كەشە پارلامەنت سەناتىندا پالاتا توراعاسىنىڭ ورىنباسارى قايرات يششانوۆتىڭ قاتىسۋىمەن «2015-2017 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تانىستىرىلدى, دەپ حابارلادى سەناتتىڭ ءباسپاسوز قىزمەتى.
2014 جىلدىڭ ءىس جۇزىندەگى قورىتىندىلارىنا سۇيەنە وتىرىپ, ەسەپتەۋلەردى ناقتىلاۋ, ماكروەكونوميكالىق كورسەتكىشتەردىڭ بولجامىن تۇزەتۋ, سونداي-اق, الەمدىك نارىقتارداعى ەلەۋلى اۋىتقۋلار جانە جالپى العاندا, قالىپتاسىپ وتىرعان گەوساياسي فاكتورلار جاعدايلارىندا, ەلدىڭ الەۋمەتتىك-ەكونوميكالىق جانە قارجىلىق تۇراقتىلىعىن قامتاماسىز ەتۋ شارالارىن قابىلداۋ قاجەتتىلىگى 2015 جىلعا ارنالعان رەسپۋبليكالىق بيۋدجەتتى ناقتىلاۋ ءۇشىن نەگىز بولىپ تابىلادى.
ناقتىلانعان بيۋدجەت جوباسى ەلباسىنىڭ ۇستىمىزدەگى جىلدىڭ 11 اقپانىندا ۇكىمەتتىڭ كەڭەيتىلگەن وتىرىسىندا بەرگەن تاپسىرمالارىنا سايكەس «نۇرلى جول» مەملەكەتتىك باعدارلاماسىنا جاسالعان وزگەرىستەردى قامتيدى. زاڭ جوباسى ەكى نەگىزگى مىندەتتى شەشۋدى:
- كىرىستەردىڭ ءتۇسۋ بولجامىنىڭ ازايۋى ناتيجەسىندە وزگەرگەن بيۋدجەتتىڭ تەڭگەرىمدىلىگىن قامتاماسىز ەتۋدى;
- جانە قولايلى جىلدارى ۇلتتىق قوردا جيناقتالعان رەزەرۆتەردىڭ ەسەبىنەن «نۇرلى جول» باعدارلاماسىن ىسكە اسىرۋ ارقىلى ەكونوميكانى قولداۋدى قامتاماسىز ەتۋدى كوزدەيدى.
ۇلتتىق ەكونوميكا ءمينيسترى ە.دوساەۆ ماكروەكونوميكالىق تۇراقتىلىقتى 2015 جىلى قامتاماسىز ەتۋ شارالارى تۋرالى باياندادى.
ماكروەكونوميكالىق كورسەتكىشتەردىڭ ناقتىلانعان بولجامى ەكونوميكا سالالارىنىڭ 2014 جىلعى الدىن الا دامۋى مەن قازىرگى جاعدايداعى الەمدىك تاۋار نارىقتارىنداعى نەگىزگى ەكسپورتتىق تاۋارلاردىڭ باعالارى ەسكەرە وتىرىپ جاساقتالدى.
ءىجو-ءنىڭ ءوسۋى 2015 جىلى 1,5 پايىز, قاراشاداعى ناقتىلاۋدان 3,3 پايىزدىق تارماققا تومەن, 2016 جىلى 2,2 (3,1 پايىزدىق تارماققا تومەن) دەڭگەيىندە باعالانىپ وتىر. بۇعان قاراعاندا, ءىجو قاراشاداعى ناقتىلانعان كورسەتكىشكە قاراعاندا 2413,7 ميلليارد تەڭگەگە تومەن بولىپ, 2015 جىلى 41 307,6 ميلليارد دەڭگەيىندە بولجانىپ وتىر, ول 2019 جىلعا 59 869,9 ميلليارد تەڭگەگە ۇلعايادى. ءىجو جان باسىنا شاققاندا 2015 جىلى 12,8 مىڭ دوللاردان 2019 جىلى 17,6 مىڭ دوللارعا ۇلعايادى.
«2015-2017 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن قارجى ءمينيسترى باقىت سۇلتانوۆ تانىستىردى.
2015 جىلعا ارنالعان رەسپۋبليكالىق بيۋدجەت تۇسىمدەرى 5 988 ملرد. تەڭگە كولەمىندە نەمەسە بەكىتىلگەن بيۋدجەتپەن (6 858 ملرد. تەڭگە) سالىستىرعاندا 870 ملرد. تەڭگەگە بەلگىلەندى.
كىرىستەردىڭ بولجامى (ترانسفەرتتەردىڭ ءتۇسىمىن ەسەپكە الۋسىز) 3 219,9 ملرد. تەڭگە كولەمىندە نەمەسە بۇرىن بەكىتىلگەن كولەمنەن 939,6 ملرد. تەڭگەگە تومەن, ونىڭ ىشىندە سالىقتىق تۇسىمدەر بويىنشا 959,6 ملرد. تەڭگەگە تومەندەۋ ەسەبىنەن باعالانادى.
ۇلتتىق قوردان كەپىلدىك بەرىلگەن ترانسفەرت مولشەرى 1 702 ملرد. تەڭگە بەكىتىلگەن دەڭگەيىندە ساقتالادى. ۇلتتىق قوردان نىسانالى ترانسفەرت «نۇرلى جول» باعدارلاماسىن تۇزەتۋگە بايلانىستى 76,0 ملرد. تەڭگەگە ۇلعايتىلدى جانە 783,5 ملرد. تەڭگەنى قۇرايدى. رەسپۋبليكالىق بيۋدجەت شىعىستارى – شىعىستاردى 686,7 ملرد. تەڭگەگە وڭتايلاندىرۋدىڭ جانە «نۇرلى جول» باعدارلاماسىنىڭ جاڭا باعىتتارىنا 76,0 ملرد. تەڭگەگە ۇلعايتۋدىڭ ناتيجەسىندە, بەكىتىلگەن بيۋدجەتپەن سالىستىرعاندا 610,7 ملرد. تەڭگەگە تومەندەي وتىرىپ, 7 244,5 ملرد. تەڭگە سوماسىندا قالىپتاستى.
ۇلتتىق بانك توراعاسىنىڭ ورىنباسارى ولەگ سمولياكوۆ دەپۋتاتتاردى اقشا-نەسيە ساياساتىنداعى وزەكتى ماسەلەلەر تۋرالى دەپۋتاتتاردى حاباردار ەتتى.