اقتوبە وبلىسىندا جەر رەسۋرستارىن باسقارۋ دەپارتامەنتى جۇرگىزگەن جوسپاردان تىس تەكسەرۋ بارىسىندا قالا اۋماعىنداعى 1,9 گەكتار جەر تەلىمىنىڭ ۇزاق ۋاقىت بويى پايدالانىلماي بوس جاتقاندىعى انىقتالدى. اتالعان جەر «كوپقاباتتى تۇرعىن ۇيلەر سالۋ» ماقساتىندا بەرىلگەن, دەپ حابارلايدى Egemen.kz.
تەكسەرۋ ناتيجەسىندە جەر يەسىنە ۋچاسكەنى يگەرۋ جونىندە نۇسقاما بەرىلگەنىمەن, ول تالاپ ورىندالماعان. وسىعان بايلانىستى يەسى اكىمشىلىك جاۋاپكەرشىلىككە تارتىلىپ, كەيىن دەپارتامەنت سوتقا جۇگىنگەن.
سوت قاراۋىنىڭ قورىتىندىسى بويىنشا, اقتوبە وبلىسىنىڭ مامانداندىرىلعان اۋدانارالىق ەكونوميكالىق سوتى دەپارتامەنتتىڭ تالابىن تولىق قاناعاتتاندىرىپ, جەر تەلىمىن مەملەكەت مەنشىگىنە قايتارۋ تۋرالى شەشىم شىعاردى.
اقتوبە وبلىسىندا قايتارىلعان قاراجات ەسەبىنەن سالىنعان الەۋمەتتىك نىسان پايدالانۋعا بەرىلدى
اۋىل شارۋاشىلىعى مينيسترلىگىنىڭ جەر رەسۋرستارىن باسقارۋ كوميتەتى جەر يەلەرى مەن جەر پايدالانۋشىلارعا ۋچاسكەلەردى ماقساتتى ءارى ءتيىمدى پايدالانۋ قاجەتتىگىن ەسكەرتەدى. سونىەن بىرگە زاڭ تالاپتارىن ساقتاپ, قۇقىقبۇزۋشىلىقتارعا جول بەرمەۋ ماڭىزدى ەكەنى اتاپ ءوتىلدى.