قازاقستاننىڭ ءارتۇرلى وڭىرلەرىندەگى ازاماتتار رەفەرەندۋمعا بەلسەنە قاتىسىپ جاتىر. ونى الەۋمەتتىك جەلىدەگى باقىلاۋشىلار ەسەبىنەن كورۋگە بولادى, دەپ حابارلايدى Egemen.kz.
ورتالىق رەفەرەندۋم كوميسسياسىنىڭ تاڭعى ۋاقىتتاعى دەرەگىنە سايكەس, قاراعاندى وبلىسى 26,64 پايىز كورسەتكىشپەن ەڭ بەلسەندى وڭىرلەردىڭ قاتارىنان كورىندى. ادامداردىڭ ەرەكشە اعىنى تەمىرتاۋ قالاسىنداعى №307 رەفەرەندۋم ۋچاسكەسىنەن بايقالدى.
پاۆلودار وبلىسىندا دا تۇرعىندار رەفەرەندۋمعا بەلسەندى قاتىسىپ جاتىر. پاۆلودار قالاسىنداعى №476 داۋىس بەرۋ ۋچاسكەسىندە تاڭعى ساعاتتاردان باستاپ حالىق كوپتەپ كەلىپ, داۋىس بەرۋ ۇيىمداسقان تۇردە ءوتىپ جاتىر. ۋچاسكەگە كەلگەن تۇرعىندار كەزەكپەن تىركەلىپ, بيۋللەتەندەرىن الىپ, ءوز تاڭداۋىن جاساۋدا.
ماڭعىستاۋ وبلىسىندا دا تۇرعىنداردىڭ بەلسەندىلىگى بايقالادى. اسىرەسە قاراقيا اۋدانىندا سايلاۋشىلار تاڭعى ۋاقىتتان باستاپ ۋچاسكەلەرگە كەلىپ, رەفەرەندۋمعا قاتىسىپ جاتىر. جەرگىلىكتى تۇرعىندار ازاماتتىق ۇستانىمىن ءبىلدىرىپ, داۋىس بەرۋ پروتسەسىنە بەلسەندى ارالاسۋدا.
باتىس قازاقستاندا «جاڭگىر حان» داۋىس بەردى
ال تۇركىستان وبلىسىندا دا رەفەرەندۋم ۋچاسكەلەرىندە ادام قاراسى كوپ. باقىلاۋشىلاردىڭ ايتۋىنشا, ءوڭىردىڭ بىرقاتار ەلدى مەكەندەرىندە تۇرعىندار تاڭەرتەڭنەن باستاپ داۋىس بەرۋگە كەلىپ, رەفەرەندۋمعا بەلسەندى قاتىسىپ جاتىر.
ۇلىتاۋ وبلىسىنىڭ اكىمى داۋىس بەردى
وسىلايشا ەلىمىزدىڭ ءار وڭىرىندە ازاماتتار رەفەرەندۋمعا قاتىسىپ, ءوز تاڭداۋىن جاسايدى. داۋىس بەرۋ ۋچاسكەلەرىندە پروتسەسس زاڭ تالاپتارىنا ساي, ۇيىمداسقان تۇردە ءوتىپ جاتىر.
102 جاستاعى ۇلى وتان سوعىسىنىڭ ارداگەرى رەفەرەندۋمدا داۋىس بەردى