15 ناۋرىز كۇنى ماڭعىستاۋ وبلىسىنىڭ تۇرعىندارى مەن قوناقتارى ءۇشىن قوعامدىق كولىكتەردە تەگىن قاتىناۋ مۇمكىندىگى ۇيىمداستىرىلدى. بۇل باستاما امال مەرەكەسى مەن رەفەرەندۋم كۇنىنە وراي قولعا الىنىپ, تۇرعىنداردىڭ قالا ىشىندە ەركىن ءارى قولايلى قاتىناۋىنا مۇمكىندىك بەردى, دەپ حابارلايدى Egemen.kz.
وبلىستاعى قوعامدىق كولىكتىڭ بارلىق باعىتتارى جولاۋشىلاردى تەگىن تاسىمالداپ, تۇرعىندار اراسىندا مەرەكەلىك كوڭىل-كۇي قالىپتاستىردى. اتالعان يگى باستاما ءوڭىر حالقى مەن قوناقتارىنىڭ كەڭ قولداۋىنا يە بولىپ, كوپشىلىك تاراپىنان العىسقا بولەندى.
بۇگىن ەلىمىزدىڭ ءىرى قالالارىندا قوعامدىق كولىكپەن قاتىناۋ تەگىن بولادى
تۇرعىندار مەرەكەلىك كۇنى تەگىن جول ءجۇرۋ مۇمكىندىگىن جاساعان ۇيىمداستىرۋشىلارعا ريزاشىلىقتارىن ءبىلدىرىپ, مۇنداي الەۋمەتتىك باستامالاردىڭ ماڭىزدىلىعىن اتاپ ءوتتى.
ماڭعىستاۋدا ءبىر اۋلەتتىڭ كەلىندەرى رەفەرەندۋمعا قاتىستى
قوعامدىق كولىكتە تەگىن جول ءجۇرۋ بۇگىن ساعات 21:30-عا دەيىن جالعاسادى. سونىمەن قاتار تۇنگى اۋىسىمداعى №10 جانە №11 قالاارالىق باعىتتارى دا جولاۋشىلاردى تەگىن تاسىمالدايدى.