اتىراۋ وبلىستىق پەريناتالدى ورتالىعىندا بۇگىن ەكى بىردەي ۇشەم دۇنيە ەسىگىن اشتى. بۇل قۋانىشتى وقيعا پەريناتالدى ورتالىق ۇجىمى مەن جاس انالاردىڭ جاقىندارى ءۇشىن ەرەكشە مەرەكە بولدى, دەپ حابارلايدى Egemen.kz.
پەريناتالدى ورتالىقتا ورنالاسقان №22 جابىق سايلاۋ ۋچاسكەسىندە ۇشەم انالارى دا ءوز تاڭداۋىن جاساپ, داۋىس بەرگەن. سولاردىڭ ءبىرى – گۇلشات احانوۆا, اتىراۋ قالاسىنا قاراستى اقجار اۋىلىنىڭ تۇرعىنى. بۇعان دەيىن گۇلشات وتباسىندا ءۇش قىز تاربيەلەنىپ كەلگەن. ەندى جاڭا ۇشەم قىزدارى دۇنيەگە كەلىپ, ولاردىڭ ۇيىندە بارلىعى التى قىز وسەتىن بولادى. ولار قىزداردى نۇريلا, ءسابيرا جانە حاديا دەپ اتاعان.
جەتىسۋدا 105 جاستاعى اجە العاشقىلاردىڭ قاتارىندا داۋىس بەردى
«بۇگىن مەن داۋىسىمدى ەلىمىزدىڭ بولاشاعى ءۇشىن جانە قىزدارىمىزدىڭ جارقىن ءومىرى ءۇشىن بەردىم», دەيدى جاس انا.
تاعى ءبىر ۇشەم, ءۇش ۇل بالا ايدانا ەرعاليەۆانىڭ وتباسىندا دۇنيەگە كەلدى. جاس انا دا پەريناتالدى ورتالىقتاعى جابىق سايلاۋ ۋچاسكەسىندە داۋىس بەرىپ, ءوز تاڭداۋىن جاسادى.
ماڭعىستاۋدا ءبىر اۋلەتتىڭ كەلىندەرى رەفەرەندۋمعا قاتىستى