ەلباسى ءسوزى – ەلدىكتىڭ كوزى
قازاقستان پرەزيدەنتىن سايلاۋدى كەزەكتەن تىس وتكىزەيىك دەگەن جالپى حالىق قولداپ وتىرعان پىكىرگە ءبىز دە ءۇن قوسامىز. ساياسي, ەكونوميكالىق, قاۋىپسىزدىك احۋال كۇردەلەنىپ كەتتى. سىن ساعاتى كەلدى. وسىنداي جاعدايدا ەل تىزگىنىن بەرىك ۇستاپ وتىراتىن باسشىنى قاۋىپتىڭ الدىن الا سايلاپ الۋدىڭ ماڭىزى زور. دالىرەك ايتساق, الەمدە تىنىشتىق بۇزىلدى, دۇربەلەڭ كوبەيدى. ءبىر-بىرىمەن سوعىسپاي, داۋلاسپاي جاتقان ەلدەر جوقتىڭ قاسى. ۇلكەن قاقتىعىستاردىڭ قاۋپى دە كورىنىس بەرىپ وتىر. قازاقستان الەمدىك قوعامداستىقتىڭ مۇشەسى رەتىندە كوپتەگەن ەلدەرمەن ساياسي, ەكونوميكالىق تىعىز قارىم-قاتىناس جۇرگىزەدى. تاتۋلىعى بۇزىلعان, ءبىر-بىرىمەن مامىلەگە كەلە الماي قىلىشىن جالاڭداتىپ, سانكتسيالىق سوعىس مايدانىن اشىپ وتىرعان الەم ەلدەرىنىڭ ىزعارى, تەرىس اسەرى بىزدەرگە دە كەلمەي قويمايدى, كەلىپ تە جاتىر. قازاق ەلى ءۇشىن بۇل ۇلكەن قاۋىپ. ودان دا ساقتانىپ, الدىن الماسا بولمايدى. الەم ەكونوميكاسى داعدارىستان ءالى شىققان جوق. وسى داعدارىس, ءتىپتى, قويۋلانا باستاعان سياقتى. الەمدە تاۋارعا سۇرانىس ازايدى. وسىنىڭ سالدارىنان مۇناي باعاسى ەكى ەسەگە جۋىق, ءارتۇرلى مەتالل باعامى ايتارلىقتاي تومەندەدى. قازاقستان ەكونوميكاسىن بۇل اۋىر جاعدايعا اكەلدى, ويتكەنى, جوعارىدا اتالعان تاۋارلاردان الاتىن تابىس كوزى كۇرت تارىلدى. رەسەي مەن ۋكراينا اراسىنداعى جاعداي دا ەكەۋىنىڭ ەكونوميكاسىن قۇلدىراتۋ ۇستىندە. سونىڭ سالدارىنان ولارمەن, اسىرەسە, رەسەيمەن ەكونوميكالىق قاتىناس ءبىزدىڭ شارۋاشىلىعىمىزدىڭ جاعدايىن بۇرىنعىدان دا قيىنداتاتىن ءتۇرى بار, قيىنداتىپ تا جاتىر. ەل ەكونوميكاسىنا كەلگەن وسى قاۋىپتى ءبىز بارىنشا سەزىنىپ وتىرمىز. سوندىقتان دا وسى قاۋىپتەردىڭ الدىن الاتىن اۋقىمدى شارالار جۇرگىزىپ, ءوز تاعىندا ۋاقىتىنا الاڭداماي مىقتى وتىراتىن پرەزيدەنت كەرەك. كەنجەعالي ساعاديەۆ, ۇعا اكادەميگى. الماتى.يدەنتتىك سايلاۋدى بيىلشىعىسقازاقستاندىق ەڭبەك ۇجىمدارى قولدايدى
قازاقستان حالقى اسسامبلەياسى كەڭەسىنىڭ كەزەكتەن تىس پرەزيدەنتتىك سايلاۋ ءوتكىزۋ جونىندەگى باستاماسىنا شىعىسقازاقستاندىق ءىرى كاسىپورىنداردىڭ ەڭبەك ۇجىمدارى دا ءۇن قوسىپ, قولداۋ ءبىلدىردى. شىعىس وڭىرىندەگى ءتۇرلى ەڭبەك ۇجىمدارى وكىلدەرىنىڭ پىكىرىنشە, پرەزيدەنتتىك جانە پارلامەنتتىك سايلاۋلاردى ءبىر مەرزىمدە وتكىزۋ ەلەكتورالدىق ناۋقان ءۇشىن قولايسىزدىق تۋدىرادى. – قازاقستان حالقى اسسامبلەياسى مۇشەلەرىنىڭ كەزەكتەن تىس پرەزيدەنتتىك سايلاۋ وتكىزۋ جونىندەگى باستاماسىن تەلەديدار ارقىلى كوردىم. وسى ۋاقىتقا دەيىن مەملەكەتتىك ساياسات بار كۇش-جىگەرىن وتانداستارىمىزدىڭ جاقسى ءومىر ءسۇرۋى مەن ەلدەگى بەيبىتشىلىكتى نىعايتۋعا جۇمسادى. بۇل باعىتتا مەملەكەتىمىزدىڭ كەلەشەگى ءۇشىن كەزەكتەن تىس سايلاۋ وتكىزۋ ەتنوسارالىق ىنتىماقتى كۇشەيتە وتىرىپ, ەلىمىزدىڭ دامۋىنا سەرپىن بەرەدى دەگەن سەنىمدەمىز. ءبىزدىڭ 25 مىڭعا جۋىق ادام ەڭبەك ەتەتىن كومپانيامىز اسسامبلەيا وكىلدەرىنىڭ باستاماسىن تولىعىمەن قولدايدى. ەلىمىز ءۇشىن ساياسي ءمانى زور وقيعادان تىس قالمايمىز, – دەدى «كازتسينك» جشس-ءنىڭ باس ديرەكتورى يۋري گۋسەۆ. اتالعان كومپانيا كاسىپوداق كوميتەتىنىڭ توراعاسى سەرگەي سولداتوۆتىڭ ايتۋىنشا, ۇلكەن ۇجىمنىڭ بۇل باستامانى ءبىراۋىزدان قولداۋى تەگىن ەمەس. «ەلباسىنىڭ «نۇرلى جول» جاڭا ەكونوميكالىق ساياساتى وتانداستارىمىزدىڭ جاعدايىن جاقسارتۋعا باعىتتالعان. جوسپاردى جۇزەگە اسىرۋ ءبىرشاما ۋاقىتتى تالاپ ەتەرى ءسوزسىز. سوندىقتان, بارشا قازاقستاندىقتار ءۇشىن كەزەكتەن تىس سايلاۋ وتكىزۋدىڭ ماڭىزى زور دەر ەدىم. قازىرگى الەمدىك ەكونوميكاداعى تۇراقسىزدىق بەلەڭ العان ۋاقىتتا, بىزگە تۇراقتىلىقتى ساقتاۋعا كەپىلدىك قاجەت», دەيدى كاسىپوداق توراعاسى. اسسامبلەيانىڭ باستاماسىن اتالعان زاۋىتتىڭ بارلىق جۇمىسشىلارى دا قولداپ وتىر. «اسسامبلەيا مۇشەلەرى ەلدىڭ جارقىن بولاشاعى ءۇشىن حالىققا دا, بيلىككە دە ورتاق ۇسىنىس تاستادى. ءبىز 2007-2009 جىلدارى بولعان داعدارىس كەزەڭىندە قالاي ءومىر سۇرسەك, بۇگىن دە, ەرتەڭ دە سولاي ءومىر سۇرگىمىز كەلەدى. وسكەمەندەگى ءىرى كاسىپورىننىڭ وكىلدەرى رەتىندە اسسامبلەيانىڭ باستاماسىن قولدايمىز. سەبەبى, شەت مەملەكەتتەردەگى قازىرگى احۋالدى ەسكەرگەندە, ەلىمىزدە ەڭ الدىمەن تۇراقتىلىق پەن ىنتىماقتىڭ ساقتالۋى وتە ماڭىزدى ەكەنىن بايقادىق. الداعى ۋاقىتتا ءوتكىزىلۋى مۇمكىن سايلاۋ ەلدىڭ جارقىن بولاشاعىنىڭ كەپىلى دەپ ءبىلەمىن. ءبىز مەملەكەتتىڭ قاراپايىم ازاماتتارى رەتىندە ءاردايىم اتار تاڭىمىزدىڭ ارايلى بولۋىنا سەنىمدى بولۋىمىز كەرەك», دەدى «كازتسينك» جشس ەلەكتروليز تسەحىنىڭ شەبەرى سەرگەي سەروۆ. وسكەمەن تيتان-ماگني كومبيناتىنىڭ ۇجىمى دا وسى ءپىكىردى قۋاتتاپ وتىر. كاسىپورىننىڭ جوندەۋ شەبەرى دميتري نەسكلادنىي زاۋىت جۇمىسشىلارىنىڭ پىكىرى ەل مۇددەسى مەن ءاربىر قازاقستاندىقتىڭ پايىمىمەن توعىساتىنىن جەتكىزدى. «ءبىز تاتۋلىعى جاراسقان, بىرلىگى بەكەم ەلدە تۇرامىز. قازاقستاننىڭ ءار تۇرعىنى كەلەشەككە سەنىممەن قاراعىسى كەلەدى. اۋىزبىرلىگىمىز الەمدىك داعدارىس ورىن العان اۋمالى-توكپەلى كەزەڭدە ىشكى تۇراقتىلىعىمىزدىڭ ساقتالۋىن جانە ەلىمىزدىڭ ودان ءارى گۇلدەنۋىن قامتاماسىز ەتەدى», دەدى د.نەسكلادنىي. «وسكەمەن تيتان-ماگني كومبيناتىندا 2,5 مىڭ ادام جۇمىس ىستەيدى. ارىپتەستەرىمنىڭ اڭگىمەسىنەن بايقاعانىم, اسسامبلەيا ۇسىنىسىن جۇرت جۇمىلا قولداۋدا. الەمدەگى وزگە ەلدەردىڭ ءبىر-بىرىمەن كەلىسپەۋشىلىگى سالدارىنان حالىقارالىق جاعدايدىڭ ۋشىعىپ تۇرعانىنان حاباردارمىز. سول سەبەپتى ەلىمىز كەزەكتەن تىس سايلاۋ وتكىزە وتىرىپ, بولاشاققا نىق قادام باسۋى كەرەك دەپ ەسەپتەيمىن», دەدى كاسىپورىن جۇمىسشىسى تالعات قۇماربەكوۆ. وسكەمەن تيتان-ماگني زاۋىتىنىڭ ەڭبەك ۇجىمى كەلەر جىلى پرەزيدەنتتىك جانە پارلامەنتتىك سايلاۋ سىندى ەكى اۋقىمدى ەلەكتورالدىق ناۋقاندى قاتار وتكىزۋدىڭ كوڭىلگە قونىمسىز ەكەنىن جەتكىزىپ, پرەزيدەنتتىك سايلاۋدى بيىل وتكىزگەن ءلازىم دەگەن پىكىرلەرىمەن ءبولىستى. دۋمان اناش, «ەگەمەن قازاقستان». وسكەمەن.بىردەن-ءبىر دۇرىس شەشىم
قازاقستان حالقى اسسامبلەياسى كەڭەسى مۇشەلەرى قازاقستان رەسپۋبليكاسى پرەزيدەنتىنىڭ سايلاۋىن كەزەكتەن تىس وتكىزۋ تۋرالى باستاما كوتەرىپ, ۇندەۋ جاريالاۋىن قۋانا قارسى الدىق. قازاقستان حالقى اسسامبلەياسى وسى ماڭىزدى ماسەلە بويىنشا ۇستانىمىن ءبىلدىرۋدى وزدەرىنىڭ ازاماتتىق بورىشى دەپ سانايدى. جاhاندىق سىن-قاتەرلەر كەزەڭىندە ەلىمىزدىڭ پرەزيدەنتى نۇرسۇلتان نازارباەۆقا قازاقستاندى داعدارىستان الىپ شىعۋىنا مۇمكىندىك بەرەتىن جاڭا سەنىم مانداتى بەرىلۋى قاجەت. ەلباسىنا سەنىم مانداتىن ءبىلدىرۋ ارقىلى الەمدىك دامۋدىڭ جاڭا كەزەڭىندە حالقىمىزدى بىرىكتىرىپ, مەملەكەتتى دامىتۋداعى ماڭىزدى ءماسەلەلەرگە دەن قويۋعا مۇمكىندىك الامىز. بۇگىندە «ماڭگىلىك ەل» يدەياسىن, «نۇرلى جول – بولاشاققا باستار جول» باعدارلاماسىن جانە «قازاقستان-2050» ستراتەگياسىن جۇزەگە اسىرۋ ءۇشىن ەلباسىنا ۇنەمى سەنىم ارتۋىمىز كەرەك. مەملەكەت باسشىسى جۇرگىزىپ وتىرعان ساياسات توڭىرەگىندە توپتاسۋ ارقىلى ەلىمىزدىڭ ودان ءارى قارقىندى دامۋى مەن ازاماتتاردىڭ ءال-اۋقاتىن ارتتىرۋعا قول جەتكىزە الاتىنىمىزعا سەنىمدىمىز. سوندىقتان ءبىز بارشا قازاقستاندىقتاردى ەلباسى ن.ءا.نازارباەۆتىڭ توڭىرەگىنە توپتاسۋعا شاقىرامىز. سونىمەن قاتار, ەلباسىنا جاڭا ماندات بەرۋ ارقىلى قازاقستان حالقىن ونىڭ توڭىرەگىنە تىعىز توپتاستىرىپ, ەلىمىزدىڭ دامۋىنا, مەملەكەتتىلىگىمىزدى نىعايتۋعا, ەلدەگى تۇراقتىلىق پەن بەيبىتشىلىكتى كۇشەيتۋگە, نۇرسۇلتان ءابىش ۇلى ۇسىنعان «نۇرلى جول» – بولاشاققا باستار جول» ۇزاق مەرزىمدى ستراتەگياسىن جۇزەگە اسىرۋعا قول جەتكىزەتىنىمىز انىق. مەملەكەت باسشىسى جۇرگىزىپ وتىرعان ساياساتقا قولداۋ ءبىلدىرۋ ەلىمىزدىڭ قارقىندى دامۋىنا, حالقىمىزدىڭ جاقسى ءومىر سۇرۋىنە قولداۋ ءبىلدىرۋ دەپ ويلايمىز. تاۋەلسىزدىك العانىنا 23 جىل عانا بولعان قازاقستان رەسپۋبليكاسىنىڭ ابىرويىن اسپانعا اسقاقتاتىپ, الەمدەگى الپاۋىت ەلدەرمەن يىق تىرەسەتىندەي الەۋەتكە جەتكىزگەن ەلباسىنىڭ سارابدال ساياساتىنىڭ تەرەڭدىگىن, كوز تۇگىل كوڭىل جەتپەس كوكجيەكتى بولجاي العان كورەگەندىگىن, ەل الدىنداعى ەرەن ەڭبەگىن, وتاندىق قانا ەمەس, جاhاندىق ساياساتتاعى جەتەكشى ورنىن, بۇكىل دۇنيەجۇزىنىڭ ايگىلى ساياساتكەرلەرىنىڭ مويىنداپ وتىرعانىن ءبىز زور ماقتانىش تۇتامىز. ەل ەكونوميكاسىنىڭ گۇلدەنۋىنە كەدەرگى كەلتىرەتىن قانشاما قيىندىقتاردى جەڭۋگە, حالقىمىزدىڭ ەڭسەسىن كوتەرىپ, بولاشاققا نىق سەنىممەن قارايتىن بۇگىنگىدەي جاعدايعا جەتكىزۋگە, ادەبيەت پەن مادەنيەتىن, ءبىلىمى مەن عىلىمىن بيىكتەتە تۇسۋگە, كوپۇلتتى مەملەكەتىمىزدەگى بەرەكە-بىرلىكتى نىعايتىپ, ساياسي, الەۋمەتتىك تۇراقتىلىقتىڭ بەرىك ورنىعۋىنا ۇيىتقى بولىپ كەلە جاتقان تۇڭعىش پرەزيدەنتكە قازاقستان حالقى شەكسىز ريزا. ونىڭ قازاقستان رەسپۋبليكاسىن گۇلدەنگەن ەلگە اينالدىرىپ, حالقىمىزدىڭ قاسيەت-قۇتىن بارشا الەمگە تانىتىپ, ەلىمىزدەگى ءار ازاماتتىڭ پاتريوتتىق سەزىمىن, ۇلتتىق ماقتانىشىن تەرەڭدەتە ءتۇسۋ ماقساتىنداعى ءاربىر قادامى, جاڭا باستامالارى جارقىن بولاشاققا جەتەلەيدى. الەمدىك وركەنيەتكە تۋعان حالقىن اداستىرماي اپاراتىن دانا تۇلعا, دارا ازامات ءار ەلگە كەرەك. سوندىقتان قازاقستاندىقتار ن.ءا.نازارباەۆتى ەلباسى دەپ بەكەردەن-بەكەر ارداقتاپ جۇرگەن جوق. بۇل حالقىمىزدىڭ وعان دەگەن شىنايى قۇرمەتى, شەكسىز سەنىمى. بىزدە ەلباسى بىرەۋ, ءبىز وعان قاي ۋاقىتتا دا سۇيەۋ بولا ءبىلۋىمىز كەرەك. قازاقستان حالقى اسسامبلەياسى كەڭەسى مۇشەلەرىنىڭ قازاقستان رەسپۋبليكاسى پرەزيدەنتىن سايلاۋدى كەزەكتەن تىس وتكىزۋ تۋرالى باستاماسىن جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىنىڭ پروفەسسور-وقىتۋشىلار قۇرامى مەن ستۋدەنتتەرى تولىق قولدايدى. ەلباسىنا سەنىمدى ەل بولاشاعىنا بەرىلگەن كەپىلدىك جانە ورىندى دا بىردەن-ءبىر دۇرىس شەشىم سانايدى. مەنبولات تىناليەۆ, جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىنىڭ اعا وقىتۋشىسى. ورال.ەلدىكتىڭ تىرەگى – ءتىل
جاقىندا الماتى قالاسىنداعى «دوستىق ۇيىندە» حالىقارالىق «قازاق ءتىلى» قوعامىنىڭ القا مۇشەلەرى باس قوسىپ, بارشا قازاقستاندىقتاردى تولعاندىرىپ وتىرعان بۇگىنگى تاڭنىڭ باستى ماسەلەسى – پرەزيدەنتتىك سايلاۋ وتكىزۋ باستاماسىن تالقىلادى. قوعام توراعاسى, ۇعا اكادەميگى ءومىرزاق ايتباي ۇلى ءوز ءسوزىندە ۇلىتاۋ ءتورىندە ەلباسىمىز نۇرسۇلتان ءابىش ۇلى نازارباەۆتىڭ ۇلتىمىزدىڭ ءتىلى مەن ءدىنى, مادەنيەتى مەن تاريحى تۋرالى ايتقان ۇلاعاتتى سوزدەرىن ەسكە سالىپ, شيرەك عاسىردان بەرى مەملەكەتتىك ءتىلىمىزدىڭ دامۋ جولدارىنىڭ جەتىستىكتەرى مەن كولەڭكەلى تۇستارىن ساراپتاي كەلە, انا ءتىلىمىزدىڭ بىرتە-بىرتە قارقىنداي دامىپ, مەملەكەتتىڭ باستى ۇيىستىرۋشى نەگىزىنە اينالىپ كەلە جاتقانىن اتاپ ءوتتى. ودان كەيىن دە ءسوز العان قوعام قايراتكەرلەرى ەلدىكتىڭ باستى تىرەگى – ءتىل ەكەنىن تاعى دا ءبىر ناقتىلاي ءتۇسىپ, تاتۋلىق پەن ءبىرلىكتىڭ ارقاسىندا ەكونوميكامىز ءوسىپ-وركەندەۋمەن قاتار, ۇلتىمىزدىڭ رۋحاني-مادەني تۇلەۋى دە ەسەلەي تۇسەتىنىنە سەنىم ءبىلدىردى. ءتىل جاناشىرلارى قازاقستان حالقى اسسامبلەياسى كەڭەسىنىڭ كەزەكتەن تىس پرەزيدەنتتىك سايلاۋ وتكىزۋ تۋرالى باستاماسىن ماقۇلداپ, مۇنىڭ ۋاقىت تالابى ەكەنىن اتاپ كورسەتتى. شارافاددين ءامىروۆ, «ەگەمەن قازاقستان». الماتى.قوعامدى وياتاتىن باستاما
م.اۋەزوۆ اتىنداعى جالپى ورتا مەكتەپ ۇجىمى كەزەكتەن تىس پرەزيدەنتتىك سايلاۋ وتكىزۋ جونىندەگى ۇسىنىستى ءبىراۋىزدان قولدايدى, مۇنى حالىق مۇددەسىنە ساي كەلەتىن ەڭ دۇرىس شەشىم دەپ سانايدى. ەلباسى نۇرسۇلتان نازارباەۆتىڭ «نۇرلى جول» جولداۋى ەلىمىزدى قازىرگى داعدارىسقا ۇرىندىرمايتىن جارىق جول دەپ بىلەمىز. قازاقستان پرەزيدەنتى «ءار بالانىڭ ءوز ءناسىبى بار», دەپ حالىقتىق پايىمعا جاڭا ۇعىم بەرىپ, ءبىزدىڭ كاسىبي قىزمەت ءورىسىمىزدى كەڭەيتتى. «بولاشاقتا ەڭبەك ەتىپ, ءومىر سۇرەتىندەر – بۇگىنگى مەكتەپ وقۋشىلارىن مۇعالىمدەر قالاي تاربيەلەسە, قازاقستان سول دەڭگەيدە بولادى», دەپ ەلباسىمىز ايتقانداي, جاپپاي ءبىلىم مەن تاربيە جولىندا, رۋحاني-مادەني مايداندا ايانباي ەڭبەك ەتەمىز. وسى ورايدا, قازاقستان حالقى اسسامبلەياسى كەڭەسىنىڭ كەزەكتەن تىس پرەزيدەنتتىك سايلاۋ وتكىزۋدى ۇسىنعانى قۇپتارلىق ءجايت. بۇل ءبىزدىڭ ۇزاق مەرزىمدى «قازاقستان-2050» ستراتەگياسى مەن «ماڭگىلىك ەل» يدەياسىنىڭ جۇزەگە اسىرىلۋىن قامتاماسىز ەتە وتىرىپ, بۇدان دا قۋاتتى, بۇدان دا تاس ءتۇيىن بولا تۇسۋىمىزگە مۇمكىندىك بەرەدى. قىسقاسى, بارلىق قازاقستاندىقتاردى قازاقستان حالقى اسسامبلەياسى كەنەسىنىڭ ۇندەۋىن قولداۋعا شاقىرامىز. بۇل قوعامدى وياتتى. تىڭ سەرپىن بەردى. اينۇر الشەرى, م.اۋەزوۆ ورتا مەكتەبىنىڭ مۇعالىمى. وڭتۇستىك قازاقستان وبلىسى, وتىرار اۋدانى.ساليقالى ساياساتتىڭ ناتيجەسى
مەن قازاقستان حالقى اسسامبلەياسىنىڭ مۇشەلەرى پارلامەنت ماجىلىسىندەگى دەپۋتاتتىق توپقا, ساياسي پارتيالارعا, ۇكىمەتتىك ەمەس ۇيىمدارعا جانە بۇكىل قازاقستان حالقىنا ەل پرەزيدەنتىنىڭ سايلاۋىن كەزەكتەن تىس وتكىزۋگە باستاما كوتەرۋ تۋرالى ۇندەۋىن مۇقيات وقىپ شىقتىم. اسسامبلەيا مۇشەلەرىنىڭ بۇل باستاماسىن قۇپتارلىق, قولداۋعا لايىق باستاما دەپ تۇسىنەمىن. شىن مانىندە قازىرگى دۇنيەجۇزىلىك ەكونوميكالىق داعدارىستىڭ تۇسىندا ءبىر جىلدا, ياعني 2016 جىلى پرەزيدەنتتىك جانە پارلامەنتتىك قوس بىردەي سايلاۋدى قاتار وتكىزۋ مەملەكەتىمىزدىڭ بيۋدجەتىنە اۋىر سالماق تۇسىرەتىنى انىق. سوندىقتان ەل پرەزيدەنتىن سايلاۋدى بيىل, 2015 جىلى ءوتكىزگەن دۇرىس. ەلىمىزدى سوناۋ 2007 جىلدان باستاۋ العان الەمدىك قارجى داعدارىسىنا, ءوتكەن جىلدىڭ سوڭىنا قاراي مۇناي باعاسىنىڭ قۇلدىراۋىنا قاراماستان, دامىتىپ قانا قويماي, ونىڭ ءىشىندە الەۋمەتتىك سالالاردا قولعا الىنعان جۇمىستاردى ارتتىرا تۇسۋگە باعىت-باعدار بەرىپ وتىرعان ەلىمىزدىڭ پرەزيدەنتى نۇرسۇلتان ءابىش ۇلى نازارباەۆقا جاڭا پرەزيدەنتتىك ماندات بەرۋ تۋرالى ءماسەلە كوتەرىلگەنى ورىندى دەپ بىلەمىن. الەمدىك ەكونوميكالىق داعدارىستىڭ جاقىن قالعانىن سەزگەن ەلباسى ونىڭ الدىن الىپ, 2014 جىلدىڭ اياقتالۋىن كۇتپەي-اق «نۇرلى جول – بولاشاققا باستار جول» اتتى جولداۋىن حالىققا جاريالادى. بۇل جولداۋدا ۇلتتىق قوردان قوماقتى قارجى ءبولىنىپ, ينفراقۇرىلىم سالاسى قولعا الىناتىندىعى, ءسويتىپ, الەمدىك داعدارىس تۇسىندا حالقىمىز تۇراقتى جۇمىستارمەن قامتىلاتىندىعى تۋرالى ناقتى كورسەتىلگەن. مۇنداعى ايتپاعىم, وسىنداي قيىن-قىستاۋ كۇردەلى كەزەڭدە, حالقىنا تۇيىقتان شىعۋدىڭ جولىن نۇسقاپ, بولاشاقتىڭ باعدار شامىن ىزدەستىرۋمەن جۇرگەن ەلباسى نۇرسۇلتان ءابىش ۇلىنىڭ قاسىنا توپتاسىپ, ونىڭ جۇرگىزىپ وتىرعان ىشكى, سىرتقى ساياساتىن قولداۋىمىز قاجەت دەپ تۇسىنەمىن. ەلىمىزدىڭ قازىرگى احۋالىنا قاراپ شۇكىرشىلىك ەتەمىن. ەلىمىز امان, جۇرتىمىز تىنىش جاعدايدا ءومىر سۇرۋدەمىز. جۇمىس ىستەيمىن, كاسىپكەرلىكپەن اينالىسامىن دەگەندەرگە مەملەكەت تاراپىنان قولداۋ كورسەتىلىپ, قارجىسى جوقتارعا نەسيەلەر بەرىلىپ جاتىر. وسىنىڭ ناتيجەسىندە جۇمىسىن دوڭگەلەتىپ, ءوزىنىڭ تۇرمىس-جاعدايلارىن جاقسارتىپ جۇرگەن ازاماتتار كوپتەپ سانالادى. ال زەينەت جاسىنداعى ءبىز سياقتىلار, مۇمكىندىگى شەكتەۋلى ادامدار, مەملەكەتتىك قىزمەتتىڭ باسى-قاسىندا جۇرگەن ازاماتتار, ۇستازدار مەن دارىگەرلەر وزدەرىنىڭ ەڭبەكاقىلارى مەن زەينەتاقىلارىن ۋاقتىلى الىپ وتىرۋىمىز مەملەكەتىمىزدىڭ ىرگەتاسىنىڭ مىقتىلىعى, پرەزيدەنتىمىز نۇرسۇلتان نازارباەۆتىڭ جۇرگىزىپ وتىرعان ساليقالى ساياساتىنىڭ دۇرىستىعىنىڭ ناتيجەسى دەر ەدىم. سوندىقتان مەن قازاقستان حالقى اسسامبلەياسىنىڭ مۇشەلەرى ۇسىنعان پرەزيدەنتتىك سايلاۋدى كەزەكتەن تىس, ياعني بيىل وتكىزۋ تۋرالى باستاماسىن بار ىقىلاسىممەن قولدايتىنىمدى ءبىلدىرەمىن. وسىعان وتانداستارىمدى دا شاقىرامىن. بەكتۇرعان جامباباەۆ, ارداگەر جۋرناليست. جامبىل وبلىسى, مەركى اۋدانى. قازاقستان حالقى اسسامبلەياسى كەڭەسىنىڭ ۇستىمىزدەگى جىلى كەزەكتەن تىس پرەزيدەنتتىك سايلاۋ وتكىزۋ تۋرالى باستاماسى جۇرتشىلىق تاراپىنان قىزۋ تالقىلانۋ ۇستىندە. بەلسەندى پىكىرتالاستارعا قاراعاندا, بۇل ۇدەرىس جالپىحالىقتىق قولداۋعا يە بولىپ وتىر. ءتۇرلى ماماندىق يەلەرى – كاسىپورىن جۇمىسشىلارى مەن اۋىل ەڭبەككەرلەرى, مۇعالىمدەر مەن جوعارى وقۋ ورىندارىنىڭ وقىتۋشىلارى, عىلىمي قوعامداستىق جانە ءۇشىنشى سەكتور وكىلدەرى, كاسىپكەرلەر مەن ءتۇرلى ساياسي پارتيالار مۇشەلەرى, قىسقاسى, بارشا حالىق سايلاۋ وتكىزۋدى قولداۋ تۋرالى وزدەرىنىڭ پىكىرلەرىن ءبىلدىرىپ جاتىر. قازاقستاندىقتاردىڭ بۇل ۇستانىمدارىنان قوعامداعى تۇراقتىلىق پەن كەلىسىم عانا ەلىمىزدى جاڭا بيىكتەرگە باستايدى دەگەن وي انىق اڭعارىلادى. نۇريددين كايۋموۆ, تاجىكستان رەسپۋبليكاسى عىلىم اكادەمياسىنىڭ اكادەميگى, ەكونوميكا عىلىمدارىنىڭ دوكتورى: – بۇگىندە الەمدە قارجى-ەكونوميكالىق داعدارىستىڭ جاڭا تولقىنى كەڭىنەن تاراپ كەلەدى. جاعداي گەوساياسي قىسىمدارمەن دە ايتارلىقتاي كۇردەلەنە تۇسۋدە. وسى ورايدا, ءتىپتى, دامىعان ەلدەردىڭ وزىندە كسەنوفوبيا, ءدىني توزىمسىزدىك, راديكالدى قوزعالىستار ءوسىپ وتىر. سوندىقتان قازاقستان حالقى اسسامبلەياسىنىڭ كەڭەسى جاريالاعان 2015 جىلى پرەزيدەنتتىك سايلاۋ وتكىزۋ تۋرالى باستاماسى ۋاقتىلى جانە ورىندى شەشىم بولىپ تابىلادى. قازاقستاندا پرەزيدەنتتىك سايلاۋ وتكىزۋ بۇعان دەيىن بەلگىلەنگەن باعدارلامالاردى جۇزەگە اسىرۋعا مۇمكىندىك بەرىپ, ەل ەكونوميكاسىنىڭ ءوسىمىن ودان ءارى قامتاماسىز ەتەتىن بولادى. مۇنىڭ شەتەل ينۆەستيتسيالارى ءۇشىن دە ۇلكەن كەپىلدىك اتقاراتىنى كۇمانسىز. سونىمەن قاتار, ورتالىق ازيا ەلدەرىنىڭ وڭىرلىك ىنتىماقتاستىعىنا دا وڭ ىقپال ەتەتىن بولادى. ءساۋىرباي ەسجانوۆ, «استاناەنەرگوسەرۆيس» اق باسقارماسىنىڭ توراعاسى: – قازاقستان حالقى اسسامبلەياسى كەڭەسىنىڭ كەزەكتەن تىس پرەزيدەنتتىك سايلاۋ وتكىزۋ تۋرالى باستاماسى نەگىزسىز ەمەس. الەمدە بايقالىپ وتىرعان قازىرگى كۇردەلى جاعداي قازاقستانعا مەملەكەت باسشىسى نۇسقاعان باعىتتان تايماعان جاعدايدا عانا ءتيىمدى دامۋ مۇمكىندىگىن بەرەتىنى اقيقات. سونىمەن قاتار, قالىپتاسقان جاعدايدا عانا قازاقستان ءوسىپ-وركەندەپ, ەلدەگى تۇراقتىلىق پەن كەلىسىمدى تولىق كولەمىندە ساقتاي الادى دەپ بىلەمىن. ال ءبىزدىڭ كاسىپورىنعا كەلەتىن بولساق, ول استاناداعى كوممۋنالدىق قىزمەت كورسەتۋدە ۇلكەن باسىمدىققا يە. حولدينگ تابىستارىنىڭ ماڭىزدى قىرىنىڭ ءبىرى ەل پرەزيدەنتى نۇرسۇلتان نازارباەۆتىڭ قولداۋى دەسەم, ەش ارتىق ايتقاندىق ەمەس. بۇل قولداۋ ۇجىمىمىزدى تەك ءتيىمدى جۇمىسقا عانا ىنتالاندىرىپ قويماي, الەۋمەتتىك مىندەتتەمەلەرىن ورىنداۋعا دا العىشارت جاساپ وتىر. ۆلاديمير تولوكوننيكوۆ, قازاقستان ورىس قوعامىنىڭ قىزىلوردا وبلىستىق فيليالىنىڭ ديرەكتورى: قازىرگى تاڭدا قازاقستان – پوستكەڭەستىك كەڭىستىكتەگى ەڭ تۇراقتى جانە ورنىقتى دامىپ كەلە جاتقان رەسپۋبليكا. ءبىز قالىپتاسقان نارىقتىق ەكونوميكا قۇرىپ, جۇمىسسىزدىقتىڭ ەڭ تومەنگى دەڭگەيىنە قول جەتكىزدىك جانە ازاماتتارىمىز ءومىرىنىڭ ساپاسىن جوعارىلاتا وتىرىپ, الەۋمەتتىك سالادا ايتارلىقتاي بيىكتەردى ەڭسەردىك. قازاقستان تابىستارىنىڭ نەگىزىندە ەلباسى نۇرسۇلتان نازارباەۆتىڭ دانا دا سارا ساياساتى جاتىر. مۇنداعى ەڭ باستى بازيستەردىڭ ءبىرى – ۇلتتار دوستىعى مەن قوعامدىق كەلىسىم. وسىنىڭ ارقاسىندا ەلىمىزدە تۇرىپ جاتقان 130-دان استام ۇلتتار مەن ۇلىستار قازاقستاندى وزدەرىنىڭ ورتاق وتانى سانايدى. مەن كەزەكتەن تىس پرەزيدەنتتىك سايلاۋ وتكىزۋ تۋرالى باستاما كوتەرگەن قازاقستان حالقى اسسامبلەياسىنىڭ كەڭەسىنە دە ۇلكەن ريزاشىلىعىمدى بىلدىرەمىن. ورىس قوعامىنىڭ قازاقستانداعى فيليالى بۇل ۇسىنىستى ءبىراۋىزدان قولدايدى. بەكبولات تىلەۋحان, ۇلتتىق سپورت تۇرلەرى قاۋىمداستىعىنىڭ پرەزيدەنتى: – قازاقستان رەسپۋبليكاسىنىڭ ۇلتتىق سپورت تۇرلەرى قاۋىمداستىعى قازاقستان حالقى اسسامبلەياسى كەڭەسىنىڭ كەزەكتەن تىس پرەزيدەنتتىك سايلاۋ وتكىزۋ تۋرالى باستاماسىن جان-جاقتى قولدايدى. بۇعان ناقتى سەبەپتەر بار. ءبىرىنشى كەزەكتە بۇل ەلدە بىرلىك پەن تۇراقتىلىقتى قامتاماسىز ەتىپ, وتانىمىزدى دايەكتىلىكپەن دامىتۋعا باعىتتالعان جۇمىستاردى جالعاستىرۋ ءۇشىن قاجەت. ۇلتتىق سپورت تۇرلەرى ەلىمىزدە جاقسى دامىپ كەلەدى. بۇعان ءبىر عانا مىسال كەلتىرەيىن. 2014 جىلى تۇركىستاندا وتكەن الەم چەمپيوناتىنا قازاقستاننىڭ بارلىق 14 وبلىسىنان, سونداي-اق, استانا مەن الماتىدان قۇراما كوماندالار تولىق قۇرامىندا قاتىستى. بۇل نەنى بىلدىرەدى؟ بۇل جەر-جەرلەردە داستۇرلەرىمىزدى جالعاستىرۋعا جان-جاقتى نازار اۋدارىلىپ كەلە جاتقانىن بىلدىرەدى. اتاپ كورسەتەتىن ءبىر جايت, مۇندا مەملەكەت باسشىسىنىڭ وراسان زور ءرولى بار. ءاليا ساليەۆا, كاسىپكەر, باتىس قازاقستان وبلىسى: – پرەزيدەنتتىك سايلاۋ – بۇگىندە ەڭ كوپ تالقىلانىپ جاتقان تاقىرىپتاردىڭ ءبىرى. وسى ۇسىنىستىڭ پايداسىنا كوپتەگەن دالەل-دايەكتەر كەلتىرۋگە بولادى. ەلىمىز الەمدىك قوعامداستىقتا ايتارلىقتاي جوعارى بەدەل الىپ ۇلگەردى. ونىڭ ۇستىنە, ءوزىنىڭ ەرەكشە دامۋ جولىنىڭ دۇرىستىعىن اركەز ايعاقتاپ كەلەدى. بۇل – بارلىق قازاقستاندىقتاردىڭ, ءبىرىنشى كەزەكتە, حالىقتى جالپىۇلتتىق يدەيا توڭىرەگىندە توپتاستىرا بىلگەن پرەزيدەنتتىڭ ەڭبەگىنىڭ ناتيجەسى. بيزنەس-قوعامداستىقتىڭ كەز كەلگەن وكىلى تۇراقتىلىق پەن كەلىسىم جاعدايىندا عانا تابىستى دامۋعا قول جەتكىزۋگە بولاتىنىن جاقسى بىلەدى. وتانىمىزداعى تاتۋلىقتىڭ ارقاسىندا قازاقستاندىقتار, ءتىپتى, تاۋەلسىزدىكتىڭ ەلەڭ-الاڭىنداعى ەڭ قيىن كەزدەردىڭ وزىندە وعان توتەپ بەرىپ قانا قويماي, ەكونوميكالىق وسىمگە دە بەرىك ىرگەتاس قالادى. سوندىقتان دا قحا كەڭەسىنىڭ كەزەكتەن تىس پرەزيدەنتتىك سايلاۋ وتكىزۋ تۋرالى باستاماسى جان-جاقتى قولداۋ تاۋىپ وتىر. تيمۋر ناقىپبەكوۆ, وڭتۇستىك قازاقستان وبلىستىق كاسىپكەرلەر پالاتاسى دەپارتامەنتىنىڭ جەتەكشىسى: – قازاقستاننىڭ الەمدىك ەكونوميكاداعى كۇردەلى جاعدايلاردى ەڭسەرۋىنە «نۇرلى جول» جاڭا ەكونوميكالىق ساياساتى جاردەمدەسەدى. قازىرگى تاڭدا باستى ماقساتى شيكىزاتتىق ەكونوميكادان كەتۋ بولىپ تابىلاتىن يندۋستريالاندىرۋدىڭ ەكىنشى بەسجىلدىعىن جۇزەگە اسىرۋ قاتارلاسا جۇرۋدە. وسى مەملەكەتتىك باعدارلامالاردى تابىستى جۇزەگە اسىرۋ ءۇشىن پرەزيدەنتتىڭ جەكە باقىلاۋى مەن قاتىسۋى اۋاداي قاجەت. ويتكەنى, ولاردىڭ باستاماشىسى دا ەلباسىنىڭ ءوزى بولىپ تابىلادى. بيزنەس جاقسى دامۋ ءۇشىن تۇراقتى ەكونوميكالىق باعىت پەن ساياسي كەپىلدىك قاجەت. كوپتەگەن دامۋشى ەلدەردە پرەزيدەنتتىك سايلاۋلاردىڭ الدىندا ينۆەستورلار ادەتتە قانداي دا ءبىر مەرزىمگە تايم-اۋت الادى. سەبەبى, ەلدەگى ساياسي احۋال قاي جاققا قاراي بۇرىلاتىنىن ءبىلمەيدى. ۇستىمىزدەگى جىلى سايلاۋ وتكىزۋ ينۆەستورلارعا ودان ءارى سەنىمدى تۇردە جۇمىستارىن جالعاستىرۋعا مۇمكىندىك بەرەدى. رۋبەن اندرياسيان, قازاقستاننىڭ حالىق ءارتىسى, مەملەكەتتىك سىيلىقتىڭ لاۋرەاتى: – قازىرگى كەزدە الەمدەگى ساياسي جاعداي تۇراقسىز ەكەندىگىن كورىپ وتىرمىز. الەمدىك داعدارىس ءوزىنىڭ شىڭىنا قاراي جاقىنداپ قالدى. ءبىز داعدارىس كورىنىستەرىن قالاي ەڭسەرۋدى ويلاستىرىپ جاتىرمىز. ال ءبىزدى اساۋ تاسقىننان پرەزيدەنت ن.ءا.نازارباەۆ بولماسا, كىم الىپ وتەدى؟ مەن ەلدەگى بارلىق ەتنوستار وكىلدىك ەتەتىن اسسامبلەيانىڭ باستاماسىن تولىق قولدايمىن. وزگەلەردى دە قولداۋعا شاقىرامىن. ءبىزدىڭ ءبارىمىز ەل بولىپ بىرىگىپ, الدا تۇرعان ءبىرىنشى كەزەكتەگى مىندەتتەردى شەشۋگە كىرىسۋىمىز كەرەك. بۇل تەك سايلاۋ عانا ەمەس, وندا حالىق پەن ۇلتتىڭ تاعدىرى شەشىلەتىن بولادى. مەملەكەت باسشىسىنا سەنىم مانداتىن بەرۋ حالىقارالىق ساياساتتىڭ ەڭ ءبىر كۇردەلى كەزەڭىندە جۇدىرىقتاي جۇمىلۋدىڭ جالعىز جولى بولاتىنى كۇمانسىز. جەكسەنبەك ءادىلوۆ, ق.ساتباەۆ اتىنداعى قازاق ۇلتتىق تەحنيكالىق ۋنيۆەرسيتەتىنىڭ رەكتورى, قازاقستان رەسپۋبليكاسى ۇلتتىق عىلىم اكادەمياسىنىڭ اكادەميگى: – قازاقستان رەسپۋبليكاسى پرەزيدەنتىنىڭ باسشىلىعىمەن ەلىمىز ناعىز نارىقتىق ەكونوميكالى ەگەمەن مەملەكەت بولا وتىرىپ, ۇلكەن تابىستارعا قول جەتكىزدى. سوندىقتان نۇرسۇلتان نازارباەۆتىڭ جۇيەلى قايتا جاڭعىرتۋلاردى جالعاستىرعانى ءبىزدىڭ ورتاق مۇددەمىزبەن سايكەس كەلەتىنىن ءتۇسىنۋىمىز قاجەت. وسىمەن بايلانىستى, قازۇتۋ-ءدىڭ سان مىڭداعان ۇجىمى عىلىمي كەڭەستىڭ كەڭەيتىلگەن ماجىلىسىندە قازاقستان حالقى اسسامبلەياسىنىڭ كەڭەسى مەن «نۇر وتان» پارتياسىنىڭ كەزەكتەن تىس پرەزيدەنتتىك سايلاۋ وتكىزۋ تۋرالى باستاماسىنا تۇتاستاي قولداۋ ءبىلدىردى. ەلىمىزدەگى يندۋستريالاندىرۋ ۇدەرىستەرىن قامتاماسىز ەتۋ ءۇشىن ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا بىلىكتى مامان-كادرلار دايىنداۋعا 10 تەحنيكالىق جوو ىرىكتەپ الىنعانى بەلگىلى. ولاردىڭ اراسىندا ءبىزدىڭ ۋنيۆەرسيتەت تە بار. قازۇتۋ ۇجىمى العا قويىلعان مىندەتتەر ۇدەسىنەن شىعۋعا بار كۇش-جىگەرىن جۇمسايتىن بولادى. يۋري تسحاي, قازاقستان بوكس فەدەراتسياسىنىڭ ۆيتسە-پرەزيدەنتى: – سوڭعى 20 جىلدا قازاقستاندا سپورتتى دامىتۋ ءۇشىن كوپ جۇمىس جاسالدى. ءبىزدىڭ كوك بايراعىمىز وتاندىق سپورتشىلاردىڭ وليمپيادالاردا, الەمدىك بىرىنشىلىكتەردە قول جەتكىزگەن تابىستارىنا وراي بارعان سايىن ءجيى-ءجيى كوتەرىلەتىن بولدى. بۇعان قوسا, ەلىمىز ءىرى حالىقارالىق جارىستار وتكىزەتىن ورىنعا دا اينالا باستادى. بولاشاقتا دا وسىلاي بولۋى ءتيىس دەپ ويلايمىن. بۇل ءۇشىن بارشامىز ەل باسشىلىعىن قولداۋعا ءتيىسپىز. بۇل قازاقستان باعىتى بۇرىنعىسىنشا تۇراقتى, جەڭىستەرگە بەت بۇرعان قالپىندا قالۋى ءۇشىن كەرەك. ءبىزدىڭ بوكسشىلارىمىز الەمدە جەتەكشى ورىنعا سەنىمدى تۇراقتاعان. قازاقستان بوكسى قازىرگى تاڭدا بۇكىل الەم تانيتىن برەندكە اينالىپ وتىر. بىزدە قاشاندا الەۋەت جوعارى, ياعني تالانتتى سپورتشىلار كوپ. سوڭعى جىلدارى ول مەملەكەت باسشىسىنىڭ سپورتتى دامىتۋعا جان-جاقتى قولداۋ كورسەتۋىنىڭ ارقاسىندا بۇرىنعىدان دا تابىستى دامي ءتۇستى. قىسقاسى, ءبىز جاڭا بيىكتەردى باعىندىردىق, الدا كەزەكتى شىڭدار تۇر. روزا كارىبجانوۆا, «عىلىم ورداسى» رەسپۋبليكالىق مەملەكەتتىك كاسىپورىننىڭ باس ديرەكتورى: – «دانا مەملەكەت مىڭداعان جىل ءومىر سۇرەدى», دەگەن جاقسى ءتامسىل بار. مۇنداي تابىستىڭ ىرگەتاسى دامۋدىڭ تەرەڭنەن ويلاستىرىلعان ستراتەگياسى ەكەنى تۇسىنىكتى. ناق وسىنداي ستراتەگيا قازاقستاندا پرەزيدەنت نۇرسۇلتان نازارباەۆتىڭ باسشىلىعىمەن جاسالىپ وتىر. حالىقارالىق ساراپشىلار بۇگىندە تاريحي قىسقا مەرزىمدە الەمدەگى اسا دامىعان 50 مەملەكەتتىڭ قاتارىنان ويىپ تۇرىپ ورىن الا العان ەلىمىزدىڭ تاماشا ترانسفورماتسياسىن وقىپ-ۇيرەنۋدە. ەلباسى نۇرسۇلتان نازارباەۆتىڭ ەلىمىزدى دايەكتى ىلگەرىلەتۋىنىڭ الگوريتمى «قازاقستان-2050» ستراتەگياسىندا ناقتى كورىنىس تاپقان. بۇل قازاقستاندى ءوسىپ-وركەندەتۋگە اپاراتىن جول بولىپ تابىلادى. بۇل ماقسات قاشاندا ءبىزدىڭ اتا-بابالارىمىزدىڭ باسىن بىرىكتىرىپ كەلسە, قازىرگى كەزدە دە ەلباسىنىڭ باسشىلىعىمەن وسى باعىتتى بەتكە الىپ ءجۇرىپ كەلەمىز. وتانىمىزدىڭ بولاشاق دامۋىن دا نۇرسۇلتان ءابىش ۇلىنىڭ اتىمەن تىكەلەي بايلانىستىرامىز. زارەما شاۋكەنوۆا, عىلىم جانە ءبىلىم مينيسترلىگى عىلىم كوميتەتىنىڭ فيلوسوفيا, ساياساتتانۋ جانە ءدىنتانۋ ينستيتۋتىنىڭ ديرەكتورى, «نۇر وتان» پارتياسى الماتى فيليالى ساياسي كەڭەسىنىڭ مۇشەسى: – «نۇرلى جول» جاڭا ەكونوميكالىق ساياساتى, سونداي-اق, «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» كەم دەگەندە داعدارىستان كەيىنگى دۇنيەنىڭ كونتۋرلارىن ايقىنداپ بەرەتىندەي. بۇل ارادا مەن بىزدەرگە, بارلىق قازاقستاندىقتارعا, بالالارىمىز بەن نەمەرەلەرىمىزگە قاتىستى ايتىپ تۇرمىن. وسىلايشا ەلباسى ەشكىمدە دە جوق دەپ ايتساق قاتەلەسپەيتىن ناقتى ءىس-قيمىل باعدارلاماسىن بەلگىلەدى. سوندىقتان بىزگە مەملەكەت باسشىسىنا بۇعان دەيىن دە تالاي مارتە جاساعانىمىزداي, سەنىم كورسەتىپ, اركىم ءوز ورنىندا بارىنشا كومەكتەسكەنى ءجون. بۇگىنگىدەي اۋمالى-توكپەلى زاماندا وسى كۇنگە دەيىن سەنىم ۇدەسىنەن شىعىپ كەلە جاتقان ەلباسىنا سەنبەگەندە, كىمگە سەنەمىز؟ ءبىز تاريحي ادىلەتتىلىك پەن ۋاقىت بايلانىسىن قالپىنا كەلتىرىپ, حالقىمىزدى تاتۋ-ءتاتتى تىرلىككە باستاي بىلگەن نۇرسۇلتان نازارباەۆپەن بىرگە ەگەمەن قازاقستاندى ءارى قاراي كۇشەيتۋدى جالعاستىرايىق دەگىم كەلەدى. اناستاسيا لۋشپەي, اقتوبە بەلگى بەرۋ جانە بايلانىس ديستانتسياسىنىڭ مەحانيگى: – قازاقستان حالقى اسسامبلەياسى كەڭەسىنىڭ باستاماسى تۋرالى وتكەن دەمالىس كۇندەرى عالامتوردان وقىپ ءبىلدىم. باستاماشى توپ ەلباسىنا سەنىم مانداتىن ءبىلدىرۋ ارقىلى الەمدىك دامۋدىڭ جاڭا كەزەڭىندە حالقىمىزدى بىرىكتىرىپ, مەملەكەتتى دامىتۋداعى ماڭىزدى ماسەلەلەرگە دەن قويۋعا ءمۇمكىندىك الامىز دەپ حابارلادى. اسسامبلەيا وكىلدەرى «نۇرلى جول – بولاشاققا باستار جول» باعدارلاماسىن جانە «قازاقستان-2050» ۇزاق مەرزىمدى ستراتەگياسىن جۇزەگە اسىرۋ ءۇشىن بار كۇش-جىگەرىمىزدى بىرىكتىرۋ كەرەك دەگەن ۇسىنىس ايتادى. مەنىڭ ويىم دا وسىعان سايادى. ەلىمىزدىڭ ساياسي ومىرىندە نەندەي وزگەرىستەر بولسا دا, تەك وپتيميستىك كوزقاراستامىن. ءويتكەنى, بارلىعى قاراپايىم حالىق يگىلىگى ءۇشىن جاسالىپ جاتىر دەپ ويلايمىن.