پرەمەر-مينيستر ولجاس بەكتەنوۆ مەملەكەت باسشىسىنىڭ تاپسىرمالارى شەڭبەرىندە ەكونوميكانى مونوپولياسىزداندىرۋ جونىندەگى كوميسسيانىڭ وتىرىسىن وتكىزدى. جيىنعا ورتالىق مەملەكەتتىك ورگاندار, باسەكەلەستىكتى قورعاۋ جانە دامىتۋ اگەنتتىگى, سونداي-اق «سامۇرىق-قازىنا» ۇاق» اق باسشىلىعى قاتىستى. نەگىزگى نازار – ەكونوميكانى ىرىقتاندىرۋ, باسەكەلەستىكتى دامىتۋ جانە نارىقتاعى كەدەرگىلەردى جويۋ ماسەلەلەرىنە اۋدارىلدى, دەپ حابارلايدى Egemen.kz.
وتىرىس بارىسىندا مەملەكەت باسشىسىنىڭ «ەكونوميكانى ىرىقتاندىرۋ جونىندەگى شارالار تۋرالى» جارلىعىنىڭ ورىندالۋى قارالدى. باسىم مىندەتتەردىڭ ءبىرى – ءدارى-دارمەكتەردى نارىققا شىعارۋ مەرزىمىن 3-5 جىلدان 100 جۇمىس كۇنىنە دەيىن قىسقارتۋ.
وسى ماقساتتا دەنساۋلىق ساقتاۋ مينيسترلىگى «بىرىڭعاي تەرەزە» قاعيداتى بويىنشا كومپوزيتتىك مەملەكەتتىك قىزمەت ەنگىزىپ جاتىر. بۇل جۇيە ءدارى-دارمەكتەردى تىركەۋ مەن ساراپتاۋ پروتسەستەرىن بىرىكتىرەدى.
كوميسسيا وتىرىسىندا تسيفرلىق شەشىمدەردى كەڭىنەن ەنگىزۋ جانە ساتىپ الۋدىڭ بارلىق نەگىزگى تىزبەلەرىنە دارىلىك زاتتار مەن مەديتسينالىق بۇيىمداردى ەنگىزۋ ماسەلەسى تالقىلاندى. بۇل حالىقتىڭ يننوۆاتسيالىق مەديتسيناعا قولجەتىمدىلىگىن ارتتىرۋعا جانە تەحنولوگيالار ترانسفەرتىن جەدەلدەتۋگە باعىتتالعان.
ءدارى-دارمەك باعاسى قىمباتتادى ما؟ مينيسترلىك مونيتورينگ دەرەكتەرىن جاريالادى
جيىندا ءموبيلدى قۇرىلعىلاردى سايكەستەندىرۋ كودتارىنىڭ بازاسىنا ەنگىزۋ ءۇشىن ۆەريفيكاتسيالاۋ ماسەلەسى دە قارالدى. پرەمەر-ءمينيستردىڭ ورىنباسارى – جاساندى ينتەللەكت جانە تسيفرلىق دامۋ ءمينيسترى جاسلان ماديەۆ زاڭنامالىق دەڭگەيدە بۇل ءراسىمدى بەكىتۋدىڭ ماڭىزىن اتاپ ءوتتى.
بۇل قادام تىركەۋ جۇيەسىنىڭ تۇراقتىلىعىن قامتاماسىز ەتىپ, تسيفرلىق ينفراقۇرىلىمنىڭ ۇزدىكسىز جۇمىس ىستەۋىنە مۇمكىندىك بەرەدى.
سونىمەن قاتار ەلەكتروندىق قۇجات اينالىمى جۇيەلەرى نارىعىن دامىتۋ جانە تسيفرلىق سەكتوردا باسەكەلەستىك ورتانى قالىپتاستىرۋ بويىنشا جۇرگىزىلىپ جاتقان جۇمىستار تۋرالى اقپارات بەرىلدى.
بۇل شارالار تسيفرلىق ەكونوميكانىڭ تيىمدىلىگىن ارتتىرۋعا جانە جاڭا ويىنشىلاردىڭ نارىققا شىعۋىنا جاعداي جاساۋعا باعىتتالعان.
وتىرىستا ەلەكتر ەنەرگياسىن بىرىڭعاي ساتىپ الۋشى تەتىگىنىڭ جۇمىسى دا قارالدى. بۇل مەحانيزم ينۆەستيتسيا تارتۋعا, جاڭا قۋات كوزدەرىن ىسكە قوسۋعا جانە تاريفتىك جۇكتەمەنى تەڭەستىرۋگە مۇمكىندىك بەرەدى. سونداي-اق تەمىرجولداعى كىرەبەرىس جولدار سالاسىنداعى پروبلەمالاردى شەشۋ ماسەلەسى دە تالقىلاندى.
ەندى ازاماتتار ءدارى-دارمەك باعاسىن Naqty Onim ارقىلى تەكسەرە الادى
ەكونوميكانى ىرىقتاندىرۋ شارالارى بويىنشا پرەمەر-ءمينيستردىڭ ءبىرىنشى ورىنباسارى رومان سكليار, پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين, ەنەرگەتيكا ءمينيسترى ەنەرگەتان اقكەنجەنوۆ, ونەركاسىپ جانە قۇرىلىس ءمينيسترى ەرسايىن ناعاسپاەۆ, «سامۇرىق-قازىنا» ۇاق» اق باسقارما توراعاسى نۇرلان جاقىپوۆ جانە باسقا دا قاتىسۋشىلار پىكىر ءبىلدىردى.
وتىرىس قورىتىندىسى بويىنشا پرەمەر-مينيستر ولجاس بەكتەنوۆ مەملەكەتتىك ورگاندار مەن ۆەدومستۆولارعا بىرقاتار تاپسىرما بەردى:
قارجى مينيسترلىگى: مۇددەلى مەملەكەتتىك ورگاندارمەن بىرلەسىپ, سونداي-اق قوردىڭ ەنشىلەس (تاۋەلدى) كومپانيالارى مەن حولدينگتەرىن ەسكەرىپ, ونى مەرزىمدى وزەكتەندىرۋ جونىندەگى نورماتيۆتىك تالاپتى بەلگىلەي وتىرىپ, مەملەكەتتىك م ۇلىك ءتىزىلىمىن جاڭارتسىن.
ۇلتتىق ەكونوميكا مينيسترلىگى: بقدا جانە مەملەكەتتىك ورگاندارمەن بىرلەسە وتىرىپ, مونوپوليالىق نارىقتاردى قوسپاعاندا, باعالار مەن تاريفتەردى قالىپتاستىرۋ ەركىندىگىن شەكتەيتىن نورمالاردى الىپ تاستاۋ جونىندە ۇسىنىستار ەنگىزسىن; جەكەشەلەندىرۋ وبەكتىلەرى بويىنشا ينۆەستيتسيالىق تارتىمدىلىعىن ارتتىرۋ ماقساتىندا جول كارتالارىن بەكىتسىن; ەنەرگەتيكا مينيسترلىگىمەن بىرلەسىپ, ىرىقتاندىرۋ تۋرالى جارلىقتى ەسكەرە وتىرىپ, ەلەكتر ەنەرگياسى مەن كوممۋنالدىق قىزمەتتەرگە قايتالاما سۋبسيديالاۋدىڭ كۇشىن جويۋ مەرزىمدەرىن سينحرونداۋ.
دەنساۋلىق ساقتاۋ مينيسترلىگى: بىرىڭعاي ءديستريبيۋتوردىڭ ساتىپ الۋ تىزىمىنە جانە امبۋلاتوريالىق ءدارى-دارمەكپەن قامتاماسىز ەتۋ جۇيەسىنە ءدارى-دارمەكتەر مەن مەديتسينالىق بۇيىمداردى ەنگىزۋ پروتسەستەرىن تسيفرلاندىرۋدى جەدەلدەتۋ.
جاساندى ينتەللەكت جانە تسيفرلىق دامۋ مينيسترلىگى: ءموبيلدى قۇرىلعىلاردى ۆەريفيكاتسيالاۋ بويىنشا زاڭنامالىق وزگەرىستەر قابىلداسىن. بقدا-مەن بىرلەسىپ, ەلەكتروندىق قۇجات اينالىمىنا قاتىسۋشىلاردى ىرىكتەۋ راسىمدەرىن جەتىلدىرۋ جۇمىستارىن جالعاستىرسىن.
ۇلتتىق ەكونوميكا مينيسترلىگى: تابيعي مونوپوليا سۋبەكتىلەرىن دەربەس ايقىنداۋ ءۇشىن زاڭنامالىق تۇزەتۋلەر قابىلداسىن.
«سامۇرىق-قازىنا» ۇاق» اق بقدا-مەن بىرلەسىپ, قوردى ساتىپ الۋ شەڭبەرىندە تاسىلدەردى جەتىلدىرۋ جۇمىستارىن ءارى قاراي جالعاستىرسىن.