استانادا شاقىرتۋعا كەلگەن مەديتسينا قىزمەتكەرىن ۇرعان ەر ادام ۋاقىتشا ۇستاۋ يزولياتورىنا قامالدى. ىشكى ىستەر مينيسترلىگى اتالعان فاكتى بويىنشا قىلمىستىق ءىس قوزعالعانىن حابارلادى, دەپ جازادى Egemen.kz.
وقيعا ەلورداداعى ساۋدا ورتالىقتارىنىڭ بىرىندە بولعان. جەدەل جاردەم بريگاداسى مەديتسينالىق كومەككە مۇقتاج دەگەن حابارلاما بويىنشا شاقىرتۋعا بارعان. وقيعا ورنىندا ماس كۇيىندەگى ەكى ەر ادامنىڭ ءبىرى دەنساۋلىعىنا شاعىمدانعان.
«12 جىلعا دەيىن قاماۋ»: قازاقستاندا مەديتسينا قىزمەتكەرلەرىنە شابۋىل جاساعاندارعا جازا بەكىتىلدى
مەديتسينا قىزمەتكەرلەرى ءتيىستى تەكسەرۋ جۇرگىزىپ, العاشقى كومەك كورسەتكەن. الايدا دارىگەرلەر كەتۋگە وقتالعان ساتتە, ەر ادامداردىڭ ءبىرى اگرەسسيا تانىتىپ, فەلدشەردى ۇرىپ جىبەرگەن.
ەستەرىڭىزگە سالا كەتەيىك, 8 قاراشادا استاناداعى تاۋەلسىزدىك داڭعىلى, 24B مەكەنجايىنداعى توعىز قاباتتى عيماراتتىڭ قاسبەتىنەن كىرپىش جابىنى قۇلادى. سالدارىنان بەس ادام جاراقات الىپ, №1 جالپى اۋرۋحاناعا جەتكىزىلگەن. 18 قاراشادا جاراقات العان فەلدشەر ۇلدانا مىرزۋان كوز جۇمدى. 18 قاراشادا, قاسىم-جومارت توقاەۆ ۇلدانا مىرزۋاندى «ەرلىگى ءۇشىن» مەدالىمەن ناگرادتادى.