قىسقى پاراليمپيادا اياقتالدى: قازاقستان جالپى ەسەپتە قانداي ناتيجە كورسەتتى؟

پاراليمپيادانىڭ التىنشى كۇنىندە وتانداسىمىز ال­عاش­قى مەدالدى جەڭىپ الدى. ەربول حاميتوۆ پاراشاڭعى سايىسىنان 1 500 مەترگە كلاسسيكالىق سپرينت­تە قولا جۇلدە ولجالادى. ول ما­رە­گە 2 مينۋت 29 سەكۋندتا جەتتى.

سونداي-اق ول 4,5 شاقىرىمدىق ءىز كەسۋ جارىسىندا دا (وتىرىپ جارىسۋ ساناتى) ۇزدىك ناتيجە كورسەتىپ, چەمپيون اتاندى.

ەربول حاميتوۆ پاراليمپيادا چەمپيونى اتاندى

ەربول سالعان قوس مەدالمەن قازاقستان پاراليمپيادانى 18-ورىندا اياقتادى. ال قىتاي ەلى 15 التىن, 13 كۇمىس, 16 قولا جۇلدەمەن كوش باستاسا, ەكىنشى ساتىعا 13 التىن, 5 كۇمىس, 6 قولا مەدالمەن اقش قۇراماسى جايعاستى. ۇزدىك ۇشتىكتى رەسەي اتلەتتەرى تۇيىندەدى. ولاردىڭ ەنشىسىندە 8 التىن, 1 كۇمىس, 3 قولا جۇلدە بار. 

ايتا كەتەيىك, پاراليمپيادا ويىندارى 6-15 ناۋرىز ارالىعىندا ءوتتى. جارىسقا الەمنىڭ ءار ايماعىنان 600-دەن استام سپورتشى قاتىستى. دودادا 6 سپورت ءتۇرى بويىنشا 79 مەدال جيىنتىعى ساراپقا سالىندى.

جالپى, جارىس بارىسىندا 27 ەلدىڭ سپورتشىلارى مەدال جەڭىپ الدى.