ناۋرىز مەرەكەسى قارساڭىندا ەل ىشىندە جولاۋشىلار اعىنى كوبەيۋىنە بايلانىستى وتاندىق اۋە كومپانيالار قوسىمشا رەيستەر سانىن كوبەيتەدى. جالپى 160 قوسىمشا رەيس ورىندالىپ, ازاماتتاردىڭ مەرەكەلىك ساپارلارىن ىڭعايلى جوسپارلاۋىنا مۇمكىندىك جاسالادى, دەپ جازادى Egemen.kz.
كولىك مينيسترلىگىنىڭ مالىمەتىنشە, Air Astana جانە FlyArystan 2026 جىلعى 16-29 ناۋرىز ارالىعىندا ىشكى باعىتتار بويىنشا 146 قوسىمشا رەيس ۇيىمداستىرادى. ونىڭ ىشىندە 80 رەيس «الماتى – استانا» باعىتىنا تيەسىلى, بۇل باعىتتاعى سۇرانىستىڭ جوعارى ەكەنىن كورسەتەدى.
بۇدان بولەك, الماتى, استانا جانە اقتاۋ قالالارىنان اقتوبە, شىمكەنت, تۇركىستان, قاراعاندى, قوستاناي, سەمەي, اقتاۋ, اتىراۋ, وسكەمەن جانە ورال باعىتتارىنا قوسىمشا ۇشۋلار جوسپارلانعان.
ال SCAT اۋە كومپانياسى 19-21 ناۋرىز كۇندەرى «الماتى – استانا» باعىتى بويىنشا 5 رەيس, سونداي-اق «شىمكەنت – اقتاۋ» باعىتى بويىنشا 1 رەيس اشادى. سونىمەن قاتار, 23-26 ناۋرىز ارالىعىندا «الماتى – استانا» باعىتىندا تاعى 4 رەيس, ال «شىمكەنت – استانا» جانە «اقتاۋ – استانا» باعىتتارى بويىنشا ءبىر-بىردەن قوسىمشا ۇشاق قاتىنايدى.
اۋە رەيستەرى مەن پويىزداردىڭ سانى ارتادى: بيلەت قۇنى قىمباتتاي ما؟
قوسىمشا رەيستەردىڭ ەنگىزىلۋى وڭىرارالىق قاتىناستى جەڭىلدەتىپ, جولاۋشىلارعا مەرەكە كۇندەرى جول ءجۇرۋدى الدىن الا جوسپارلاۋعا جاعداي جاسايدى.
ماماندار جولاۋشىلارعا اۋە كومپانيالارىنىڭ رەسمي سايتتارىنان رەيستەر كەستەسىن ناقتىلاپ, بيلەتتەردى الدىن الا ساتىپ الۋدى ۇسىنادى.
قازاقستاننان ۆەنا, ريم جانە نيۋ-يورككە اۋە رەيستەرى اشىلادى