بۇگىن ساعات 11:30 شاماسىندا «كەگەن – نارىنقول» رەسپۋبليكالىق ماڭىزى بار اۆتوجولىنىڭ 20-شاقىرىمىندا ەرىگەن قار سۋىنىڭ ءوتۋى كەزىندە قولدانىستاعى سۋ وتكىزۋ قۇبىرى زاقىمدالىپ, جول وپىرىلىپ قالدى, دەپ حابارلايدى Egemen.kz.
جول قوزعالىسى ۋاقىتشا شەكتەلدى. كولىك قوزعالىسى گرۋنت جول ارقىلى ۇيىمداستىرىلعان. قازىرگى جاعداي ءتيىستى قىزمەتتەردىڭ باقىلاۋىندا. وقيعا ورنىندا شامامەن 20 ارنايى تەحنيكا جۇمىس ىستەپ جاتىر.
جاقىن ۋاقىتتا قيىرشىق تاس توسەلگەن ۋاقىتشا اينالما جول سالۋ جوسپارلانۋدا. ال سۋ وتكىزۋ قۇبىرى مەن جول توسەمىن قالپىنا كەلتىرۋ جۇمىستارى ەرىگەن سۋدىڭ اعۋى تولىق اياقتالعاننان كەيىن باستالادى.
الماتى وبلىسىندا «تازا بەيسەنبى» اكتسياسى بارىسىندا 35 توننا قوقىس پوليگونعا جونەلتىلدى
بۇل ۋچاسكەدەگى كولىك اعىنى تاۋلىگىنە شامامەن 500 اۆتوكولىكتى قۇرايدى. جول 1960-1970 جىلدارى سالىنعان.
ايتا كەتۋ كەرەك, بۇل ۋچاسكە بۇرىن سۋ تاسقىنى قاۋپى جوعارى ايماقتاردىڭ قاتارىنا كىرمەگەن. قازىرگى ۋاقىتتا ورتاشا جوندەۋ جۇمىستارى جۇرگىزىلىپ جاتقاندىقتان, جول ۋچاسكەسى مەردىگەر ۇيىمنىڭ قاراۋىندا.
اقىلى جولداردا جۇرگىزۋشىلەردىڭ ۇيىقتاپ كەتۋىنىڭ الدىن الۋ ءۇشىن لازەرلەر قويىلادى