اتىراۋ قالاسىنىڭ ماڭىندا بىرنەشە ەلدى مەكەن بار. سونىڭ ءبىرى – كەڭوزەك اۋىلدىق وكرۋگىندەگى تاسقالا اۋىلى. بۇل اۋىلداعى بالالار-جاسوسپىرىمدەر سپورت مەكتەبىندە №255 رەفەرەندۋم ۋچاسكەسى ورنالاسقان. رەفەرەندۋم ۋچاسكەسىنە اق كيمەشەك كيىپ, اق جاۋلىق تارتقان اجەلەر داۋىس بەرۋگە كەلدى, دەپ جازادى Egemen.kz.
سانالى ۇرپاق ءوسىرىپ, ۇلتتىق ءداستۇردى ناسيحاتتاپ جۇرگەن اجەلەر – «حيۋاز» قوعامدىق بىرلەستىگىنىڭ مۇشەلەرى. اتالعان بىرلەستىككە شاحارمان ەرسەيىتوۆا جەتەكشىلىك ەتەدى.
ء«بىز ءوز تاڭداۋىمىزدى جاسادىق. ماقساتىمىز – ەلدىڭ وركەندەۋىنە ۇلەسىمىزدى قوسۋ. اسىرەسە جاستاردىڭ ۇلتتىق قۇندىلىقتارىمىزدى كوزدىڭ قاراشىعىنداي ساقتاپ, كەيىنگى ۇرپاققا جەتكىزگەنىن قالايمىز», دەيدى ش.ەرسەيىتوۆا.
رەفەرەندۋمدا داۋىس بەرگەندەر سانى 51,93 پايىزعا جەتتى
اقجار اۋىلىندا تۇراتىن اجەلەر دە داۋىس بەرۋگە اق كيمەشەكپەن كەلۋدى ۇيعارىپتى. ولار بۇرىن س.داتوۆ اتىنداعى مەكتەپتە مۇعالىم بولعان. قازىر ءبارى دە زەينەتكە شىققان.
شقو ازاماتتارىنا داۋىس بەرۋ ءۇشىن قانداي جاعدايلار جاسالعان؟
ء«بىز بۇرىن جۇمىس ىستەگەن مەكتەبىمىزبەن بايلانىسىمىزدى ۇزگەن جوقپىز. ءار كەزدەسۋگە جاستارعا ۇلگى كورسەتۋ ءۇشىن ۇلتتىق ناقىشتاعى كيىممەن كەلۋگە تىرىسامىز. بۇگىنگى رەفەرەندۋمعا ۇلتتىق كيىممەن كەلدىك. جاستارىمىز انا ءتىلىن جەتىك مەڭگەرىپ, ۇلتتىق قۇندىلىقتاردان اجىراماسا ەكەن», دەيدى ارداگەر ۇستاز بازارگۇل قارتاباەۆا.