قازىرگى ساتتە جاڭا كونستيتۋتسيانى قابىلداۋ جونىندەگى رەفەرەندۋم كۇنى الماتىدا بارلىعى 653 سايلاۋ ۋچاسكەسى جۇمىس ىستەپ جاتىر, دەپ جازادى Egemen.kz.
ءداستۇر بويىنشا الماتىدا العاشقى داۋىس بەرۋشىلەرگە ءتاتتى سىيلىقتار ۇلەستىرىلدى. العاشقى داۋىس بەرۋشىلەرگە سيمۆوليكالىق ءتاتتى سىيلىق تاراتۋ جاقسى داستۇرگە اينالعان. وسىنداي سىيلىقتى المالى اۋدانىنداعى №60 رەفەرەندۋم ۋچاسكەسىنە العاشقىلاردىڭ ءبىرى بولىپ كەلگەن تاتيانا ۆيلدانوۆا دا الدى.
ء«بىز قۇربىممەن بىرگە ۋچاسكەگە ەڭ ءبىرىنشى بولىپ كەلدىك. ازاماتتىق بورىشىمىزدى ورىنداعىمىز كەلدى. تاڭەرتەڭنەن بەرى ەرەكشە قۋانىش سەزىمىن سەزىنۋدەمىن. قازاقستاننىڭ بولاشاعى ءوز قولىمىزدا. ەستەلىك ءۇشىن سۋرەتكە ءتۇسىپ ۇلگەردىك – ءبىز ءۇشىن بۇل ناعىز مەرەكە», دەدى ول.
الماتى وبلىسىندا داۋىس بەرۋ اقساقالدىڭ باتاسىمەن باستالدى
وسىنداي سىيلىقتار №117 جالپى ءبىلىم بەرەتىن مەكتەپتە ورنالاسقان №197 جانە №202 سايلاۋ ۋچاسكەلەرىندە العاش داۋىس بەرگەن تۇرعىندارعا دا تابىستالدى. ايتا كەتەيىك, مۇندا العاشقى جارتى ساعاتتىڭ وزىندە 20-دان استام ادام داۋىس بەرىپ ۇلگەرگەن.
«رەفەرەندۋمعا قاتىسۋ – مەنىڭ ازاماتتىق بورىشىم. مەن ءوز داۋىسىمدى بەردىم. مەملەكەت قازاقستاندىقتارعا ماڭىزدى شەشىمدى وزدەرى قابىلداۋ مۇمكىندىگىن بەردى», دەدى سايلاۋشى ايدا مۇساحانوۆا.
الماتى وبلىسىندا داۋىس بەرۋشىلەر ءتىزىمى ميلليوننان اسادى
الماتى