ۇكىمەت 15 ناۋرىزدا رەسپۋبليكالىق رەفەرەندۋمدا قابىلدانعان قازاقستان كونستيتۋتسياسىن كەڭىنەن تۇسىندىرۋگە ارنالعان كەشەندى ءىس-شارالار جوسپارىن بەكىتتى. ءتيىستى قاۋلىعا پرەمەر-مينيستر ولجاس بەكتەنوۆ قول قويدى. قۇجاتتىڭ ماقساتى – نەگىزگى زاڭ نورمالارىن حالىققا تۇسىنىكتى تۇردە جەتكىزۋ, ازاماتتاردىڭ قۇقىقتىق ساۋاتتىلىعىن ارتتىرۋ جانە كونستيتۋتسيالىق ەرەجەلەردىڭ تولىق ورىندالۋىن قامتاماسىز ەتۋ, دەپ حابارلايدى Egemen.kz.
بەكىتىلگەن جوسپار ءۇش باعىت بويىنشا 36 ءىس-شارانى قامتيدى – ۇيىمداستىرۋ شارالارى, اقپاراتتىق-ءتۇسىندىرۋ جۇمىستارى جانە كونستيتۋتسيانىڭ ورىندالۋىن قۇقىقتىق قامتاماسىز ەتۋ.
بۇل باعىتتا كونستيتۋتسيا ءماتىنىن باسىپ شىعارۋ جانە تاراتۋ قاراستىرىلعان. سونىمەن قاتار, مۇگەدەكتىگى بار ادامدار ءۇشىن قولجەتىمدى فورماتتار ازىرلەنەدى, ال نەگىزگى زاڭ ەلەكتروندى پلاتفورمالاردا ورنالاستىرىلادى.
بۇدان بولەك, عىلىمي-ساراپتامالىق سۇيەمەلدەۋ, اقپاراتتىق-كورنەكى ماتەريالدار ازىرلەۋ, كورمەلەر مەن اعارتۋشىلىق جوبالاردى ۇيىمداستىرۋ كوزدەلگەن. ماقسات – كونستيتۋتسيانى تەك قۇقىقتىق قۇجات رەتىندە عانا ەمەس, قوعامنىڭ كۇندەلىكتى ومىرىنە جاقىن قۇرال رەتىندە تانىتۋ.
ءۇي يەسىنىڭ قۇقىعى ءسوزسىز باسىمدىققا يە: ساراپشى جاڭا كونستيتۋتسيانىڭ 28-ءشى بابىن تالداپ بەردى
جوسپار شەڭبەرىندە حالىقتىڭ قۇقىقتىق مادەنيەتىن كوتەرۋگە ەرەكشە كوڭىل بولىنگەن. اتاپ ايتقاندا:
وقىتۋ سەمينارلارى مەن ءبىلىم بەرۋ ءىس-شارالارىن وتكىزۋ مەكتەپ جانە جوعارى وقۋ ورىندارىنىڭ باعدارلامالارىن جاڭارتۋ «قۇقىق نەگىزدەرى» جانە «زاڭ مەن ءتارتىپ» كۋرستارىن جەتىلدىرۋ ادىستەمەلىك ماتەريالدار مەن بالالارعا ارنالعان باسىلىمدار ازىرلەۋبۇل شارالار جاس ۇرپاقتىڭ قۇقىقتىق ساۋاتتىلىعىن جۇيەلى تۇردە قالىپتاستىرۋعا باعىتتالعان.
جاڭا كونستيتۋتسيا – جاستاردىڭ ەل دامۋىنا ناقتى ىقپال ەتۋ كەزەڭىن باستايدى
جوسپاردىڭ ماڭىزدى بولىگى – اقپاراتتىق-ءتۇسىندىرۋ باعىتىنداعى كەشەندى مەديا-جوسپار. ونىڭ شەڭبەرىندە كونستيتۋتسيا نورمالارىن حالىققا جان-جاقتى ءتۇسىندىرۋ ءۇشىن ءتۇرلى كوممۋنيكاتسيالىق قۇرالدار قولدانىلادى.
سونىمەن قاتار, كونستيتۋتسيانى ىسكە اسىرۋدى قۇقىقتىق تۇرعىدا قامتاماسىز ەتۋگە باعىتتالعان شارالار قاراستىرىلعان. بۇل باعىتتا زاڭنامالىق وزگەرىستەردى جۇزەگە اسىرۋ, قولدانىستاعى زاڭداردى تالداۋ جانە نەگىزگى زاڭ نورمالارىنا سايكەس ستراتەگيالار مەن تۇجىرىمدامالاردى جاڭارتۋ كوزدەلەدى.
جالپى, بەكىتىلگەن جوسپار كونستيتۋتسيا نورمالارىن قوعام اراسىندا كەڭىنەن تۇسىندىرۋگە جانە ولاردىڭ تولىققاندى ورىندالۋىن قامتاماسىز ەتۋگە باعىتتالعان.
ادام كاپيتالى – كونستيتۋتسيالىق جاڭارۋ وزەگى