بۇگىن رەسپۋبليكالىق رەفەرەندۋم وتكىزىلۋىنە بايلانىستى ماڭعىستاۋ وبلىسىنىڭ بىرقاتار سايلاۋ ۋچاسكەلەرىندە ارنايى فوتوزونالار ۇيىمداستىرىلدى. ولار تاقىرىپتىق باننەرلەر مەن پرەسس-ستەندەر ارقىلى بىرىڭعاي ۆيزۋالدى ستيلدە بەزەندىرىلگەن, دەپ حابارلايدى Egemen.kz.
فوتوزونالار رەفەرەندۋم كۇنى مەرەكەلىك اتموسفەرا قالىپتاستىرۋ جانە ءبىرتۇتاس اقپاراتتىق-ۆيزۋالدى كەڭىستىك قۇرۋ ماقساتىندا جاسالعان. بارلىق الاڭدار ورتاق ستيليستيكا, ۆيزۋالدى ەلەمەنتتەر مەن ناۋقاننىڭ سيمۆوليكاسىن پايدالانا وتىرىپ, سونداي-اق #رەفەرەندۋم2026 حەشتەگىمەن بەزەندىرىلگەن. بۇل شارانىڭ جالپىۇلتتىق اۋقىمىن ايقىنداي تۇسەدى.
اتىراۋلىق اجەلەر رەفەرەندۋم ۋچاسكەسىنە اق كيمەشەكپەن كەلدى
داۋىس بەرگەننەن كەيىن ءوڭىر تۇرعىندارى باننەرلەر مەن پرەسس-ستەندەردىڭ الدىندا سۋرەتكە ءتۇسىپ, ەل ءۇشىن ماڭىزدى كۇنگە قاتىسقان ساتتەرىن ەستەلىك رەتىندە ساقتاپ قالادى.
ۇيىمداستىرۋشىلاردىڭ ايتۋىنشا, بىرىڭعاي ۆيزۋالدى فورماتتاعى بەزەندىرۋ وقيعانىڭ ماڭىزدىلىعىن ايقىنداپ, وسى كۇننىڭ ەستەلىك ساتتەرىن ساقتاۋعا مۇمكىندىك بەرەدى.
رەفەرەندۋمدا داۋىس بەرگەندەر سانى 51,93 پايىزعا جەتتى