15 جاستاعى قازاقستاندىق شابۋىلشى كارىم مەڭدىقانوۆ «بارسەلونا» كلۋبىمەن كەلىسىمشارتقا وتىردى, دەپ حابارلايدى Egemen.kz Sports.kz-كە سىلتەمە جاساپ.
«يسپانيانىڭ ءجاسوسپىرىم فۋتبولى حالىقارالىق تالانتتاردى وزىنە تارتا باستادى, ال قازىر نازار اۋداراتىن ويىنشىلاردىڭ ءبىرى – كارىم مەڭدىقانوۆ. 2011 جىلى تۋعان جاس فۋتبولشى قازاقستاننان شىعىپ, «بارسەلوناعا» كەلىسىمشارتقا وتىردى جانە كەلەسى ماۋسىمدا كلۋبقا قوسىلادى», دەپ حابارلادى Mundo Deportivo پورتالى.
كارىم 2022 جىلى يسپانياعا كەلگەن جانە سول ۋاقىتتان بەرى كاتالونياداعى فۋتبول جۇيەسىندە جاتتىعىپ كەلەدى. وتكەن ماۋسىمدا ول «سەردانولا» كلۋبىندا ونەر كورسەتىپ, جوعارى دەڭگەيدەگى ويىن قابىلەتىن كورسەتتى.
وسى ماۋسىمدا مەڭدىقانوۆ «سان-كۋگات» كلۋبىنا اۋىسىپ, وڭ قاناتتاعى ۆينگەر رەتىندە كومانداداعى ماڭىزدى ويىنشىلاردىڭ ءبىرى بولدى. ونىڭ جىلدامدىعى, جەكە قارسىلاستاردى اينالىپ ءوتۋ قابىلەتى ونى چەمپيوناتتاعى باستى شابۋىلشىلاردىڭ بىرىنە جانە ليگانىڭ ۇزدىك اسسيستەنتتەرىنىڭ بىرىنە اينالدىردى.
ويىنشىنىڭ شەبەرلىگى بىرنەشە يسپان كلۋبتارىنىڭ نازارىن اۋدارعانىمەن, ول سوڭىندا «بارسەلونا» ۇسىنىسىن قابىلدادى. كارىم رەسمي تۇردە كەلەسى ماۋسىمدا «سينە-گراناتوۆىە» ساپىنا قوسىلادى. سونىمەن قاتار, مەڭدىقانوۆ «بارسەلونا» جاستار قۇراماسىمەن بىرنەشە جاتتىعۋ وتكىزدى, بۇل ونىڭ كلۋبقا تەز بەيىمدەلۋىنە كومەكتەسەدى.
داستان ساتپاەۆ الەمنىڭ ۇزدىك 50 جاس فۋتبولشىسىنىڭ قاتارىنا ەندى
وتكەن ماۋسىمدا ول «سەردانولا» كلۋبىندا ويناسا, بيىلعى جىلى «سان-كۋگاتقا» اۋىسىپ, كوماندانىڭ كوشباسشىسى اتاندى. وسى جەردە ونىڭ شەبەرلىگى ۇلكەن كلۋبتاردىڭ سكاۋتتارىنىڭ نازارىن اۋداردى.
كارىم مەڭدىقانوۆ «بارسەلونا» قۇرىلىمىندا كەلىسىمشارتقا وتىرعان العاشقى قازاقستاندىق فۋتبولشى بولدى.
ەڭ قىمبات فۋتبولشى: «بولونيا» كلۋبى ومار مۇرادوۆتى رەكوردتىق سوماعا ساتىپ الدى