دەنساۋلىق ساقتاۋ مينيسترلىگى ەلىمىزدە مەديتسينا ماماندارىنىڭ اتىن جامىلىپ, الاياقتىق ماقساتتا قوڭىراۋ شالاتىنداردىڭ كوبەيگەنىن حابارلادى, دەپ جازادى Egemen.kz.
الەۋمەتتىك جەلىلەردە ازاماتتار ەمحانالارعا بارعاننان كەيىن تۇسەتىن كۇماندى قوڭىراۋلار تۋرالى اقپارات كوبەيگەنىن مالىمدەدى. سوندىقتان ۆەدومستۆو بەلگىسىز تۇلعالارعا SMS-كودتاردى جانە جەكە دەرەكتەردى بەرمەۋگە, سونداي-اق كۇماندى سىلتەمەلەرگە وتپەۋگە شاقىرىپ وتىر.
«وسىنداي جاعدايلار ەلىمىزدىڭ ءارتۇرلى وڭىرىندە تىركەلىپ جاتىر. وقيعالار, ادەتتە مەديتسينالىق ۇيىمداردىڭ قىزمەتىنە بايلانىستى بولماي شىعادى. الاياقتار ازاماتتاردىڭ, سونىڭ ىشىندە ەگدە جاستاعى ادامداردىڭ سەنىمىن پايدالانىپ, وزدەرىن ەمحانا نەمەسە باسقا مەكەمەلەر قىزمەتكەرلەرى رەتىندە تانىستىرادى», دەلىنگەن مينيسترلىك تاراتقان حابارلامادا.
الاياقتىقتىڭ جاڭا ءتاسىلى تارادى: قاسكۇنەمدەر داۋىسىن وزگەرتىپ, سەنىمگە كىرەدى
مينيسترلىك ازاماتتارعا وزدەرىنىڭ تىركەلۋ مارتەبەسىن eGov.kz/eGov Mobile پورتالى نەمەسە Damumed قوسىمشاسى ارقىلى تەكسەرۋدى ۇسىنادى.
مەديتسينالىق ۇيىمدارعا قابىلداۋعا جازىلۋ eGov.kz جانە eGov Mobile پورتالى, مەديتسينالىق اقپاراتتىق جۇيەلەردىڭ ءموبيلدى قوسىمشالارى ارقىلى, سونداي-اق تىركەۋ بولىمىنە تەلەفون ارقىلى جۇگىنۋ ارقىلى جۇزەگە اسادى.
ۇرلىق, بوپسالاۋ, الاياقتىق: قاراعاندى وبلىسىندا قىلمىستىق توپ ۇستالدى
ال SMS-كودتار ازاماتتارعا تەك تسيفرلىق سەرۆيستەردە اۆتوريزاتسيادان ءوتۋ شەڭبەرىندە عانا جىبەرىلەدى. مەديتسينالىق ۇيىم قىزمەتكەرلەرى تەلەفون ارقىلى SMS-كودتاردى سۇرامايدى.
قازىر پاتسيەنتتەردىڭ قابىلداۋعا بارعانىن ناقتى ۋاقىت رەجيمىندە باقىلاۋعا مۇمكىندىك بەرەتىن جۇيەلەردىڭ بۇزۋ نەمەسە رۇقساتسىز قول جەتكىزۋ فاكتىلەرى تىركەلمەگەن.
«ازاماتتاردىڭ جەكە دەرەگىنىڭ ىقتيمال تارالۋى بويىنشا رەسمي وتىنىشتەر تۇسكەن جاعدايدا ۋاكىلەتتى مەملەكەتتىك ورگانداردىڭ قاتىسۋىمەن تەكسەرىلەدى», دەلىنگەن مينيسترلىك حابارلاماسىندا.
باسپاناعا قاتىستى جاڭا الاياقتىق سحەما: ءىىم قازاقستاندىقتارعا ەسكەرتۋ جاسادى