«ەل داۋىسى» قورىنىڭ بايقاۋشىلارى سايلاۋ ۋچاسكەلەرىندە تاڭعى ۋاقىتتان باستاپ ازاماتتاردىڭ كوپتەپ كەلىپ جاتقانىن تىركەدى. بۇل تۋرالى قور جەتەكشىسى ايدا جەكسەنوۆا JexeNews تەلەگرام كانالىندا حابارلادى, دەپ جازادى Egemen.kz.
قور بايقاۋشىلارىنىڭ مالىمەتىنشە, بىرقاتار سايلاۋ ۋچاسكەسىندە ادامداردىڭ قاراسى كوپ بولىپ, ءتىپتى ۋچاسكەلەر اشىلماي تۇرىپ-اق كەزەك قالىپتاسقان. كەيبىر ۋچاسكەلەردە تۇرعىندار اشىلۋ ۋاقىتىنا دەيىن جينالىپ, داۋىس بەرۋ پروتسەسىنىڭ باستالۋىن كۇتكەن.تاڭعى ساعاتتاردان باستاپ داۋىس بەرۋگە كەلگەن ازاماتتاردىڭ لەگى ءبىر ساتكە دە باسەڭدەمەي, تۇراقتى تۇردە جالعاسىپ جاتىر.
قازىعۇرتتا 100 جاستان اسقان قاريا داۋىس بەردى
بايقاۋشىلاردىڭ ايتۋىنشا, سايلاۋشىلار بەلسەندىلىك تانىتىپ, وزدەرىنىڭ ازاماتتىق قۇقىقتارىن پايدالانىپ, داۋىس بەرۋگە ەرتە كەلىپ جاتىر.
مۇنداي جوعارى بەلسەندىلىك ازاماتتاردىڭ قوعامدىق-ساياسي ومىرگە دەگەن قىزىعۋشىلىعىنىڭ ارتىپ كەلە جاتقانىن كورسەتەدى. سونداي-اق سايلاۋ ۋچاسكەلەرىندە ءتارتىپ ساقتالىپ, داۋىس بەرۋ پروتسەسى زاڭ تالاپتارىنا سايكەس ۇيىمداستىرىلىپ جاتقانى بايقالادى.
ۇلتتىق ۇلاننىڭ ساربازى تۋعان كۇنىندە العاش رەت داۋىس بەردى
جالپى, «ەل داۋىسى» قورىنىڭ بايقاۋشىلارى ەلىمىزدىڭ ءار وڭىرىندەگى سايلاۋ ۋچاسكەلەرىندە داۋىس بەرۋ بارىسىن باقىلاپ, ازاماتتاردىڭ سايلاۋ قۇقىعىنىڭ ساقتالۋىن قاداعالاپ وتىر.