قازاقستاندا جاڭا كونستيتۋتسيانى قابىلداۋ جونىندەگى رەفەرەندۋم كەزىندە جۇرگىزىلگەن تاعى ءبىر Exit poll ناتيجەلەرى جاريالاندى, دەپ حابارلايدى Egemen.kz.
«AMANAT» پارتياسىنىڭ «قوعامدىق ساياسات ينستيتۋتى» جۇرگىزگەن ساۋالناما بارىسىندا 400-دەن استام ينتەرۆيۋەرلەر مەن سۋپەرۆايزەرلەر جۇمىس اتقاردى. Exit poll-عا 24 مىڭ ازامات قاتىستى. ساۋالناما 200 داۋىس بەرۋ ۋچاسكەسىن قامتىدى.
Exit poll ناتيجەسى بويىنشا, رەفەرەندۋمعا 72,1% داۋىس بەرۋشىلەر كەلدى. قاتىسۋشىلاردىڭ 88,6%-ى جاڭا كونستيتۋتسيانى قابىلدايمىن دەپ داۋىس بەردى.
ايتا كەتەيىك, بۇعان دەيىن ەۋرازيالىق ينتەگراتسيا ينستيتۋتى جانە «سوتسيس-ا» كەشەندى الەۋمەتتىك زەرتتەۋلەر ينستيتۋتى جاڭا كونستيتۋتسيانى قابىلداۋ جونىندەگى رەسپۋبليكالىق رەفەرەندۋمدا جۇرگىزىلگەن Exit poll ناتيجەلەرىن جاريالاعان ەدى.
رەفەرەندۋمدا داۋىس بەرگەندەر سانى 9 ميلليوننان استى