*پرەزيدەنت پوشتاسىنان
ەلباسى نۇرسۇلتان نازارباەۆقا WBA, IBO جانە WBC تۇجىرىمدارى بويىنشا كاسىپقويلار اراسىنداعى بوكستان الەم چەمپيونى گەننادي گولوۆكيننەن حات كەلدى, دەپ حابارلادى پرەزيدەنتتىڭ ءباسپاسوز قىزمەتى.
قازاقستاندىق سپورتشى ءوز حاتىندا مەملەكەت باسشىسىنا تاياۋدا وتكەن جەكپە-جەكتەگى جەڭىسىنە وراي جولداعان جىلى لەبىزى مەن تىلەگى ءۇشىن العىس ايتادى.
«مەن تۋعان ەلىمدى حالىقارالىق ارەنادا تانىتىپ جانە قازاقستاننان شىققان ساڭلاق سپورتشى قانداي بولاتىنىن بۇكىل الەمگە كورسەتە وتىرىپ, ايرىقشا ماقتانىش پەن پاتريوتتىق, جاۋاپكەرشىلىك سەزىمدەرىنە بولەنەمىن. ەلىمىزدەگى بوكس پەن سپورتتى دامىتۋعا قاراپايىم ۇلەسىمدى قوسا ءجۇرىپ, سىزگە جانە بارشا وتانداستارىما قۋانىش سىيلاۋمەن, مەملەكەتىمىزدىڭ مەرەيىن ءوسىرۋ مۇمكىندىگىنە يە بولعانىم ءۇشىن شىنايى باقىتتىمىن», – دەلىنگەن حاتتا.
گ.گولوۆكين حات سوڭىندا نۇرسۇلتان نازارباەۆتىڭ جانە بارشا قازاقستاندىقتاردىڭ تاراپىنان كورسەتىلگەن قولداۋ ونىڭ جەڭىسكە دەگەن جىگەرىن نىعايتا تۇسەتىنىن اتاپ وتكەن.