وزبەكستان وسك توراعاسى: جاستار بەلسەندىلىگى – ازاماتتىق جاۋاپكەرشىلىك كورىنىسى

ول استانا قالاسى پرەزيدەنت ورتالىعىنداعى №176 رەفەرەندۋم ۋچاسكەسىندە بولىپ, ناۋقان بارىسىن باقىلادى.

«بۇل – ەل حالقىنىڭ ومىرىندەگى اسا ماڭىزدى ساياسي ءىس-شارا. ءبىز كەشە كەلىپ, قازاقستان رەسپۋبليكاسى ورتالىق رەفەرەندۋم كوميسسياسىنىڭ توراعاسىمەن ەكىجاقتى كەزدەسۋ وتكىزدىك. جۇزدەسۋ بارىسىندا ءبىر اي ىشىندە اتقارىلعان دايىندىق جۇمىسى جونىنەن جان-جاقتى اقپارات الدىق. رەفەرەندۋمدى وتكىزۋگە جاۋاپتى كوماندا تولىق دايىن ەكەنىنە كوز جەتكىزدىك», دەي كەلە زاينيددين نيزامحودجاەۆ رەفەرەندۋم كوميسسياسىنىڭ مۇشەلەرى مەن قوعامدىق باقىلاۋشىلاردىڭ اراسىندا جاستاردىڭ كوپ بولعانى قۋانتاتىنىن, بۇل ازاماتتىق جاۋاپكەرشىلىكتى بايقاتاتىنىن جەتكىزدى.

تۇركيا جوعارعى سايلاۋ كەڭەسىنىڭ توراعاسى قازاقستاننىڭ رەفەرەندۋمعا ساپالى دايىندالعانىن اتاپ ءوتتى

سونىمەن قاتار حالىقتىڭ بەلسەندىلىگىن دە ەرەكشە باعالادى.

«تاعى ءبىر قۋانىشتى جايت – بۇگىن ساعات 12:00-گە دەيىن بىرنەشە ۋچاسكەگە باردىم. وسى ۋاقىتقا دەيىن ەل ازاماتتارىنىڭ 40 پايىزدان استامى كەلىپ, ءوز داۋىستارىن بەرىپ ۇلگەرگەن. ارينە, رەفەرەندۋمنىڭ الدىن الا ناتيجەلەرى ەرتەڭ بەلگىلى بولادى. ازىرگە ەشقانداي زاڭ بۇزۋشىلىق تىركەلگەن جوق. سونىمەن قاتار كوميسسيا مۇشەلەرى, توراعالار, حاتشىلار جانە قوعامدىق باقىلاۋشىلار ءبىز قويعان بارلىق سۇراقتارعا تولىق جاۋاپ بەرىپ وتىر», دەدى وزبەكستان رەسپۋبليكاسى ورتالىق سايلاۋ كوميسسياسىنىڭ توراعاسى.

رەفەرەندۋمدا داۋىس بەرگەندەر سانى 51,93 پايىزعا جەتتى

حالىقارالىق بايقاۋشى تەڭ قولجەتىمدىلىكتى قامتاماسىز ەتۋ دەموكراتيالىق قۇندىلىقتىڭ ءىس جۇزىندەگى كورىنىسى ەكەنىن اتاپ ءوتتى.

ء«بىز ءۇشىن سايلاۋشىلاردىڭ سانى, ولاردى حاباردار ەتۋ جۇمىسىنىڭ قالاي جۇرگىزىلگەنى, سونداي-اق مۇمكىندىگى شەكتەۋلى ازاماتتارعا, دەنساۋلىعىنا بايلانىستى ۇيدەن شىعا المايتىن ادامدار ءۇشىن قانداي جاعداي جاسالعانى ماڭىزدى بولدى. مىسالى, وسى ۋچاسكەدە  ءۇش قازاقستاندىق ۇيىندە داۋىس بەرگەن. ولار الدىن الا ءوتىنىش بەرىپتى. كەيبىر ۋچاسكەلەردە مۇنداي ءوتىنىش بەرگەن ازاماتتاردىڭ سانى 7 ادامعا دەيىن جەتەدى. ال ءبىر ۋچاسكەدە ءبىز 12 ادامنىڭ ۇيىندە داۋىس بەرۋ تۋرالى ءوتىنىش بىلدىرگەنىنە كۋا بولدىق. ياعني قازاقستان رەسپۋبليكاسىنىڭ زاڭناماسىنا سايكەس رەفەرەندۋمدى وتكىزۋ ءۇشىن بارلىق قاجەتتى جاعدايلار جاسالعان», دەپ ءسوزىن تۇيىندەدى زاينيددين نيزامحودجاەۆ.

ۆااگن وۆاكيميان: قازاقستان حالقىنىڭ اۋىزبىرشىلىگىنە ءتانتى بولدىم