«سوتسيس-ا» كەشەندى الەۋمەتتىك زەرتتەۋلەر ينستيتۋتى – استانا» جەكە قورى جاڭا كونستيتۋتسيانى قابىلداۋ جونىندەگى رەسپۋبليكالىق رەفەرەندۋم بويىنشا جۇرگىزىلگەن ەxit poll ناتيجەلەرىن جاريالادى. ساۋالناماعا سايكەس, داۋىس بەرگەندەردىڭ باسىم بولىگى كونستيتۋتسيا جوباسىن قولداعان, دەپ حابارلايدى Egemen.kz.
ينستيتۋت مالىمەتىنشە, داۋىس بەرۋ ۋچاسكەلەرىندەگى قاتىسۋ دەڭگەيى 73,8% بولدى.
ساۋالناماعا قاتىسقان جانە داۋىس بەرگەن ازاماتتاردىڭ 87,4% جاڭا كونستيتۋتسيانى قابىلداۋدى قولداعان.
ەسكە سالايىق, قازاقستاندا جاڭا كونستيتۋتسيا بويىنشا رەسپۋبليكالىق رەفەرەندۋمداعى داۋىس بەرۋ ساعات 20:00-دە اياقتالدى. قازىرگى ۋاقىتتا ۋچاسكەلىك كوميسسيالار داۋىستاردى ساناۋعا كىرىستى.
اۋماقتىق كوميسسيالاردىڭ دەرەكتەرىنە سايكەس, ەلدىڭ بارلىق وڭىرىندە رەفەرەندۋمعا 9 126 850 قازاقستاندىق كەلىپ داۋىس بەرگەن. الدىن الا مالىمەت بويىنشا, رەفەرەندۋمداعى جالپى قاتىسۋ دەڭگەيى 73,24% بولدى.
ايتا كەتەيىك, بۇعان دەيىن ەۋرازيالىق ينتەگراتسيا ينستيتۋتى جۇرگىزگەن ساۋالناما بويىنشا Exit poll ناتيجەسى جاريالاندى. قازاقستاندىقتاردىڭ 86,7%-ى رەفەرەندۋمدا ء«يا, قابىلدايمىن» دەپ جاۋاپ بەرگەن.