ماڭعىستاۋ وبلىسىندا بۇگىن 261 رەفەرەندۋم ۋچاسكەسى ءوز جۇمىسىن باستادى. ونىڭ ىشىندە 12-ءسى – جابىق ۋچاسكە. بارلىق ۋچاسكەلەر جەرگىلىكتى ۋاقىت بويىنشا ساعات 07:00-دە اشىلىپ, كەشكى 20:00-گە دەيىن جۇمىس ىستەيدى, دەپ حابارلايدى Egemen.kz.
ءوڭىر بويىنشا رەفەرەندۋمعا قاتىسۋعا قۇقىعى بار ازاماتتاردىڭ جالپى سانى 444 198 ادامدى قۇرايدى.
رەفەرەندۋمعا قاتىسۋشىلار ءۇشىن ىڭعايلى ءارى قولجەتىمدى داۋىس بەرۋ ماقساتىندا بارلىق قاجەتتى جاعداي جاسالعان. ۋچاسكەلەردە داۋىس بەرۋ پروتسەسى زاڭ تالاپتارىنا سايكەس اشىق ءارى ايقىن ۇيىمداستىرىلعان. كوميسسيالاردىڭ جۇمىسىنا باقىلاۋشىلار قاتىسىپ, داۋىس بەرۋ ءراسىمىنىڭ زاڭدىلىعى مەن اشىقتىعىن قاداعالاپ وتىر.
101 جاستاعى الماتى تۇرعىنى رەفەرەندۋمدا داۋىس بەردى
وڭىرلىك ءبولىنىس بويىنشا ەڭ كوپ ۋچاسكە اقتاۋ قالاسىندا ورنالاسقان – 94, جاڭاوزەن قالاسىندا – 41, مۇنايلى اۋدانىندا – 42, بەينەۋ اۋدانىندا – 30, ماڭعىستاۋ اۋدانىندا – 22, قاراقيا اۋدانىندا – 18, ال تۇپقاراعان اۋدانىندا 14 رەفەرەندۋم ۋچاسكەسى بار.
رەفەرەندۋم مەن جارمەڭكە ءبىر جەردە: اتىراۋدا داۋىس بەرۋ ەرەكشە فورماتتا ءوتىپ جاتىر
ايتا كەتەيىك, رەفەرەندۋم بارىسىندا ءوڭىر تۇرعىندارى ءوز ازاماتتىق ۇستانىمدارىن ءبىلدىرىپ, ەلدىڭ قوعامدىق-ساياسي دامۋىنا قاتىستى ماڭىزدى ماسەلەلەرى بويىنشا داۋىس بەرە الادى.
ماڭعىستاۋ وبلىسى