كەشە پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ ەستونيا رەسپۋبليكاسىنىڭ ەكس-پرەزيدەنتى ارنولد ريۋيتەل باستاعان ەستونيالىق بيزنەس-دەلەگاتسيامەن كەزدەستى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەزدەسۋ بارىسىندا, تاراپتار ەكى ەل اراسىنداعى ساۋدا-ەكونوميكالىق بايلانىستاردى دامىتۋ, ىسكەرلىك ىنتىماقتاستىقتى كەڭەيتۋ ماسەلەلەرىن تالقىلادى.
باقىتجان ساعىنتاەۆ ەستونيانىڭ قازاقستان ءۇشىن بالتىق وڭىرىندەگى ماڭىزدى ساياسي جانە ەكونوميكالىق ارىپتەس بولىپ تابىلاتىنىن اتاپ وتە وتىرىپ, ەستونيالىق كاسىپكەرلەردى قازاقستاندىق رىنوكتى بەلسەندىرەك يگەرۋگە شاقىردى.
اڭگىمەلەسۋشىلەر قازاقستان-ەستونيا ارىپتەستىگىنىڭ جوعارى دەڭگەيىن جانە ەكى ەل اراسىنداعى ءوزارا بايلانىستاردى ۇلعايتۋ ءۇشىن ايتارلىقتاي الەۋەتتىڭ بار ەكەنىن اتاپ ءوتتى.