اقمولا وبلىسىندا داۋىس بەرۋ كۇنى ەرەكشە كورىنىستەرمەن ەستە قالدى. كەيبىر تۇرعىندار رەفەرەندۋم ۋچاسكەسىنە ۇلتتىق ءداستۇردى كورسەتەتىن ەرەكشە تاسىلمەن كەلگەن, دەپ حابارلايدى Egemen.kz.
اقمولا وبلىسىندا داۋىس بەرۋ كۇنى ءوڭىر تۇرعىندارى ازاماتتىق بەلسەندىلىك تانىتىپ قانا قويماي, ۇلتتىق ءداستۇردى دە دارىپتەدى. الەۋمەتتىك جەلىلەردە تاراعان اقپاراتقا سايكەس, وڭىردەگى داۋىس بەرۋ ۋچاسكەلەرىنىڭ بىرىنە تۇرعىن بۇركىتىن الىپ كەلگەن. بۇل كورىنىس كوپشىلىكتىڭ نازارىن اۋدارىپ, داۋىس بەرۋ بارىسىنا ەرەكشە اتموسفەرا سىيلاعان.
الماتىدا سايلاۋشىلارعا فوتوايماق ۇيىمداستىرىلدى
تاعى ءبىر سايلاۋشى ۋچاسكەگە قازاقتىڭ تازى تۇقىمدى ءيتىن ەرتىپ كەلگەن. ۇلتتىق اڭشىلىق مادەنيەتىنىڭ سيمۆولى سانالاتىن تازى مەن بۇركىتتىڭ سايلاۋ ۋچاسكەسىندە كورىنۋى جۇرتشىلىق تاراپىنان قىزىعۋشىلىق تۋدىرىپ, جەلى قولدانۋشىلارى اراسىندا كەڭ تالقىلاندى.
جالپى اقمولا وبلىسىندا داۋىس بەرۋ پروتسەسى بەلسەندى ءوتىپ جاتىر. وڭىردە بارلىعى 760 رەفەرەندۋم ۋچاسكەسى جۇمىس ىستەيدى. ولاردىڭ ىشىندە 700 ۋچاسكە ازاماتتاردىڭ تۇراقتى تىركەلگەن جەرىندە, ال 60 ۋچاسكە ۋاقىتشا ورنالاسۋ ورىندارىندا – اۋرۋحانالاردا, اسكەري بولىمدەردە جانە جابىق مەكەمەلەردە ۇيىمداستىرىلعان.
استانا اكىمى رەفەرەندۋمدا داۋىس بەردى
رەفەرەندۋم ۋچاسكەلەرىندە داۋىس بەرۋ تىنىش ءارى ۇيىمداسقان تۇردە ءوتىپ جاتقانى حابارلانىپ وتىر. تاڭەرتەڭنەن باستاپ تۇرعىندار وتباسىمەن كەلىپ, ءوز تاڭداۋىن جاساپ جاتىر.