شانحاي ىنتىماقتاستىق ۇيىمىنىڭ باقىلاۋشىلار ميسسياسى ەلىمىزدەگى رەسپۋبليكالىق رەفەرەندۋمدى باقىلاۋ جۇمىستارىن باستادى. ۇيىم وكىلدەرى استانا قالاسى مەن اقمولا وبلىسىنداعى بىرقاتار ۋچاسكەنى ارالاپ ۇلگەرگەن. بۇل تۋرالى شىۇ باس حاتشىسىنىڭ ورىنباسارى ولەگ كوپىلوۆ رەسپۋبليكالىق رەفەرەندۋم اياسىندا ءوتىپ جاتقان «رەفەرەندۋم – 2026» ونلاين مارافونىندا اتاپ ءوتتى, دەپ جازادى Egemen.kz.
«بۇل – شىۇ ميسسياسىنىڭ قازاقستانداعى 16-شى باقىلاۋى. ءبىز كەشە جۇمىسىمىزدى استانا قالاسى مەن اقمولا وبلىسىنداعى بىرنەشە سايلاۋ ۋچاسكەسىن ارالاۋدان باستادىق. ۋچاسكەلەردىڭ تەحنيكالىق دايىندىق دەڭگەيى جوعارى ەكەنىن كوردىك. بۇگىن تاڭعى ساعات 7-دەن باستاپ بىرنەشە ۋچاسكەنىڭ اشىلۋىن باقىلادىق. جالپى العاندا, رەفەرەندۋمدى ۇيىمداستىرۋ مەن تەحنيكالىق دايىندىق دەڭگەيىن جوعارى دەپ ايتا الامىن», دەدى ولەگ كوپىلوۆ.
ءىىم: رەفەرەندۋم كەزىندە ەلدەگى جاعداي پوليتسيانىڭ تولىق باقىلاۋىنا الىنعان
تەلەمارافون اياسىندا تمد پارلامەنتارالىق اسسامبلەيا كەڭەسى حاتشىلىعىنىڭ باسشىسى – باس حاتشىسى دميتري كوبيتسكي ەلىمىزدە رەفەرەندۋمدى ۇيىمداستىرۋعا قاتىستى ەسكەرتۋلەر تىركەلمەگەنىن مالىمدەدى.
ماڭعىستاۋ وبلىسىندا 261 رەفەرەندۋم ۋچاسكەسى اشىلدى
«ورتالىق رەفەرەندۋم كوميسسياسى ۋچاسكەلىك سايلاۋ كوميسسيالارى قىزمەتكەرلەرىن دايارلاۋ ءۇشىن بارلىق قاجەتتى شارانى قابىلدادى. قىزمەتكەرلەر زاڭنامانى جاقسى بىلەدى جانە ۋچاسكەلەردە ءتۇرلى توسىن جاعدايلاردا قالاي ارەكەت ەتۋ كەرەك ەكەنىن تۇسىنەدى. ازىرگە ۇلتتىق باقىلاۋشىلار مەن پارلامەنتارالىق اسسامبلەيا باقىلاۋشىلار تاراپىنان ەشقانداي ەسكەرتۋلەر تىركەلگەن جوق», دەدى دميتري كوبيتسكي.
ءۇش ساعاتتىڭ ىشىندە 2 ميلليوننان استام ادام داۋىس بەردى