كوكتەمگى ەگىس ناۋقانى: بيىل قانشا فەرمەر جەڭىلدەتىلگەن نەسيە الدى؟

اۋىل شارۋاشىلىعى مينيسترلىگىنىڭ مالىمەتىنشە, 2026 جىلعى ماۋسىمداعى كوكتەمگى ەگىس ناۋقانىنا ارنالعان ەرتە قارجىلاندىرۋ باعدارلاماسى بەلسەندى تۇردە جۇزەگە اسىرىلىپ كەلەدى. باعدارلاما بويىنشا وتىنىمدەردى قابىلداۋ 2025 جىلعى قازان ايىندا باستالعان. اۋىل شارۋاشىلىعى تاۋارىن وندىرۋشىلەر ءۇشىن سىياقىنىڭ تۇپكىلىكتى مولشەرلەمەسى جىلدىق 5% دەڭگەيىندە بەلگىلەنگەن.

قازىرگى ۋاقىتتا جالپى سوماسى 519 ملرد تەڭگەگە 3 534 اۋىل شارۋاشىلىعى تاۋارىن وندىرۋشىدەن وتىنىمدەر پۋلى قالىپتاستىرىلعان. سونىڭ ىشىندە 2 936 ءوتىنىم ماقۇلدانىپ, 288 ملرد تەڭگە كولەمىندە قارجىلاندىرىلدى. بۇل قاراجات 3 ملن گەكتاردان استام ەگىس القابىن قامتيدى.

باعدارلاما اياسىندا شارۋالاردىڭ قارجىعا قولجەتىمدىلىگىن كەڭەيتۋ ءۇشىن «دامۋ» قورى ارقىلى قارىزداردى كەپىلدەندىرۋ تەتىگى دە ىسكە قوسىلعان. بۇل مەحانيزم نەسيە سوماسىنىڭ 85%-ىنا دەيىن كەپىلدىك بەرۋگە مۇمكىندىك بەرەدى. بۇگىنگى كۇنگە دەيىن 111,5 ملرد تەڭگە كولەمىندەگى قارىزدار بويىنشا 753 كەپىلدىك ۇسىنىلعان.

بىلتىر اۋىل شارۋاشىلىعى سالاسىندا 250 ءوندىرىس اشىلدى

ايتا كەتۋ كەرەك, «كەڭ دالا 2» باعدارلاماسى بويىنشا وتىنىمدەردى قابىلداۋ وتكەن جىلدىڭ 1 قازانىندا باستالعان. بۇل باستاما مەملەكەت باسشىسىنىڭ كوكتەمگى دالا جۇمىستارىن ۋاقتىلى ءارى ساپالى ۇيىمداستىرۋ جونىندەگى تاپسىرماسىن ورىنداۋ ماقساتىندا قولعا الىنعان.

قارجىلاندىرۋدىڭ ەرتە بەرىلۋى شارۋالارعا 2026 جىلعى ەگىس ناۋقانىنا الدىن الا دايىندالۋعا مۇمكىندىك جاساپ وتىر. بولىنگەن قاراجات ەڭ الدىمەن جانار-جاعارماي ماتەريالدارىن ءتيىمدى باعامەن ساتىپ الۋعا, مينەرالدى تىڭايتقىشتار الۋعا, اۋىل شارۋاشىلىعى تەحنيكاسىن جوندەۋگە جانە ساپالى تۇقىم قورىن قالىپتاستىرۋعا باعىتتالادى.

جەڭىلدەتىلگەن قارجى تەك كوكتەمگى ەگىس جۇمىستارىنا عانا ەمەس, سونىمەن بىرگە وراق ناۋقانىنا دايىندىق پەن ماۋسىمدىق شىعىنداردى وتەۋگە دە پايدالانىلۋى مۇمكىن. قارجىلاندىرۋ «اگرارلىق نەسيە كورپوراتسياسى» اق-نىڭ فيليالدىق جەلىسى جانە ەل بويىنشا سەرىكتەس قارجى ينستيتۋتتارى ارقىلى جۇزەگە اسىرىلادى.

اۋىل شارۋاشىلىعى ءونىمىن قايتا وڭدەۋ ۇلەسى جىل سوڭىنا دەيىن 70%-عا جەتەدى