الماتى قالاسىنداعى قوعامدىق كوممۋنيكاتسيالار ورتالىعىندا تاۋەلسىز بايقاۋشىلاردىڭ اقپاراتتىق شتابىنىڭ بۇگىندىككە ءۇشىنشى بريفينگى مارەگە جەتتى, دەپ حابارلايدى Egemen.kz.
تىلشىلەر ساۋالىنا جاۋاپ بەرگەن بايقاۋشىلار رەفەرەندۋم بارىسى قالىپتى ءوتىپ جاتقانىن, داۋىس بەرۋ ۋچاسكەلەرىندە قازىرگە دەيىن زاڭعا قايشى ارەكەتتەر ورىن الماعانىن تىلگە تيەك ەتتى.
«ەر ازامات» قوعامدىق بىرلەستىگىنىڭ وكىلى الينا كان داۋىس بەرۋ ۇدەرىسىنىڭ بەل ورتاسىندا جۇرگەن بايقاۋشىلاردان ساعات سايىن اقپارات الىپ وتىرعانىن, رەفەرەندۋمعا دايىندىق كەزەڭىندە بايقاۋشىلاردىڭ بىلىكتىلىگىن ارتتىرۋ باعىتىنداعى جۇمىستار جۇيەلى جۇرگىزىلگەنىن اتاپ ءوتتى.
ء«بىزدىڭ بايقاۋشىلار رەفەرەندۋمداعى ءار ءساتتى ءجىتى قاداعالاپ وتىر. رەفەرەندۋم اياقتالىپ, داۋىستاردى ساناۋ كەزىندە دە ولار سوندا بولادى. بولاشاعىمىز ايقىندالاتىن جاۋاپتى كەزەڭدە ەل ازاماتتارى شەت قالمايدى دەپ سەنەمىن», دەيدى الينا كان.
سونداي-اق قوعام قايراتكەرى اندرەي اندرەەۆ قوعامنىڭ ساياسي بەلسەندىلىگى مەن ازاماتتىق جاۋاپكەرشىلىگى ارتقانىن, رەفەرەندۋم بارىسىنىڭ اشىقتىعى بارىنشا ساقتالىپ وتىرعانىن مالىمدەدى.
الماتىدا رەفەرەندۋم بارىسىن 1300-دەن استام تاۋەلسىز باقىلاۋشى قاداعالاپ وتىر
ايتا كەتسەك, رەفەرەندۋم بارىسىنداعى تىڭ اقپاراتتار مەن تىلكەلەي ەفيردى Independ.kz اقپارات اگەنتتىگىنىڭ YouTube ارناسىنان, سونداي-اق قوعامدىق كوممۋنيكاتسيالار ورتالىعىنىڭ الەۋمەتتىك جەلىلەردەگى رەسمي پاراقشالارىنان كورۋگە بولادى.
قاراعاندى وبلىسىندا موتوبايكەرلەر دە تاڭداۋ جاسادى