ەلىمىزدە ءوتىپ جاتقان رەسپۋبليكالىق رەفەرەندۋمعا قوعامنىڭ ءتۇرلى سالاسىنىڭ وكىلدەرى بەلسەندى قاتىسىپ جاتىر. سولاردىڭ قاتارىندا موتوسپورتتى سەرىك ەتكەن ازاماتتار دا بار. Chingizkhan موتو-كلۋبى مۇشەلەرى دە ەل ومىرىندەگى ماڭىزدى ساياسي ناۋقاننان شەت قالماي, ءوز تاڭداۋلارىن جاسادى, دەپ حابارلايدى Egemen.kz.
كلۋبتىڭ ۆيتسە-پرەزيدەنتى اسىلبەك ءسابيروۆ №95 رەفەرەندۋم ۋچاسكەسىنە كەلىپ, داۋىس بەردى. ونىڭ ايتۋىنشا, كلۋب مۇشەلەرى قوعامدىق-ساياسي ناۋقاندارعا ءاردايىم بەلسەندى قاتىسۋعا تىرىسادى.
– ءبىز كلۋب مۇشەلەرى رەتىندە ەل ومىرىندەگى ماڭىزدى وقيعالاردان قالىس قالمايمىز. جاڭا كونستيتۋتسيا جوباسىمەن الەۋمەتتىك جەلىلەر, گازەتتەر مەن تەلەارنالار ارقىلى تانىستىق. ارقايسىمىز ءوز پىكىرىمىزدى قالىپتاستىرىپ, بۇگىن رەفەرەندۋمعا كەلىپ, تاڭداۋىمىزدى جاسادىق, – دەيدى ول.
ال كلۋب مۇشەسى, موتوبايكەر ميشەن پەتر №69 رەفەرەندۋم ۋچاسكەسىنە بارىپ, ءوز داۋىسىن بەردى. ونىڭ پىكىرىنشە, رەفەرەندۋم – ءار ازاماتتىڭ ەل بولاشاعىنا قاتىستى كوزقاراسىن بىلدىرۋگە مۇمكىندىك بەرەتىن ماڭىزدى دەموكراتيالىق ءۇردىس.
ۆااگن وۆاكيميان: قازاقستان حالقىنىڭ اۋىزبىرشىلىگىنە ءتانتى بولدىم
موتوبايكەرلەردىڭ ايتۋىنشا, ازاماتتىق بەلسەندىلىك تەك قوعامدىق ۇيىمدار مەن مەملەكەتتىك قۇرىلىمداردىڭ عانا ەمەس, قوعامنىڭ بارلىق توبىنىڭ قاتىسۋىمەن نىعايا تۇسەدى. سوندىقتان ولار ەلدىك ماڭىزى بار ناۋقاندارعا قاتىسۋدى وزدەرىنىڭ ازاماتتىق مىندەتى دەپ سانايدى.
الماتىدا رەفەرەندۋم بارىسىن 1300-دەن استام تاۋەلسىز باقىلاۋشى قاداعالاپ وتىر