قازاقستاندىق گيمناست ميلاد كاريمي ءازىربايجاننىڭ باكۋ قالاسىندا ءوتىپ جاتقان الەم كۋبوگىنىڭ كەزەڭىندە كۇمىس مەدال جەڭىپ الدى, دەپ حابارلايدى Egemen.kz.
كاريمي ەركىن جاتتىعۋلار باعدارلاماسىندا ەكىنشى ناتيجە كورسەتتى. فينالدا ول 14.300 ۇپاي جيناپ, جارىستى ەكىنشى ورىنمەن اياقتادى.
بەلارۋس سپورتشىسى ەگور شارامكوۆ 14.533 ۇپايمەن ءبىرىنشى ورىندى يەلەندى. ءۇشىنشى ورىن جاپونيالىق كازۋكي ميناميگە بۇيىردى – 14.200.
سونداي-اق بۇگىن, 7 ناۋرىزدا قوسسىرىقتاعى جاتتىعۋلار بويىنشا فينال ءوتتى. قازاقستاندىق دميتري پاتانين 13.166 ۇپاي جيناپ, جەتىنشى ورىن الدى.
قازاقستاننىڭ بەس گيمناستى ازەربايجانداعى الەم كۋبوگى كەزەڭىنىڭ فينالىندا ونەر كورسەتەدى
ايتا كەتەيىك, الدا قازاقستان قۇراماسىن تاعى بىرنەشە فينال كۇتىپ تۇر. ميلاد كاريمي مەن دياس تويشىبەك كەرمەدەگى جاتتىعۋلاردا ونەر كورسەتسە, زەينوللا ىدىرىسوۆ پەن ناريمان كۋربانوۆ ات سناريادىنداعى جاتتىعۋلاردا باق سىنايدى.