كازتاگ باس ديرەكتورى اسeت ماتاەۆقا قاتىستى قر قك-ءنىڭ 274-بابى (كورىنەۋ جالعان اقپارات تاراتۋ) بويىنشا قىلمىستىق ءىس توقتاتىلدى, دەپ جازادى Egemen.kz.
قازتاگ اگەنتتىگىنىڭ ديرەكتورى اسەت ماتاەۆقا قاتىستى قازاقستان قىلمىستىق كودەكسىنىڭ 274-بابى بويىنشا قىلمىستىق قۋدالاۋ توقتاتىلدى. بۇل تۋرالى ادۆوكات رەنا كەريموۆا مالىمدەدى. اڭگىمە كورىنەۋ جالعان اقپارات تاراتقانى ءۇشىن جاۋاپكەرشىلىك كوزدەلگەن باپ تۋرالى بولىپ وتىر.
«جاقسى جاڭالىق تا بار. اسەت ماتاەۆقا قاتىستى قر قك-ءنىڭ 274-بابى بويىنشا قىلمىستىق قۋدالاۋ توقتاتىلدى», دەدى ادۆوكات.
كەريموۆا ماتاەۆتىڭ ۇستالۋىنا اكەلگەن وقيعاعا قاتىستى ءمان-جايدى دا ايتىپ بەردى. ونىڭ سوزىنشە, جانجال تۇسىنبەۋشىلىكتەن شىققان.
«اسەتتىڭ دوسى جىگىتتەردىڭ ءبىرىن قىزبەن شاتاستىرىپ العان. مەنىڭ تۇسىنۋىمشە, جانجال دا سودان شىققان. راسىندا دا, الگى جىگىتتىڭ ءتۇر-سيپاتى وزگەشە بولعان: ۇزىن جيرەن شاش, جيرەن قاس, موينىنداعى شىنجىرلار جانە تاعى باسقا. تۇنگى ساعات ەكىلەر شاماسىندا, دوسىمەن وتىرىپ شىققاننان كەيىن, ۇستىنە قاراڭعىدا ارت جاعىنان كورسەڭ, شاتاستىرىپ الۋ وڭاي», دەدى ول.
ايتا كەتەيىك, بۇعان دەيىن قازتاگ اقپارات اگەنتتىگىنىڭ ديرەكتورى اسەت ماتاەۆ ۇستالعانىن حابارلاعان ەدىك. بۇعان قاتىستى الماتى پوليتسيا دەپارتامەنتى تۇسىنىك بەردى