مەملەكەت باسشىسى نۇرسۇلتان نازارباەۆ «قازاقستاننىڭ حالىق بانكى» اق ديرەكتورلار كەڭەسىنىڭ توراعاسى الەكساندر پاۆلوۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
كەزدەسۋدە ەلدىڭ بانك جۇيەسىن ودان ءارى دامىتۋ ماسەلەلەرى تالقىلاندى.
قازاقستان پرەزيدەنتى ەكىنشى دەڭگەيلى بانكتەرگە ارتىلار جاۋاپكەرشىلىك زور ەكەنىنە, «نۇرلى جول» باعدارلاماسىن قارجىلاندىرۋ ءۇشىن وتاندىق ەكونوميكاعا سولار ارقىلى قاراجات باعىتتالاتىنىنا نازار اۋداردى.
مەملەكەت باسشىسى بۇل باعدارلاما شاعىن جانە ورتا بيزنەستى دامىتۋدا, سونداي-اق, قارجى جۇيەسىن ساۋىقتىرۋدا ماڭىزدى ءرول اتقارۋى ءتيىس ەكەندىگىن ايتتى.
ا.پاۆلوۆ قازاقستان بانكتەرىنىڭ بۇگىندە سىرتقى فاكتورلاردىڭ ىقپالى مەن الەمدىك نارىقتارداعى تۇراقسىزدىق سالدارلارىن سەزىنىپ وتىرعانىنا توقتالدى. وسىعان بايلانىستى ول ۇلتتىق ۆاليۋتاداعى ليكۆيدتىلىكتى ارتتىرۋ ءۇشىن ءبولىنىپ وتىرعان قاراجات بۇكىل بانك سالاسىنىڭ ورنىقتىلىعىنا وڭ اسەرىن تيگىزەدى دەگەن پىكىر ءبىلدىردى.
سۋرەتتەردى تۇسىرگەندەر
س.بوندارەنكو, ب.وتارباەۆ.