اتىراۋ. 26 اقپان. اتىراۋ وبلىسىندا بىلتىر مەملەكەتتىك ورگاندار جالپى سوماسى 15 ملرد. تەڭگەدەن اساتىن اكىمشىلىك ايىپپۇل سالۋ تۋرالى 108 591 قاۋلى شىعارعان. ايىپۇلدىڭ 13 ملرد. تەڭگەگە جۋىعى ءوندىرىلىپ, تيىسىنشە, 2 ملرد. تەڭگە قالدىق قالعان. بۇل تۋرالى اتىراۋ وبلىستىق پروكۋراتۋراسى حابارلادى.
پروكۋراتۋرا قىزمەتكەرلەرىمەن جۇرگىزىلگەن تەكسەرۋلەرمەن ۋاكىلەتتى ورگاندار تاراپىنان بىرقاتار زاڭ بۇزۋشىلىق فاكتىلەرى انىقتالدى. ماسەلەن, پروكۋرورلاردىڭ تەكسەرۋلەرىمەن سوت ورىنداۋشىلارىنا جولدانباعان جالپى سوماسى 202 954 726 تەڭگەنى قۇرايتىن 539 اكىمشىلىك ماتەريالدار انىقتالىپ, ۋاكىلەتتى مەملەكەتتىك ورگاندار مەن اتقارۋشىلىق ءىس جۇرگىزۋ ورگاندارىنىڭ ءتيىستى تۇردە جۇمىس ىستەمەيتىندىگى, سونىمەن قاتار, وسى ورگاندار اراسىندا ءوزارا ءىس-قيمىلدىڭ ناشار ەكەندىگى بەلگىلى بولدى.
وتكەن جىلى مەملەكەتتىك ورگاندار جالپى سوماسى 15 ملرد. تەڭگەدەن استام بولاتىن اكىمشىلىك ايىپپۇل سالۋ تۋرالى 108 591 قاۋلى شىعارىپ, ونىڭ ىشىندە 13 ملرد. تەڭگەگە جۋىعى ءوندىرىلىپ الىنىپتى. ال وندىرىلمەگەن ايىپپۇلدىڭ قالدىق سوماسى – 2 ملرد. تەڭگە.
اكىمشىلىك ايىپپۇلداردى ءوڭدىرىپ الۋ دەڭگەيى بىلتىر العاش رەت 78 پايىزعا جەتتى. الدىڭعى جىلى بۇل كورسەتكىش 34 پايىزدى قۇراعان ەكەن. مەملەكەتتىك كىرىس ورگاندارىمەن سالىنعان ايىپپۇلدار بويىنشا وندىرىلمەگەن سومانىڭ ەڭ ۇلكەن قالدىعى 1,5 ملرد تەڭگە بولسا, ىشكى ىستەر ورگاندارىمەن 100 ملن. تەڭگە, سوت ورىنداۋشىلارمەن 800 ملن. تەڭگەنى قۇراپ وتىر.
جولداسبەك شوپەعۇل.
دەرەك, سۋرەت: اتىراۋ وبلىسىنىڭ پروكۋراتۋراسى.