تۋريزم جانە سپورت مينيسترلىگى جانىنداعى وڭىرلىك سپورت باسقارمالارىنىڭ باسشىلارىن تاعايىنداۋ جونىندەگى كوميسسيانىڭ كەزەكتى وتىرىسى ءوتتى. جيىن بارىسىندا قاراعاندى وبلىسىنىڭ دەنە شىنىقتىرۋ جانە سپورت باسقارماسى باسشىسى لاۋازىمىنا ۇسىنىلعان كانديداتۋرا قارالدى, دەپ حابارلايدى Egemen.kz.
كوميسسيا مۇشەلەرىنىڭ شەشىمىمەن بۇل قىزمەتكە الماتى وبلىسىنىڭ وليمپيادالىق رەزەرۆ دايارلاۋ ورتالىعىنىڭ باسشىسى نۇركەن نۇراتوۆتىڭ كانديداتۋراسى ماقۇلداندى.
ۇمىتكەردىڭ سپورت سالاسىنداعى تاجىريبەسى, باسقارۋشىلىق قابىلەتى جانە وڭىرلىك سپورتتى دامىتۋعا قاتىستى كوزقاراسى جان-جاقتى تالدانىپ, وڭ باعا بەرىلدى.
سەرىك ساپيەۆكە ورىنباسارى قول كوتەردى
ايتا كەتەيىك, وڭىرلىك سپورت باسقارمالارىنىڭ باسشىلارى جەرگىلىكتى اتقارۋشى ورگانداردىڭ ۇسىنىسىمەن تاعايىندالادى. ال سوڭعى شەشىم تۋريزم جانە سپورت مينيسترلىگى جانىنداعى كوميسسيانىڭ كەلىسىمىنەن كەيىن قابىلدانادى.
ەستەرىڭىزگە سالا كەتەيىك, بوكستان ەكى دۇركىن الەم چەمپيونى, لوندون وليمپياداسىنىڭ چەمپيونى سەرىك ساپيەۆ ءوزىنىڭ ورىنباسارى داۋرەن ەسىمحانوۆپەن جانجالداسىپ قالعان ەدى.
سەرىك ساپيەۆ ورىنباسارىمەن توبەلەستى دەگەن جاعدايعا بايلانىستى پىكىر ءبىلدىردى
كەيىن قاراعاندى وبلىسىنىڭ اكىمى ەرماعانبەت بولەكپاەۆ شەنەۋنىكتەردىڭ اراسىندا بولعان جانجالعا قاتىستى پىكىر ءبىلدىردى.
بۇعان دەيىن سەرىك ساپيەۆ پەن ورىنباسارى قىزمەتىنەن كەتكەنىن جازعان ەدىك.