الاياقتار تسيفرلىق تەحنولوگيالاردىڭ مۇمكىندىگىن پايدالانىپ, ازاماتتاردىڭ جەكە دەرەكتەرىن ۇرلاۋدىڭ جاڭا تاسىلدەرىن مەڭگەرىپ كەلەدى. سونىڭ ءبىرى – ديپفەيك تەحنولوگياسى. مامانداردىڭ ايتۋىنشا, مۇنداي ءادىس ارقىلى قاسكۇنەمدەر جالعان بەينە نەمەسە داۋىس جاساپ, ادامداردى الداپ, بانكتىك شوتتارعا قول جەتكىزۋى مۇمكىن, دەپ جازادى Egemen.kz.
ديپفەيك – جاساندى ينتەللەكتتىڭ كومەگىمەن وڭدەلگەن فوتو, بەينە نەمەسە اۋديو جازبا. بۇل تەحنولوگيا ادامنىڭ بەت-بەينەسىن دالمە-ءدال جاساپ, كەز كەلگەن داۋىستى نەمەسە قيمىلدى قولدان جاساۋعا مۇمكىندىك بەرەدى. ءتىپتى كەيبىر سەرۆيستەر ءبىر عانا بەينە نەمەسە بىرنەشە سەكۋندتىق داۋىس جازباسى ارقىلى جالعان بەينە نە اۋديو دايىنداي الادى.
مۇنداي تەحنولوگيانى الاياقتار ءتۇرلى ماقساتتا پايدالانادى. ماسەلەن, ولار جالعان فوتو, بەينە نەمەسە اۋديو ارقىلى بانكتىك شوتتارعا قول جەتكىزىپ, قاراجاتتى قولما-قول اقشاعا اينالدىرۋى نەمەسە جالعان كرەديت راسىمدەۋى مۇمكىن. سونىمەن قاتار قايتىس بولعان ادامنىڭ دەرەكتەرىن پايدالانىپ, بانكتىك ونلاين-قىزمەتتەرگە قول جەتكىزۋ ءۇشىن ونىڭ «بەينەسىن ءتىرىلتۋ» جاعدايلارى دا كەزدەسەدى.
تاعى ءبىر كەڭ تاراعان ءتاسىل – جالعان داۋىس ارقىلى قوڭىراۋ شالۋ. مۇنداي جاعدايدا الاياقتار وزدەرىن «تۋىس», «باسشى» نەمەسە «بانك قىزمەتكەرى» رەتىندە تانىستىرىپ, شۇعىل ارەكەت ەتۋدى تالاپ ەتەدى.
جەتىسۋدا جي ارقىلى جالعان چەك جاساعان ءۇش ءجاسوسپىرىم اشكەرەلەندى
مامانداردىڭ ايتۋىنشا, قاسكۇنەمدەر ازاماتتاردىڭ سەنىمىنە كىرۋ ءۇشىن مەملەكەتتىك ورگاندار باسشىلارىنىڭ, بانكتەر مەن قارجى ۇيىمدارى جەتەكشىلەرىنىڭ بەينەسىن زاڭسىز پايدالانۋى مۇمكىن.
ديپفەيكتى انىقتاۋعا كومەكتەسەتىن بىرنەشە بەلگى بار. مىسالى, ادامنىڭ بەينەدە تابيعي ەمەس جىپىلىقتاۋى, سوزدەردىڭ رەتسىز ايتىلۋى, كەكەشتەنۋ نەمەسە داۋىستىڭ روبوتقا ۇقساپ شىعۋى كۇمان تۋدىرۋى ءتيىس. بۇعان قوسا, الاياقتار كوبىنە ادامدى اسىقتىرىپ, ء«دال قازىر شەشۋ كەرەك» دەپ قىسىم جاسايدى, قايتا قوڭىراۋ شالۋعا مۇمكىندىك بەرمەيدى جانە اڭگىمەنى قۇپيا ساقتاۋدى تالاپ ەتەدى.
سونداي-اق قاسكۇنەمدەر ءتۇرلى ينۆەستيتسيالىق ونلاين-پلاتفورمالار ارقىلى تەز تابىس تابۋعا شاقىرىپ, جالعان سايتتاردا جەكە دەرەكتەردى قالدىرۋدى نەمەسە از مولشەردە اقشا اۋدارۋدى سۇرايدى. مۇنداي جاعدايدا سمس-كودتاردى, بانك كارتاسىنىڭ دەرەكتەرىن ەشكىمگە جىبەرمەۋ, كۇماندى سىلتەمەلەرگە وتپەۋ جانە اقپاراتتى تەك رەسمي دەرەككوزدەر ارقىلى تەكسەرۋ قاجەت.
ايتا كەتەيىك, ەگەر جاقىن ادامىڭىز نەمەسە تانىسىڭىز قوڭىراۋ شالىپ, شۇعىل اقشا اۋدارۋدى سۇراسا, اڭگىمەنى توقتاتىپ, وعان ءوزىڭىز قايتا حابارلاسىڭىز. وسىلايشا قوڭىراۋدىڭ شىنىمەن سول ادامنان كەلگەنىنە كوز جەتكىزۋگە بولادى.
ءىىم قازاقستاندىقتارعا جي ارقىلى جاسالاتىن الاياقتىق تۋرالى ەسكەرتتى
ساراپشىلار تانىمال ادامداردىڭ بەينەسى پايدالانىلعان جارنامالارعا دا ساقتىقپەن قاراۋعا كەڭەس بەرەدى.
قارجى نارىعىن رەتتەۋ جانە دامىتۋ اگەنتتىگى قارجى ۇيىمدارىنىڭ اقپاراتتىق قاۋىپسىزدىگىن كۇشەيتۋ باعىتىندا تۇراقتى جۇمىس جۇرگىزىپ كەلەدى. بۇگىندە كليەنتتەرگە قاشىقتان قىزمەت كورسەتۋ كەزىندە ەكى فاكتورلى اۋتەنتيفيكاتسيانى مىندەتتى قولدانۋ جانە نەگىزگى فاكتور رەتىندە بيومەتريانى پايدالانۋ تالاپتارى ەنگىزىلگەن.