz.
الدىن الا مالىمەت بويىنشا, Threads جەلىسىندەگى اككاۋنت يەسى 1986 جىلعى جەلتوقسان وقيعاسىنا قاتىسقان ازاماتتارعا قاتىستى كەمسىتۋشى جانە قورلايتىن پىكىرلەر جاريالاعان. كەيىننەن ونىڭ جەكە پاراقشاسىنداعى جازبالار وشىرىلگەنىمەن, قۇقىق قورعاۋ ورگاندارى ءتيىستى شارالار قابىلدادى.
كۇدىكتى تۇلعا انىقتالىپ, پوليتسياعا جەتكىزىلدى. قازىرگى ۋاقىتتا ونىڭ ارەكەتتەرىنە زاڭناماعا سايكەس قۇقىقتىق باعا بەرىلىپ جاتىر.
Threads جەلىسىندە قازاقستان ارمياسى تۋرالى جالعان مالىمەت جاريالاعان جىگىت ۇستالدى
پوليتسيا وكىلدەرى ۇلتتىق بەلگى بويىنشا ارازدىقتى قوزدىرۋعا باعىتتالعان كەز كەلگەن ارەكەتكە قاتاڭ توسقاۋىل قويىلاتىنىن اتاپ ءوتتى. مۇنداي قۇقىق بۇزۋشىلىقتارعا جول بەرگەن ازاماتتار زاڭ اياسىندا جاۋاپقا تارتىلاتىنى ەسكەرتىلدى.
TikTok-قا تەلمىرگەن تولقىن: بالالار قانشا ۋاقىتىن الەۋمەتتىك جەلىدە وتكىزەدى؟
ەسكە سالايىق, اتالعان جاعداي 24 ءساۋىر كۇنى الەۋمەتتىك جەلىلەردە كەڭىنەن تالقىلانعان بولاتىن. وقيعا قوعامدا ۇلكەن رەزونانس تۋدىرىپ, ازاماتتار تاراپىنان قۇقىقتىق شارا قولدانۋ تۋرالى تالاپتار قويىلدى.