الداعى كۇندەرى قازاقستان اۋماعىنىڭ باسىم بولىگىندە اۋا رايى تۇراقسىز بولادى. سينوپتيكتەردىڭ بولجامىنا سايكەس, ەلىمىزدىڭ كوپ وڭىرىندە جاڭبىر جاۋىپ, نايزاعاي وينايدى. وڭتۇستىك-شىعىستىڭ تاۋلى ايماقتارىندا تۇنگى ۋاقىتتا جاڭبىر مەن قار ارالاس جاۋىن-شاشىن ءتۇسۋى ىقتيمال, دەپ حابارلايدى Egemen.kz.
كەيبىر وڭىرلەردە بۇرشاق جاۋى جانە ەكپىندى جەل سوعۋى مۇمكىن. سونداي-اق تۇنگى جانە تاڭعى ۋاقىتتاردا تۇمان تۇسەدى دەپ بولجانىپ وتىر. سولتۇستىك جانە ورتالىق وبلىستاردا, سونداي-اق وڭتۇستىك وڭىرلەردە 28-29 ءساۋىر كۇندەرى, ال شىعىستا 29-30 ءساۋىر ارالىعىندا نەگىزىنەن جاۋىن-شاشىنسىز اشىق اۋا رايى ساقتالادى.
رەسپۋبليكانىڭ وڭتۇستىك-باتىسى مەن وڭتۇستىگىندە شاڭدى داۋىل بولۋى ىقتيمال.
جاڭبىر جاۋىپ, جەل كۇشەيەدى: 27 ساۋىرگە ارنالعان اۋا رايى بولجامى
سونىمەن قاتار, 28-29 ءساۋىر تۇنگى ۋاقىتتا باتىس, سولتۇستىك-باتىس, سولتۇستىك, شىعىس جانە ورتالىق ايماقتاردا اۋا تەمپەراتۋراسى -3°C-قا دەيىن تومەندەپ, ۇسىك ءجۇرۋى مۇمكىن.
كۇندىزگى ۋاقىتتا ەل اۋماعىندا اۋا تەمپەراتۋراسى بىرتىندەپ كوتەرىلەدى: باتىستا +15…+20°C, سولتۇستىك-باتىستا +17…+25°C, سولتۇستىكتە +21…+26°C, ورتالىقتا +21…+30°C, شىعىستا +19…+27°C, وڭتۇستىكتە +25…+34°C, ال وڭتۇستىك-شىعىستا +22…+27°C شاماسىندا بولادى.