كەشە پرەمەر-ءمينيستردىڭ ورىنباسارى ب. ساپارباەۆتىڭ توراعالىعىمەن ەڭبەك رەسۋرستارىنىڭ ۇتقىرلىعىن ارتتىرۋ ماسەلەسى بويىنشا ورتالىق جانە جەرگىلىكتى اتقارۋشى ورگانداردىڭ باسشىلارىنىڭ قاتىسۋىمەن كەڭەس وتكىزىلدى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەڭەس بارىسىندا كوشى-قون پروتسەستەرىنىڭ, ىشكى كوشى-قون اعىندارىن ءبولۋدىڭ جانە ەڭبەك رەسۋرستارىنا دەگەن ۇسىنىس پەن سۇرانىستىڭ تەڭگەرىمدىلىگىنىڭ وزەكتى ماسەلەلەرى تالقىلاندى.
وڭىرلىك ەكونوميكالىق جانە كوشى-قون تەڭگەرىمسىزدىكتەرىن تۇزەتۋ ماقساتىندا «جۇمىسپەن قامتۋدىڭ جول كارتاسى-2020» باعدارلاماسىنىڭ شەڭبەرىندە ازاماتتاردىڭ ۇتقىرلىعىن ارتتىرۋ بويىنشا, سونداي-اق مەملەكەتىمىزدىڭ سولتۇستىك جانە شىعىس وڭىرلەرىندە ءبىلىم ينفراقۇرىلىمىن دامىتۋ بويىنشا شارالار جاريا ەتىلدى.
كەڭەس قورىتىندىسى بويىنشا ب. ساپارباەۆ مەملەكەتتىك ورگاندارعا ەڭبەك رەسۋرستارىنىڭ ىشكى ۇتقىرلىعىن ارتتىرۋعا جانە ەڭبەك نارىعىنىڭ تەڭگەرىمسىزدىگىن تومەندەتۋگە قاتىستى ناقتى تاپسىرمالار بەردى.