پرەزيدەنتتىڭ ىشكى ساياسات ماسەلەلەرى جانە كوممۋنيكاتسيالار جونىندەگى كومەكشىسى ارمان قىرىقباەۆ ەلوردا تۇرعىندارىمەن, ونىڭ ىشىندە جۇمىسشى ماماندىقتار, كرەاتيۆتى يندۋستريالار, عىلىم, شىعارماشىلىق جانە سپورت وكىلدەرىمەن, سونداي-اق جاستار ۇيىمدارىنىڭ ليدەرلەرىمەن كەزدەسۋدە جاڭا كونستيتۋتسيانىڭ اۆتورىن اتادى, دەپ جازادى Egemen.kz.
ارمان قىرىقباەۆ اتاپ وتكەندەي, مەملەكەت باسشىسى جاڭا كونستيتۋتسيانى ۇسىنا وتىرىپ, جالپى ەلدىڭ كونستيتۋتسيالىق دامۋ فيلوسوفياسىن وزگەرتتى.
«جاڭا كونستيتۋتسيانىڭ نەگىزگى اۆتورى مەملەكەت باسشىسى ەكەنىن ءتۇسىنۋ ماڭىزدى. ونىڭ مەملەكەت قۇرىلىسى سالاسىنداعى زور تاجىريبەسى مەن حالىقارالىق ۇيىمدارداعى كوپ جىلدىق قىزمەتى ەلدىڭ كونستيتۋتسيالىق دامۋىنا قاتىستى زاماناۋي ۇستانىمدى قالىپتاستىرۋعا مۇمكىندىك بەردى. پرەزيدەنت جوبا ەرەجەلەرىمەن جەكە ءوزى جۇمىس ىستەدى», دەدى ا.قىرىقباەۆ.
سپيكەر اتا زاڭنىڭ جاڭا جوباسىنا پرەزيدەنت 2019 جىلدان بەرى دايەكتى تۇردە جۇزەگە اسىرىپ كەلە جاتقان نەگىزگى يدەيالار مەن رەفورمالار ەنگەنىن اتاپ ءوتتى.
ابزال قۇسپان: جاڭا كونستيتۋتسيا ادامعا باعىتتالعان مەملەكەتتىك باسقارۋدىڭ جاڭا فيلوسوفياسىن قالىپتاستىرادى
«زاڭ مەن ءتارتىپ», «تازا قازاقستان», «ادىلەتتى قازاقستان», «ادال ازامات» سياقتى تاعى باسقا قاعيدالار كونستيتۋتسيانىڭ جاڭا جوباسىندا ءوز ورنىن تاپتى. شىن مانىندە, جاڭا كونستيتۋتسيا جوباسى مەملەكەت باسشىسى 2019 جىلدان بەرى ىسكە اسىرىپ كەلە جاتقان ساياسي باعىتتىڭ كۆينتەسسەنتسياسىنا اينالدى», دەدى ول.
ا. قىرىقباەۆتىڭ ايتۋىنشا, بۇل رەفورمانىڭ باعىتتارىن پرەزيدەنت جوبانى ازىرلەي باستاعانعا دەيىن بەلگىلەگەن.
«بۇل ۇلتتىق ەگەمەندىكتى نىعايتۋ, بيلىكتىڭ اۋىسۋى مودەلىن بەكىتۋ, ەكولوگيالىق جاۋاپكەرشىلىكتى كۇشەيتۋ مەن ادامعا باعدارلانعان مەملەكەتتىك باسقارۋ جۇيەسىن قالىپتاستىرۋ تۋرالى», دەپ ءتۇسىندىردى ول.
ونىڭ پىكىرىنشە, قوعامنىڭ جاڭا كونستيتۋتسيا جوباسىن جاپپاي قولداۋىن وسىمەن تۇسىندىرۋگە بولادى. قازاقستاندىق قوعامدىق دامۋ ينستيتۋتى جۇرگىزگەن ساۋالناماعا سايكەس, حالىقتىڭ 89,2%-ى جاڭا كونستيتۋتسيا جوباسىن قولدايدى.
جاڭا كونستيتۋتسيا جوباسى سوت تاۋەلسىزدىگى مەن قۇقىق ۇستەمدىگىن كۇشەيتەدى
«ازاماتتار جاڭا كونستيتۋتسيادان سوڭعى جىلدارداعى رەفورمالاردىڭ لوگيكالىق جالعاسىن كورىپ وتىر. مۇندا «ادىلەتتى قازاقستان» تۇجىرىمداماسى ەل دامۋىنىڭ باستى يدەولوگيالىق نەگىزى رەتىندە بەكىتىلگەن. سوندىقتان جوبانى قولداۋ – بۇل ءپوزيتيۆتى وزگەرىستەر مەن قازاقستان مەملەكەتتىلىگىن ودان ءارى نىعايتۋدى قولداۋ», دەپ تۇيىندەدى ا. قىرىقباەۆ.
سونداي-اق, ينتەراكتيۆتى فورماتتا (ەركىن پىكىر الماسۋ) وتكەن كەزدەسۋگە ساراپشىلىق-تالداۋ قاۋىمداستىعىنىڭ وكىلدەرى, ءماجىلىس دەپۋتاتتارى, جاستار ۇيىمدارىنىڭ ليدەرلەرى («جاڭا ادامدار», «جاستار رۋحى», «دالا قىراندارى», «قازاقستان جاستارى كونگرەسى», «ەسىرتكىسىز بولاشاق» جانە باسقالارى), كرەاتيۆتى يندۋستريا وكىلدەرى قاتىسىپ, رەفورمالاردىڭ زاماناۋيلىعىن اتاپ ءوتتى جانە جاڭا كونستيتۋتسياعا قولداۋ ءبىلدىردى.
ايدا بالاەۆا: جاڭا كونستيتۋتسيا ءسوز بوستاندىعىنا كەپىلدىك بەرەدى