ۇلىتاۋ وڭىرىندە وتكەن رەفەرەندۋمدا ءتۇرلى سالا وكىلدەرى بەلسەندىلىك تانىتىپ, ءوز ازاماتتىق پوزيتسيالارىن ءبىلدىرۋ ءۇشىن ۋچاسكەلەرگە كەلدى. سولاردىڭ قاتارىندا ءوندىرىس, كاسىپورىن سالاسىنىڭ قىزمەتكەرلەرى مەن جۇمىسشىلارى دا بار, دەپ جازادى Egemen.kz.
جەزقازعان قالاسىنداعى «قازاقمىس» جشس ءوندىرىس سالاسىنىڭ ماماندارى دا ءوز ازاماتتىق ۇستانىمدارىن ءبىلدىرىپ, رەفەرەندۋمعا ۇجىمدىق تۇردە قاتىسىپ, داۋىس بەردى.
ءوندىرىس ورىندارىندا ەڭبەك ەتىپ جۇرگەن ماماندار ارنايى ۋاقىت ءبولىپ, بەلگىلەنگەن ۋچاسكەلەرگە كەلىپ, ءوز تاڭداۋلارىن جاسادى. كاسىپورىن قىزمەتكەرلەرى ەل ومىرىندەگى ماڭىزدى قوعامدىق-ساياسي ناۋقانعا بەيجاي قاراماي, ازاماتتىق جاۋاپكەرشىلىكتەرىن تانىتتى.
«قازاقمىس» جشس ۇجىمىنىڭ وكىلدەرى مۇنداي ماڭىزدى شەشىمدەر قابىلداناتىن ساتتە ءار ازاماتتىڭ پىكىرى ماڭىزدى ەكەنىن اتاپ ءوتتى. سوندىقتان ءوندىرىس ماماندارى رەفەرەندۋمعا قاتىسۋدى ەل بولاشاعىنا دەگەن جاۋاپكەرشىلىكتىڭ كورىنىسى دەپ سانايدى.
حالىقارالىق بايقاۋشى: داۋىس بەرۋ ۇدەرىسىنىڭ اشىقتىق دەڭگەيى وتە جوعارى
قاراجال قالاسىندا دا وڭىردەگى ءىرى كاسىپورىندار ءوز قىزمەتكەرلەرىمەن بىرگە ەل بولاشاعى ءۇشىن ماڭىزدى قادام جاساپ, رەفەرەندۋمعا بەلسەندىلىك تانىتتى.
وركەن جشس وكىلدىگى «وركەن-اتاسۋ» كاسىپورنى – 78 قىزمەتكەر, «مارگانەتس جايرەم» اق – 45 قىزمەتكەر, جايرەم كەن بايىتۋ كومبيناتى اق – 80 قىزمەتكەر ءوز تاڭداۋلارىن جاسادى.
شىۇ باقىلاۋشىلار ميسسياسى قازاقستانداعى رەفەرەندۋمنىڭ تەحنيكالىق دايىندىعىن جوعارى باعالادى
داۋىس بەرۋ ۋچاسكەلەرىندە بارلىق قاجەتتى جاعدايلار جاسالىپ, تۇرعىنداردىڭ ەركىن ءارى اشىق تۇردە داۋىس بەرۋىنە مۇمكىندىك بەرىلدى. ۋچاسكەلەردە قوعامدىق ءتارتىپ ساقتالىپ, داۋىس بەرۋ ۇدەرىسى زاڭ تالاپتارىنا سايكەس ۇيىمداستىرىلدى. بۇل قوعامنىڭ جاۋاپكەرشىلىگىن سەزىنىپ, ورتاق ماقساتقا بىرىگۋىمىزدىڭ كورىنىسى.
ۇلىتاۋ وبلىسى