بۇگىن, 15 ناۋرىز كۇنى اقتاۋ قالاسىندا ءوتىپ جاتقان رەسپۋبليكالىق رەفەرەندۋمعا Yessenov ۋنيۆەرسيتەتىنىڭ 1-كۋرس ستۋدەنتى, بولاشاق زاڭگەر بەكزات قادىرباي قاتىسىپ, ءوز تاڭداۋىن جاسادى, دەپ حابارلايدى Egemen.kz.
جاس سايلاۋشى اقتاۋ تەحنولوگيالىق كوللەدجىندە ورنالاسقان سايلاۋ ۋچاسكەسىنە كەلىپ, ەل ومىرىندەگى ماڭىزدى قوعامدىق-ساياسي ناۋقانعا بەلسەندى تۇردە اتسالىستى. ول رەفەرەندۋم كۇنى ۇيىمداستىرىلعان تەگىن قوعامدىق كولىكتى پايدالانىپ, داۋىس بەرۋگە ارنايى كەلدى.
ءوڭىر تۇرعىندارى رەفەرەندۋمعا بەلسەنە قاتىسىپ جاتىر
بەكزات قادىربايدىڭ ايتۋىنشا, رەفەرەندۋم – ءاربىر ازاماتتىڭ ەل بولاشاعىنا قاتىستى ماڭىزدى شەشىم قابىلداۋىنا مۇمكىندىك بەرەتىن ساياسي ناۋقان.
«رەفەرەندۋمعا قاتىسۋ – ءاربىر ازاماتتىڭ ازاماتتىق جاۋاپكەرشىلىگى. اسىرەسە جاستار ەل بولاشاعىنا بەيجاي قاراماي, وسىنداي ماڭىزدى شەشىمدەر قابىلداناتىن ساتتەردە بەلسەندىلىك تانىتۋى كەرەك», دەدى بەلسەندى جاس بەكزات قادىرباي.