«AMANAT» پارتياسىنىڭ ەڭبەكشىقازاق اۋداندىق فيليالى مەملەكەت باسشىسى قاسىم-جومارت توقاەۆتىڭ باستاماسىمەن جۇزەگە اسىرىلىپ جاتقان «تازا قازاقستان» جوباسى اياسىندا بايدىبەك بي اۋىلىندا «تازا بەيسەنبى» ەكولوگيالىق اكتسياسىن ۇيىمداستىردى, دەپ حابارلايدى Egemen.kz.
تازالىق جۇمىستارىنا اۋدان اكىمى, پارتيا مۇشەلەرى, ءماسليحات دەپۋتاتتارى جانە اۋىل تۇرعىندارى قاتىستى. اكتسيا بارىسىندا ەلدى مەكەن اۋماعى تولىق قامتىلىپ, قوقىس جينالدى. سونىمەن قاتار اعاش تۇپتەرى قوپسىتىلىپ, جاسىل جەلەك سۋارىلدى. قاتىسۋشىلار دەمالىس ورىندارىنداعى ورىندىقتاردى تازالاپ, سىنعان بۇتاقتاردى جينادى.
ناتيجەسىندە 250-گە جۋىق ادام 12 گەكتار اۋماقتى قوقىستان تازارتىپ, شامامەن 35 توننا قالدىقتى ارنايى پوليگونعا جونەلتتى. ءىس-شاراعا 10 ارنايى تەحنيكا جۇمىلدىرىلدى.«AMANAT» پارتياسى الماتى وبلىستىق فيليالىنىڭ اتقارۋشى حاتشىسى سەرىك نۇرقادىروۆتىڭ ايتۋىنشا, ەكولوگيالىق ماسەلەلەردى شەشۋ – پارتيانىڭ سايلاۋالدى باعدارلاماسىندا ايقىندالعان ماڭىزدى باسىمدىقتاردىڭ ءبىرى.
«جىل باسىنان بەرى پارتيالىق جوبا اياسىندا 5 مىڭنان استام تۇرعىن ەكواكتسياعا قاتىسىپ, 250 تونناعا جۋىق تۇرمىستىق قالدىق جينالدى. سونىمەن قاتار 3 مىڭنان استام اعاش كوشەتى وتىرعىزىلدى. بۇدان بولەك, سايلاۋالدى باعدارلاما اياسىندا وڭىردەگى رۇقسات ەتىلمەگەن قوقىس ۇيىندىلەرىن تولىق جويۋ جوسپارلانىپ وتىر. سونداي-اق بارلىق اۋداندا قوقىستى سۇرىپتاۋعا جانە قۇرامىندا سىنابى بار قالدىقتاردى جيناۋعا ارنالعان كەمىندە 1 000 كونتەينەر ورناتىلادى», دەدى سەرىك نۇرقادىروۆ.
استانالىق ستۋدەنتتەر «تازا قازاقستان» اكتسياسى اياسىندا سەنبىلىك وتكىزدى
ايتا كەتەيىك, «تازا قازاقستان» جالپىۇلتتىق جوباسى اياسىندا وڭىردە «تازا بەيسەنبى» ەكولوگيالىق اكتسياسى جۇيەلى تۇردە وتكىزىلىپ كەلەدى. مىڭداعان تۇرعىن تابيعاتتى تازا ۇستاۋعا بەلسەندى ۇلەس قوسىپ ءجۇر.
جاڭا كونستيتۋتسيا قاعيداتىنا ساي «تازا قازاقستان»